Te Otinako 33:12 - Te B'aib'ara

¹² E taku Moote nakon te UEA, “I ataia b'a ko a tia n tuangai b'a N na kairiia aomata aikai nakon te aba are Ko berita iai nakoia. Ma Ko bon tuai tuangai b'a antai ae e na riki b'a au kauoman. Ko a tia n taekinna b'a raoraou Ngkoe ao Ko kukurei i rou.

Te Otinako 33:12 ပူးပေါင်းရင်းမြစ်များ

Te Otinako 33:17

Ma ngaia are, E taku te UEA nakoina, “N na karaoi b'aai n aron are kam a tia ni buubutiai iai, i bukina b'a bon raoraou ngkami ae I kukurei i roumi.”

Ieremia 1:5

“Ieremia, bon Ngai am Tia Karikib'ai, I a kaman rineiko b'a ko na taetae ibuku nako ia taian botannaomata i m'aain bungiakim.”

Te Otinako 32:34

Ngkai ko na kairiia aomata nakon te tabo are I a tia n tuangko, ao e na kairiko Au anera. Ma N na katuaaia i bukin aia bure aei ngkana e roko te tai arei.

2.Timoteo 2:19

Ma te aana ae matoatoa are ana aana te Atua e bon aki kona ni kam'aingaki; ao a koreaki i aona taeka aikai: “E bon ataiia ana aomata te Uea” ao “A na bane ni kitana te buakaka akana m'anewea aran te Uea.”

Itaia 43:1

Kanoan Iakob'a, Boni Ngai, ae I karikiko ma ni boboota ami botannaomata. Iteraera, ko na aki maaku. I a tia ni kamaiuko. I a tia ni weteiko n aram; ao ngkai ai au aomata ngkoe.

Karikani B'aai 18:19

I a tia n rineia n te aro b'a e na manga mwiokoia natina mm'aane, ma kanoana b'a a na ongotaeka irou ma ni kakaraoa te raoiroi ma te eti. Ngkana a karaoa aei, ao N na karaoi b'aai ni kabane ake I a tia ni berita iai.”

Te Otinako 33:1

E taku te UEA nakon Moote: Ko na kairiia aomata ni kaotinakoia mai Aikubita. Katauraoiko ngkai b'a ko na kairiia nakon te aba are I a tia ni berita iai nakoia aia bakatibu ake Aberaam, Itaaka, ao Iakob'a.

Te Otinako 3:10

Ko na nakon te uea ngkai! I kanakoko b'a ko na kairiia Au aomata ni kaotinakoia man abana.

Taian Areru 1:6

A kairiiraki ma ni kawakinaki iroun te UEA aomata akana a raoiroi, ao aomata akana a buakaka a toua kawain te kabuanib'ai.

Te Otinako 33:2

Bon te aba are e rawata iai te miriki ao ana karewe te manibeeru, ao N na kanakoa te anera b'a e na kairoroia ni kanakoia aomata ake a maeka ikekei,

Itaia 45:3

N na anganiko taiani kaub'ai aika a karabaaki n te roo ao n taabo aika a raba. Ao ane ko na ataia b'a boni Ngai te UEA ae Atuaia Iteraera, ae e a tia ni wetei ngkami n arami.

Akai 2:5

n aron are I a tia berita iai nakoia ami bakatibu ngke I kaotinakoia mai Aikubita. Kam na aki raraoma. E na mena iroumi Tamneiu iroumi ikai.

Te Otinako 3:4

Ao ngke E nooria te UEA b'a e a roko Moote i rarikin te buakoako n aroka, ao E a wetea arana, ao e kaeka Moote, “Aio ngai.”

Te Otinako 34:9

Ao e tataro ni kaangai, “Te UEA, ngkana arona b'a Ko bon kukurei irou, ao I tataro b'a Ko na iriira. E bon koaua ae bon taani bure aomata aikai ao taani kamangao, ma Ko na kab'arai ara bure ao karikiira b'a am aomata.”

2.Tamuera 15:25

Ao e taku Tawita: Tatoka, kaoka te Atiniberita nako Ierutarem. Ngkana arona b'a e kukurei te UEA irou, ao e na manga kaokai b'a N na manga konaa n nooria riki ma Ana autinrianna.