Te Otinako 32:7 - Te B'aib'ara

⁷ E taku te UEA nakon Moote: Kawaekoako n oki rikaaki! A riki b'a kaanga baaba aomata ake ko kaotinakoia mai Aikubita.

Te Otinako 32:7 ပူးပေါင်းရင်းမြစ်များ

2.Rongorongo 27:2

E ongotaeka Iotam iroun te UEA ao e karaoa ae e raoiroi. E katotoonga tamana are Utia, ma e aki roko n te kabuoka te b'ai ni kaboiarara n te Tembora n aron are e a tia ni karaoia tamana. Ma a bon teimatoa naba ni bure nakon te UEA kaain Iuta.

Taian Areru 78:36

Ma bon taiani kewe aia taeka nako; Akea te koaua ni baike a taekin.

Te Otinako 19:24

Ao E taku te UEA, “Naako ruuo ni kairamai Aaron. Ma ibonga ma aomata a na aki ri aon te tia are e a tia ni koreaki nako Iu, b'a N na katuaaia ngkana a ri aona.”

Te Otinako 32:1

Ao ngke a nooria aomata b'a e a rangi ni maan Moote i aon te maunga, ao a nako nakon Aaron ao a taku, “Karaoa taamnein antira are e na kairiira ma ni kaawakiniira. E kaotinakoira Moote mai Aikubita, ma bon akea temanna ae ataia b'a tera ae e a tia n riki nako ina.”

Te Otinako 32:11

Ao e kataia Moote ni butiia te UEA ae te Atua b'a E na bita nanona: Ara UEA. Ko kamanenaa ngkoa korakoran m'aakam ni kaotinakoia aomata aika mai Aikubita. I butiko b'a Ko na aki un i rouia ngkai ma ni karaoi taekaia.

Te Otinako 32:4

ao i mwiina, e kaburoi ni karanii ao e karaoi nakon bannan te kao te ataei. Ao a taku aomata, temanna nakon temanna, “Bon aei te atua are e kaotinakoira mai Aikubita!”

Te Otinako 33:1

E taku te UEA nakon Moote: Ko na kairiia aomata ni kaotinakoia mai Aikubita. Katauraoiko ngkai b'a ko na kairiia nakon te aba are I a tia ni berita iai nakoia aia bakatibu ake Aberaam, Itaaka, ao Iakob'a.

Itaia 1:4

Iteraera, bon te botannaomata ngkoe ae ko buubure, ao ko onrake n te kaairua. Ko rangi ni buakaka, ao ko kam'araa ao ko a tia n tannako mai roun te UEA, ae Atuaia Iteraera ae te Atua ae tabu.

Taniera 9:24

Itiua m'aitin te itibwi te ririki, bon maanin te tai are e na roko iai kainaomatakiia am Aomata ma te kaawa are e tabu man te bure ao te b'ai ae e kam'araa iroun te Atua. A na kab'araaki buure, ao e nangi roko te eti ae akea tokina, b'a e aonga ni koro bukin te kaotioti ma te taetae ni burabeti, ao e na manga katabuaki te Tembora.

Otea 9:9

Ko tiritiri ao ko akiako, n aroia m'anen Kibea. Ma E uringa ami bure te Atua, ao E na katuaaeko.

Te Tua-Kaua 31:29

I a kaani mate, ao I ataia b'a ae kam na aki tabe ngkana kam karaoa ae eti ke e bure, ao ane kam na aki ongotaeka iroun te UEA ma ni katoka maiuakinan te kawai are I a tia n tuangingkami b'a kam na maiuakinna. Ane na un te UEA, ao ane a na roko taian kangaanga iroumi.

Te Tua-Kaua 32:5

Ma ngkami kam kewetaia ao kam karaoi m'akuri ni baabakanikawai ao kam aki kakaonimaki nakoina, ao kam aki tau n riki b'a ana Aomata kam bon kamamaaeingkami ao bon akea manenami n riki b'a natina.

Te Tua-Kaua 4:16

b'a kam na aki taromauriia bouananti. Tai karaoi bouananti aika a na taromauriaki, aika kaanga tamneia m'aane, ke aine,

Te Tua-Kaua 9:12

ao E taku: Moote, ko na kawaekoako n ruo man te maunga nakoia aomata ake ko kaotinakoia mai Aikubita. A tia n aki ongotaeka nako Iu, b'a a karaoa te bure ae moan te buakaka are karaoan te bouananti.

Te Tua-Kaua 9:8

Kam rangi ni kauna naba te UEA n te Maunga are Tinai n te aro are E nang kamateingkami.

Tani Motiki-taeka 2:19

Ma rimwi riki, a na rikirake ni bure Iteraera nakoia aia bakatibu. A tangingabono Iteraera, a aki katoka aroia n tataromauria atua riki tabeman ke n ongo aia reirei aaro tabeua.