Te Otinako 32:5 - Te B'aib'ara

⁵ Ao ngke e nooria Aaron b'a a rangi ni kukurei aomata iai, e manga katea te baonikarea i matan te bouannanti ao e taku, “Nakon te ingabong, ti na karaoa ara bootaki are karinean te UEA.”

Te Otinako 32:5 ပူးပေါင်းရင်းမြစ်များ

1.Uea 21:9

Ao e kaangai kanoan ana reta: Weteia aomata ni kabane, ao tuangiia b'a a na aki am'arake n te bong aei. Ao ngkana a bane ni ikotaki ao katekateka Naabota mai i moa.

2.Uea 10:20

Ao e taku, “Kam na katanoataa te bong are e na taromauriaki iai B'aara. Ao i mwiin te katanoata,

2.Uea 16:11

E irii baairean aroni katean te baonikarea Uria ni katea iai te baonikarea ae bon aekakin raoi are i Tamateko, ma ni katiaa raoi i m'aain okin Aati.

2.Rongorongo 30:5

A bane ni kaoaki aomata nako ni moa mai Beera Teba i maiaki nako Taan i meang. Ai tib'a aio te kabanea ni korakora iai m'aitiia aomata aika a bukamarua te Toa are te Riao, n aron are e tauaki mwiina n te rongorongo ae e eti.

Te Otinako 10:9

Ao e kaeka Moote ni kaangai, “Boni ngaira ni kabane, n reitaki ma natira ao ara kara. Ti na kairiia natira mm'aane ma natira aine, ara tiibu ma ara kooti, ao ara kao, b'a ti tangiria ni karaoa te toa i bukin karinean te UEA.”

Te Otinako 12:14

Kam na bukamarua te bong aei b'a te bong ae te toa are kauringaakimi n te b'ai are E a tia n karaoia te UEA. Kam na kaakaraoia n taai nako ni boong aika a na roko.”

Te Otinako 17:15

Ao e katea te baonikarea Moote, ao e aranna ni kaangai, “Bon au man n tokanikai te UEA.”

Te Otinako 32:4

ao i mwiina, e kaburoi ni karanii ao e karaoi nakon bannan te kao te ataei. Ao a taku aomata, temanna nakon temanna, “Bon aei te atua are e kaotinakoira mai Aikubita!”

Te Otinako 32:6

Ao a uti m'aaka aomata n te ingabong are i mwiina ao a tiringi tabeman taiani man ake a na kamanenaaki i bukin te karea ao tabeman i bukin te am'arake. Ao i mwiina, a bane n am'arake aomata ma ni mooi ni katibutauaia ao ni kakoroia n te aro are a riki b'a kaanga maan aika aki manana.

Otea 8:11

Iteraera, ko a tia ni katei taian baonikarea aika m'aiti ike kam anga karea ni kab'ara bure. Ma a riki taian baonikarea aikai b'a taabo ake a bure aomata iai.

Otea 8:14

Iteraera, I karikingkami, ma kam m'aninga taekau. Ko karaoi taian bareti ngkoe ma Iuta ao kaawa aika a matoatoa. Ao ngkai N na kanakoa te ai b'a e na urua ami kaawa nako ma taian nono.

Nakoaia Ibonga 23:2

b'a e na tuangiia Iteraera ni kaangai: I a tia n rinei taai i bukimi b'a kam na bootaki n taromauriai.

Nakoaia Ibonga 23:21

Aio bon te bongi n runga ma n taromauri, ae te tai ni motirawa man ami m'akuri. Ngkami ma kanoami kam riai n ongotaeka nakon te tua aei.

Nakoaia Ibonga 23:37

I a tia n rinei taian toa aikai b'a aia tai au aomata n roko ao ni bootaki n taromauri, ao n anga naba te naa ni karea aika maan aika kawakawa, uaanikai aika a uangingi, ao te wain. E na anga te aba karea aikai ni bongiia.

Nakoaia Ibonga 23:4

Tataekin tooa aikai n taia.

1.I-Korinto 5:8

Ma ngaia ae ti na botaki ni kukurei n te Toa are te Riao, ma ti na aki kabongana te kariki are iai te iiti nikawai iai, are te bure ma te buakaka; ma ti na kabongana te kariki are akea te iti iai, are karikin te itiaki ma te koaua.

1.Tamuera 14:35

Bon te moan baonikarea are kateia Tauro i bukin te anga karea nakon te UEA.