Te Otinako 32:4 - Te B'aib'ara

⁴ ao i mwiina, e kaburoi ni karanii ao e karaoi nakon bannan te kao te ataei. Ao a taku aomata, temanna nakon temanna, “Bon aei te atua are e kaotinakoira mai Aikubita!”

Te Otinako 32:4 ပူးပေါင်းရင်းမြစ်များ

1.Uea 12:28

Ao e bubutiia taan iango b'a a na buokia n tuanga arona, ao i mwiina, e a karaoi uoua taiani kaoteteei aika koora. E kaoti nakoia aomata ao e taku, “Kakauongo aomata ni kabane. Kam a riai n aki manga nako Ierutarem n taromauri. Ao aikai atuami ake a kamaiungkami mai Aikubita.”

1.Uea 12:32

Ao e manga iangoa naba te bong n toa ae e boou i bukiia Iteraera n te bong ae tebwi ma nimaua bongin te kawanua n nam'akaina, kaanga aron are e kakaraoaki i Iuta. Ao n te bong anne, e nako iai Ieroboam nako Betaera ao e anga iai ana karea iai i aon te baonikarea nakon te kaoteteei are te koora are e a tia ni katikua ikekei. Ao i mwiina, e a anganiia ibonga tib'angaia nako.

2.Uea 10:20

Ao e taku, “Kam na katanoataa te bong are e na taromauriaki iai B'aara. Ao i mwiin te katanoata,

2.Uea 10:29

Ma e aki katoka taromaurian bouanantin te kaoteteei ae te koora i Taan ao Betaera, are e a tia ni kateia Ieroboam b'a e na taromauriaki irouia aomata.

2.Rongorongo 11:15

E a manga bon karekeia ana ibonga Ieroboam b'a taani m'akuri n taiani baangota ake baangotan te aba i Iteraera ao n taabo n taromauri ake e a tia ni kateaki iai bouanantin te kooti are te anti ao taian kao ataei.

2.Rongorongo 13:8

Ko taku ngkai b'a ko konaa ni kaaitaraa te abanuea are e a tia te UEA n angan Tawita ma ana kariki ngkoe ma am taanga ni buaka ane e korakora anne. Bon akanne antim ao akea riki, akana bannan taian kao ataei aika koora, ake e karaoi ngkoa Ieroboam i bukim.

Neemia 9:18

e ngae ngkana a karaoa te bouannanti ae katotoongan te kaoteteei ae e rangi ni karawaawatako ngke e kaangai, “Aio te anti ae e kamaiura mai Aikubita.”

Te Otinako 20:2

“Bon te UEA Ngai ae Atuami, are I kaotinakoi ngkami mai Aikubita, are kam toronaki iai ngkoa.

Te Otinako 20:23

Kam na aki karaoa atuami man te tirewa, ke te koora, b'a kam na manga taromauriia i rarikiu.

Te Otinako 20:4

“Tai karaoi ami bouannanti aika katotongan b'aini karawa, ke b'ain aonteaba, ke b'ain marawa are i aan te aba.

Te Otinako 28:11

Ao karaoa naba anne nakoia nikiran naati mm'aane ake onoman riki i aon taian atiibu ake tabeua.

Te Otinako 28:9

Kanim uoua taian oniki aika a atiibu n aron tein te b'ai ni katamaroa te koora, ao kanim n tatabeua nako ma kabaean te anga.

Te Otinako 32:1

Ao ngke a nooria aomata b'a e a rangi ni maan Moote i aon te maunga, ao a nako nakon Aaron ao a taku, “Karaoa taamnein antira are e na kairiira ma ni kaawakiniira. E kaotinakoira Moote mai Aikubita, ma bon akea temanna ae ataia b'a tera ae e a tia n riki nako ina.”

Te Otinako 32:24

Ao i mwiina, I buubutiia b'a a na uoti nako iu aia taabia koora. A buuti ma n anganai. I kab'akai taiani koora i nanon te ai, ao I a karaoa te kao aei mai iai.

Te Otinako 32:3

Ao a bane aomata ni buuti aia taabia aomata nako ao a uoti nakon Aaron,

Te Otinako 32:35

Ma ngaia are, e katuaaia Iteraera te UEA n te aoraki ae e kakamaaku i bukina ngke a tuanga Aaron b'a e na karaoa aia bouannanti te koora.

Te Otinako 32:5

Ao ngke e nooria Aaron b'a a rangi ni kukurei aomata iai, e manga katea te baonikarea i matan te bouannanti ao e taku, “Nakon te ingabong, ti na karaoa ara bootaki are karinean te UEA.”

Te Otinako 32:7

E taku te UEA nakon Moote: Kawaekoako n oki rikaaki! A riki b'a kaanga baaba aomata ake ko kaotinakoia mai Aikubita.

Te Otinako 32:8

A tia ni kaman katoka ongotaekaia i Rou: a tia ni karaoa aia bouannanti ae bannan te kao te ataei. A bobaraaki nako ina, ao a angakarea nako ina, ao a taku b'a te anti arei are e kaotinakoia mai Aikubita.

Itaia 30:22

Ao ane kam karaoia ami bouannanti ake taian tirewa ma koora kaanga taian turam ni maange; kam na karenakoia kaanga taian uraeki ae e a kam'araa.

Itaia 46:6

Tabem'aang aomata a kabooia taani karaobiti ao a anga taian tirewa ao taiani koora b'a e na karaoaki mai iai te bouannanti b'a a na taromauria.

Etekiera 23:8

N te tai are e karaoi iai baikai i Aikubita, e aki manga konaa ni katokia. A wene m'aane ma ngaia, ao e a bon tatauraoi naba nakon te wene ni bure.

Otea 10:5

A bane ake a maeka i Tamaria n ruru ni maaku i bukin iangoan taian bouananti i Betaera are e korakora te bure iai. te bouannanti bon aia kamoamoa taian ibonga, ma a bon uotiia nakon te kamamaaeaki; ao ngkai a bane n tang.

Otea 13:2

Ao ngkai ko teimatoa naba ni karaoa te bure n arom ni korotamnei ma ni karaoi taian bouannanti aika taian tirewa aika bannan taian kao ataei. Ko tuangaki b'a ko na anga karea nakon taian bouananti aikai eng, ao ni kiiti naba ma ngaiia.

M'akuri 17:29

Ma ngaia aei, b'a ngkai ti riki mairoun te Atua ao e aki riai b'a ti na taku i nanora b'a te koora arona n Atua, ke te tirewa, ke te atibu, are karaoaki b'a katotongana iroun te aomata ae rangi n rabakau ni m'akuri n tabonibaina, man ana iango.

M'akuri 7:41

Ao a karaoa ngkanne te bouananti ae katotongan te kao te teei, ao a anga karea nakoina, ao a botaki ni kim'areirei i bukin te m'akuri are a tia ni karaoia ni baiia.

1.I-Korinto 10:7

Kam na tai riki b'a taan taromauri bouannanti n ai aroia tem'angina i buakoia. N ai aron are koreaki ni kangai, “A tekateka aomata b'a a na am'arake ma ni moi, ao a tei rake b'a a na m'am'aie.”

Te Tua-Kaua 9:16

Ao I noori aromi b'a kam waekoa ni karaoa te bure, ao n aki ongotaeka nakon te UEA ae Atuami. Ao kam a taromauria te bouananti ikekei ae karaoaki man te biti ae kam karaoia b'a katotongan te kao teteei.

Tani Motiki-taeka 8:24

Ma N na butingkami te b'ai teuana. Anganai b'aai ni kabane ake kam karekei mai rouia ami kairiribai. Bon kaain Itimaera ami kairiribai ngkoa, ake a kakabonakoi taian taabia aika koora.

Tani Motiki-taeka 8:27

Ao e okira mwengana Kiteon i Obera ao e karaoa te bouananti man te koora, are a manga waakina taromauriana Iteraera. Ao e riki b'a te b'ai ni kam'ane nakon Kiteon ma ana utu n taromauria te bouananti. A bon tia n rangi ni konaaki buaka kaain Miiria n te aro are a bon aki manga reke korakoraia ni buakaniia Iteraera. Ma ngaia are, a tiku n rau Iteraera i nanon 40 te ririki i nanon ana tai ni maiu Kiteon.