Te Otinako 32:32 - Te B'aib'ara

³² Ma I a buubutiiko te UEA b'a ko na kab'araa aia bure. Taiaoka kamaunaa arau man am boki ngkana Ko aki kab'araa aia bure.

Te Otinako 32:32 ပူးပေါင်းရင်းမြစ်များ

2.Tamuera 18:33

Ao e a ruru Tawita. Ao i mwiina, e waerake nakon te ru are i etan mataroan te kaawa n tang iai. Ao e b'aeb'aeti ngke e tabe ni m'ananga ao e taku, “Natiu ae Abetarom! Natiu ae Abetarom! Natiu, natiu ae Abetarom! Tera ngke I mate n onea mwiim! Abetarom, natiu, natiu!”

Taian Areru 139:16

Ko norai i m'aini bungiakiu. A kaman tauaki mwini boong ake a katauaki i buku i nanon am boki, i m'ain rokoia.

Taian Areru 56:8

Ko ataa arou n aki rau; Ko kawakin taekan mwin m'aitin rannimatau tiaki a koreaki taekaia n am Boki?

Taian Areru 69:28

A bia kamaunaki araia mani bokin te maiu; A bia aki karinaki araia i rarikin araia am Aomata.

Te Otinako 32:10

ao I a rangi ni un n te aro are N nang karaoi taekaia, ma ngaia are, ko na aki tautauai. Ma N na karaoia am kariki b'a te botannaomata ae e kakannato.

Itaia 4:3

A na bane n atongaki aomata ake nikira ni maiu i aon Ierutarem b'a aomata aika a tabu,

Etekiera 13:9

N na eekiia nako ao N na manga karikiia b'a au aomata. A na aki manga atongaki b'a Iteraera ke n toua Iteraera. Ane a na tib'a uringnga b'a bon te UEA Ngai ae te Atua.

Taniera 12:1

Ao e taku te anera are e kunnikaia n te rinen, “Ao ane e na kaoti te anera are Kabiriera are e kakawakiniia am aomata. Ane e na roko tain te kangaanga, aika a tuai ma n noonoria taiani botannaomata ma ngke a moani kaoti nakon te aonnaba aio. Ao ngkana e roko te tai anne, ao a na bane ni kamaiuaki am aomata ake a m'akoro araia n ana boki te Atua.

Amota 7:2

Ao i nanon miiu, ao I noori rookati b'a a kang baika a mawaawa ni kabane i aonteaba. Ao I taku, “Kab'arai aia bure aomata te UEA ae rietaata! A na kangaa ni maiu, b'a bon aomata ngaiia aika a uarereke ma ni mamara!”

Maraki 3:16

Ao ngke a moanna aomata aika a karinea UEA ma nanoia ma ni karinea arana ni maroroakin baikai, ao E koroi araia b'a a aonga n ururingaki n ana boki te UEA ngke e noora te b'ai are e riki.

Maraki 3:17

Ao e taku te UEA ae Moan te M'aaka: Kam rangi ni boongana irou ngkami aika aomata, ao N na bon tei i bukimi ngkana I roko n uota te motikitaeka ae eti, kaanga kaaro ngkana a kaawakiniia natiia aika a ongotaeka.

Warekaia Iteraera 11:15

Ngkana arom aei nako iu, ao e raoiroi riki ngkana Ko tiringai ngkai b'a e aonga n toki rawawatau!

Warekaia Iteraera 11:25

Ao ngke E taetae te UEA ma ngaia, ao te UEA, E anaa te m'aaka teutana mairoun Moote, ao E anganiia taani kairiri ake 70. Ao ngke a niniaki n te Tamnei, ao a takaarua n ai aroia burabeti. Ma bon ti aei te tai are a karaoa iai te aro aei.

Warekaia Iteraera 14:19

Ko rangi n akoi, ao Ko karaoa ae raoiroi riki nakon are e bon riai n reke nakoia. Ma ngaia are, ti butiiko b'a Ko na kab'arai aia bure aomata aikai n ai arom naba ngkoa ngke Ko kab'arai aia bure ngke ti kiitana Aikubita ni karokoa te tai aei.

Ruka 10:20

Ma e ngae n anne, ao kam na aki kakatonga n aei, ae a aantaeka i roumi anti; ma kam na kakatonga b'a a koreaki arami i karawa.”

Ruka 23:34

Ao E taku Iesu, “Tamau, kab'ara aia bure; b'a aki ata ae a karaoia.” Ao tautia a kakaea n te m'akuri ni kaiwa b'a antai ae na reke tib'ana ni kunnikain Iesu.

I-Rom 9:3

Ao e bia reke kaiu, ma ni karaureaki ma Kristo i bukiia tariu ake au bu n te katei n aomata;

Te Tua-Kaua 25:19

E na buokingkami te UEA ae Atuami n taua te aba, ao E na anganingkami te rau. Ma ngkana e roko te bong arei, ao kam na riai n tiringiia kaain Amareka n akea nikiraia naba temanna, b'a a aonga n akea manga uringakiia ae a maiu, ngke a mena ngkoa ikanne.

Te Tua-Kaua 29:20

Ao E na rangi n un te UEA, ao E na aki kab'arai ami bure, ma E nang kaokoroingkami mai buakoia baronga ake tabeua. Ao i mwiina, E na kamateingkami ni kab'aka i aomi taian taeka ni kamaraia ni kabane ake n Ana Boki n Tua te Atua, ao ane e na mauna nako taekami n aki manga uringaki ni karokoa tokin aonnaba.

Te Tua-Kaua 9:14

Ma ngaia are, ko na aki manga tautauai. N nang kamaunaia, ao akea man te aonnaba aei ae na manga ataia b'a a bon tia ni maiu. Ao N na kabuuburaa ma ni kakorakora riki kanoam nakoia aia botannaomata Iteraera.

I-Biribi 4:3

Eng, ao I butiko naba, ngkoe ae raou ni m'akuri ni koaua, b'a ko na buokiia nakanne, b'a a tia ni kakorakoraia ni m'akuri ma ngai i bukin te euangkerio; ao raoia naba Kiremenito ma raou ni m'akuri ake tabem'aang, ake a mena araia n te boki ni Maiu.

Te Kaotioti 17:8

Te man are ko noria bon iai ngkoa, ma akea ngkai: ao e nangi rierake mai Abuto, ma n nako n te kamateaki. Ao a na mimi akana maeka i aon te aba, akana aki koreaki araia ni bokin te maiu ma ngke a moa ni karikaki aonnaba, ngkana a nora te man arei b'a bon iai ngkoa ma akea ngkai, ao b'a e na manga kaoti.

Te Kaotioti 21:27

Ao e na bon aki kona n rin i nanona te b'ai ae kam'ara, ke ane e karaoa ae riai ni bati n ribaaki ma ni b'ab'aina te kewe; ma a na rin iai ti te koraki ake a tia ni m'akoro araia ni bokin te maiu are ana b'ai te Tiibuteteei.

Te Kaotioti 22:19

ao ngkana iai te bae e kamaunaa te aomata man taeka ni burabeti n te nira ni boki aei, ao te Atua E na anaa mai rouna tib'angana n te kai ni maiu ao man te kaawa are tabu, ake a koreaki taekaia n te niira ni boki aei.

Te Kaotioti 3:5

Ane tokanikai ao e na kunnikaia ni kunnikai aika mainaina; ao N na bon aki kamaunaa arana man te boki ni maiu arei, ao N na kaotia b'a bon au aomata i matan Tamau ao i mataia ana anera.