Te Otinako 32:26 - Te B'aib'ara

²⁶ Ma ngaia are, e tei Moote ni mataroan aia maeka ao e takaarua ni kaangai, “Ngkami akana kam taku b'a kam mena n ana itera te UEA, nako mai ikai!” Ao a bootaki mm'aane ake kanoan te baronga are Rewi i rarikin Moote,

Te Otinako 32:26 ပူးပေါင်းရင်းမြစ်များ

2.Tamuera 20:11

E tei temanna ana tautia Ioaba i rarikin rab'atan Amata ni weewete ni kaangai, “Akana a tei i bukin Ioaba ma Tawita a na ira Ioaba!”

2.Uea 9:32

Ao e tararake Ieu nakon te winto ao e titiraki ni kaangai, “Iai ae e tei n au itera ae e mena i eta ikekei?” Ao a kaotinakoi atuuia tabeman taani m'akuri n te bareti man te winto,

Taian Areru 94:16

Antai ae e tei i buku ni kaitaraia akana buakaka? Antai ae buokai ni kaitaraia taani karaoa ae buakaka?

Te Otinako 32:25

Ao e ataia Moote b'a akea ae e na kairiia aomata, ma ngaia are, bon ana bure Aaron. Ao ngkai a tia ni katei tamneia aika a nanobaba i mataia aia kairiribai nako.

Te Otinako 32:27

ao e taku nakoia. “E tuangkami te UEA b'a kam na kabaei ami kabaang ma n nako n niniia aia maeka, n tiringiia ami koraki, raoraomi, ao kaain rarikimi nako.”

Mataio 12:30

Ane aki mena i Rou, ao e rawa nako Iu; ao ane aki uaia ni boboti ma Ngai, ao e kamaae nako.

Te Tua-Kaua 33:9

E rangi ni kakannato riki iroumi b'a kaawakinan ana boraraoi Iteraera ma te UEA nakon maiuia tamami ke tinami, ke tarimi ke m'anemi. ke oin natimi.

Iotua 5:13

Ao ngke e kaania Ieriko Iotua, ao e rina n noora te m'aane ae e tei i m'aaina ao e buuta ana kabaang. E kawaria Iotua ma n titirakinna, “Raora ngkoe, ke aiara?”