Te Otinako 32:21 - Te B'aib'ara

²¹ E titirakina Aaron Moote ni kaangai, “Tera ae ko maakuia iai aomata aikai n te aro are ko a ira nanoia ni karaoa te bure ae moan te buakaka aei?”

Te Otinako 32:21 ပူးပေါင်းရင်းမြစ်များ

Karikani B'aai 20:9

Ao e wetea Aberaam Abimereka, ao e titirakinna ni kaangai, “Tera ngkai ae ko a tia ni karaoia nako ira? Tera au kaairua ae I a tia ni karaoia nako im, ngkai ko karokoa iai te kangaanga aei nako iu ma au tautaeka? Bon akea ae e a tia ni karaoa anne nako iu.

Karikani B'aai 26:10

Ao e taku Abimereka, “Tera ngkai ae ko a tia ni karaoia nako ira? Ngke tao arona b'a e matu te aomata temanna ma buum, ao bon am bure anne.”

1.Uea 14:16

E tuuriia Iteraera ana bure Ieroboam, ao a riki b'a taani bure Iteraera iai. Ma ngaia are, E nang kamaunaa Iteraera te UEA.

1.Uea 21:22

A na kamaunaaki ni kabane am utu, n aron ana utu te uea are Ieroboam ao te uea are Baatia. Ko a tia n rangi ni kauna te UEA n am bure ao ko karekeia Iteraera n te bure.

Te Otinako 32:20

E karikia b'a te ran te bouannanti are a tia ni karaoia aomata, ao e kamantia ni kab'auta. E kaaki i nanon nimaia b'a a na nimma, ao a nimma.

Te Otinako 32:22

Ao e kaeka Aaron: Ko na aki un i rou. Ko bon ataa aron korakoran nanoia aomata aikai ni kaakaraoa te bure.

1.Tamuera 15:14

Ao e titiraki Tamuera ni kaangai, “Ao bukin tera ngkai a tangitang taian tiibu ma taiani kao?”

1.Tamuera 26:19

Te uea ae ko karineaki, ongora nakon te b'ai ae N na taekinna. Ngkana bon te UEA ae e karaoiko b'a ko na eekainako, ao e na konaa ni bitaki nanona n te angakarea nakoina; ma ngkana arona b'a bon mairouia aomata ae e riki iai aei, ao ke a b'akariia ana kamaraia te UEA. B'a a tia ni kanakoai man aban te UEA nakon te aba ae e ti tataromauriaki iai antiia ianena.