Te Otinako 32:20 - Te B'aib'ara

²⁰ E karikia b'a te ran te bouannanti are a tia ni karaoia aomata, ao e kamantia ni kab'auta. E kaaki i nanon nimaia b'a a na nimma, ao a nimma.

Te Otinako 32:20 ပူးပေါင်းရင်းမြစ်များ

1.Uea 15:13

E boni karaoa naba bannan Nei Aatera tibuna are Nei Maaka, ao e anaia Ata ni kabuokia n te M'arua are Kiteron. Ao i mwiina, e kab'aka tibuna man nnena are te ueanaine ae te tina.

2.Uea 23:15

Ma e bon aki toki ikanne ana m'akuri Iotia. E urua naba te baangota ao te baonikarea ake e kateia Ieroboam are natin Nabata te m'aane are a riki ni bure iai Iteraera. E kabuoka baangotan ao bouan Nei Aatera, ao e kamantinti ni kabubui.

2.Uea 23:6

E kaotinakoa te boua are e tabu i bukin taromaurian Nei Aatera te uea are Iotia man te Tembora ao e uotia nakon te M'arua are Kiteron, ike e a kabuokaki iai. E kamantinta mannangina ni karikia b'a te bubu ao e karenakoa i aon ruanimaten te botannaomata ikekei.

2.Rongorongo 34:4

E karaua ni matakuakina te baonikarea i bukin taromaurian te anti are Baara ngke a kab'akaaki, ao taian baonikarea i bukin te b'ai ni kaboiarara ake i rarikina ngke a urubekeaki naba. A bane naba n uruakaki bouan Nei Atera, ma ana bouannanti, ao taian atiibu ake taiani banna, ao n raea n aki akaaka m'akorokoroia i aan ruanimateia koraki ake taan taromauriia.

Te Otinako 32:21

E titirakina Aaron Moote ni kaangai, “Tera ae ko maakuia iai aomata aikai n te aro are ko a ira nanoia ni karaoa te bure ae moan te buakaka aei?”

Taeka n Rabakau 1:31

“Ngkai kam nang boni kana uaan te b'ai ae kam a tia ni karaoia ni karokoa te tai are kam a onrake n te b'ai ae kam a tia ni baaireia.

Taeka n Rabakau 14:14

Kam taia te b'ai ae kam unikia, e ngae ngkana e raoiroi ke e buakaka.

Te Tua-Kaua 7:25

Ngkana kam tia ni kataenikaia te botannaomata teuana, kam na kabuoki aia bouananti. Kam na aki m'aane n tangiri taian tirewa ma koora akana nim i aon taiani bouananti. B'a e aki kukurei iai te UEA, ni moa man te m'akoro ni biti ae nim i aon te bouananti,

Te Tua-Kaua 7:5

Ma ngaia are, ngkana kam kataenikaiia botannaomata aikai, kam na urui aia baonikarea are a taromauriia iai atuaia. Urui aia baangota, ao kab'akai taiani atiibu ake a tataromauri atuaia te aine are Nei Aatera, ao karenakoi aia bouananti nako nanon te ai.

Te Tua-Kaua 9:21

Bon te bure ae kam karaoia ngke kam karaoa te bouananti, ma ngaia are, I karenakoi nakon te ai ni manga karanna. Ao i mwiina I anaa te koora, ao I kamantintia ni kabubua, ao I a karenakoa nako nanon te karaanga are raanga rikaaki man te maunga.