Te Otinako 32:16 - Te B'aib'ara

¹⁶ are E korea iai ana Tua te Atua n oin tabonibaina. E koroboki i aon iteran te atiibu ake uoua.

Te Otinako 32:16 ပူးပေါင်းရင်းမြစ်များ

Iobi 19:24

Ke ni koroi i aon te atiibu n te unika b'a aonga n aki kona ni manga mauna.

Te Otinako 31:18

Ngke bane ana taeka te Atua nakon Moote i aon te Maunga are Tinai, ao E anganna taian atiibu aika uoua aika raababa aika E a tia ni korei i aoia ana tua ni kabane, n oin tabonibaina.

Te Otinako 32:15

Ao e oki rikaaki Moote n ruorikaaki man te maunga ma atiibu ake a raababa

Te Otinako 32:17

Ao ngke e ongo Iotua karongoaia aomata ae korakora, ao e taku nakon Moote, “Ti te bo ma iai te buaka i nano ikekei n aia maeka.”

Te Otinako 34:1

E taku te UEA nakon Moote n te bong teuana, “Korei atiibu aika uoua aika a rabaaba n aron are te moan are I a tia ni karaoia, ao N na korei i aona taian tua aika ti te bo ma ake n te moan atibu, ake a tia n uruaki.

Te Otinako 34:4

Ma ngaia are, e korei atiibu aika a rabaaba Moote n aron ake taian moa n atiibu, ao n te moaningabong are i mwiina e uoti nako taubukin te Maunga are Tinai, n aron are E a tia ni mwiokoia te UEA iai.

2.I-Korinto 3:3

ao e teretere b'a bon ana reta Kristo ngkami, ae ti uotia, ae koreaki tiaki n te ingke, ma n Tamnein te Atua ae maiu; ae koreaki tiaki i aoni baaba aika atibu, ma i aoni baaba aika iriko aika nanomi.

2.I-Korinto 3:7

Ngkae e roko ma arona ni mimitong te Tua are uota te mate, ao a koreaki taekana i aoni baaba aika atibu n te aro are a aki kona iai tibun Iteraera n taraa ubuni Moote i bukin raneaneana, e boni ngae ngke e a tabe ni mauna raneaneana,

Te Tua-Kaua 10:1

E tuangai te UEA b'a N na manga korei taeka i aon atiibu n te unika, n aron ake E anganai mai m'aaina. Ao E tuangai naba b'a N a karaoa te Atiniberita te kai, ao i mwiina, N na kawaria ni kaitibo ma Ngaia i aon te maunga.

Te Tua-Kaua 9:15

Ao e tiinako te ai ae korakora mai taubukin te maunga ngke I a ruorikaaki, ma ni uouoti taian atiibu ake uoua akekei ma tuua ake 10 i aoia

Ebera 8:10

B'a aio te boraraoi ae N na karaoia ma te botannaomata ae Iteraera i nanoni boong aika na roko, bon ana taeka te Uea: N na karin au tua i nanon aia iango, ao N na koroi i nanoia. N na riki b'a Atuaia, ao ngaiia a na riki b'a au aomata.