Te Otinako 32:1 - Te B'aib'ara

¹ Ao ngke a nooria aomata b'a e a rangi ni maan Moote i aon te maunga, ao a nako nakon Aaron ao a taku, “Karaoa taamnein antira are e na kairiira ma ni kaawakiniira. E kaotinakoira Moote mai Aikubita, ma bon akea temanna ae ataia b'a tera ae e a tia n riki nako ina.”

Te Otinako 32:1 ပူးပေါင်းရင်းမြစ်များ

Karikani B'aai 19:14

Ao e nako Roota ni kawariia mm'aane ake a na iein ma natina aine, ao e taku, “Kawaekoaingkami otinako mai ikai; E nang kamaunaa te tabo aei te UEA.” Ma a taku b'a e manikangare.

Karikani B'aai 21:26

Ao e taku Abimereka, “I aki ataia b'a antai ae karaoa te b'ai aei. Ko aki kaman tuangai taekana, ao bon ai tib'a au moan tai n ongo taekan anne.”

Karikani B'aai 39:8

Ma e rawa, ao e taku nakoina, “Nooria, akea te b'ai ae katabea nanona iai au toka ni b'ain ana auti ni kabane, i bukina ngkai I mena ikai. E a tia ni mwiokoai n ana b'ai ni kabane.

Karikani B'aai 44:15

Ao e taku Ioteb'a nako ia, “Tera ngkai ae kam a karaoia? Kam bon aki ataia b'a I kona ni kuneingkami n te kaiwa?”

Karikani B'aai 44:4

Ao ngke a tib'a raroa teutana man te kaawa, ao e taku Ioteb'a nakon ana toro are e tararuaa ana auti, “Kawaekoako rimwiia mm'aane akekei. Ngkana a reke iroum, ao tuangiia b'a e aera ngkai a karaoa te m'akuri ae e buakaka ni kabooan te m'akuri ae e raoiroi?

Taian Areru 106:19

A karaoa katotongan te kao te teei i Oreb'a, Ao a bobaraaki n taromauria te bouananti are a karaoia.

Te Otinako 13:21

Ao E ri rimoaia te UEA n te ngaina n te boua te nang ni kaota kawaia, ao n te tairiki, E ri rimoaia n te boua te ai ni kaotaia, b'a aonga ni kona ni m'ananga n te ngaina ma te bong.

Te Otinako 14:11

Ao a taku nakoni Moote, “E raoiroi riki ngke ti taunaki n taian ruanimate ake i Aikubita, nakon ae ko kairira mai b'a ti na mate i nanon te rereua! Noora te b'ai ae ko a tia ni karaoia ngkai nako ira, ngkai ko uotiira nako mai Aikubita!

Te Otinako 16:3

ao a taku nako ia, “Ti bia kaman tiringaki iroun te UEA ngke ti boni mena i Aikubita. Ngke ti mena n te tabo ike ti tekateka ma karara taian irikomaiu ni katoki nanora n aekaki n am'arake nako ake ti tangiri. Ma ko uotiira mai b'a ti na mate ni baki i nanon te rereua aei.”

Te Otinako 20:23

Kam na aki karaoa atuami man te tirewa, ke te koora, b'a kam na manga taromauriia i rarikiu.

Te Otinako 24:12

E taku te UEA nakon Moote, Tam'arake nako iu i aon te maunga ao ko na tiku ikai tabeua te tai. N na anganiko atiibu aika uoua ae I a tia ni koroi i aoia taian tua aika a riai n ongotaeka iai au aomata.”

Te Otinako 24:18

Taraan mimitongin te UEA irouia aomata ti te bo taraana ma te ai ae urarake i taubukin te maunga.

Te Otinako 32:11

Ao e kataia Moote ni butiia te UEA ae te Atua b'a E na bita nanona: Ara UEA. Ko kamanenaa ngkoa korakoran m'aakam ni kaotinakoia aomata aika mai Aikubita. I butiko b'a Ko na aki un i rouia ngkai ma ni karaoi taekaia.

Te Otinako 32:22

Ao e kaeka Aaron: Ko na aki un i rou. Ko bon ataa aron korakoran nanoia aomata aikai ni kaakaraoa te bure.

Te Otinako 32:23

A bon tuangai naba ni kaangai, “E kaotinakoira te mm'aane are Moote mai Aikubita, ma ti a aki ataia ngkai b'a tera ae e a riki nako ina. Ma ngaia ae, ko na karaoa antira are e na manga kairiira.”

Te Otinako 32:7

E taku te UEA nakon Moote: Kawaekoako n oki rikaaki! A riki b'a kaanga baaba aomata ake ko kaotinakoia mai Aikubita.

Te Otinako 33:3

aika kaain Kanaan, kaain Amora, kaain Eta, kaain Iwa, ao kaain Iebuti, N na iriia au aomata, ma a bon rangi ni kamangao, ai ngaia are N na kamaunaia i m'aain rokoia ikekei.

Etekiera 20:8

ma a bon kamangao naba nako iu. A rawa n ongo ao a teimatoa n taromauriia taiani bouannanti ao antiia ianena. Ao I baaireia b'a N na katuaaia Iteraera i Aikubita i bukin marakin nanou.

Otea 12:13

I kanakoa te burabeti are Moote b'a e na kairiia Iteraera mai Aikubita ma ni kaawakiniia raoi.

Mika 6:4

I kaotinakoingkami mai Aikubita; I kamaiungkami man te tautoronaki; I kanakoa Moote, Aaron, ao Miriam b'a a na kairingkami.

Warekaia Iteraera 14:22

ao I tuea b'a akea mai buakoia koraki aikai ae na noora te aba are I berita iai nakoia aia bakatibu b'a N na anganiia.

Mataio 24:43

Ma kam na ata aei, b'a ngke arona b'a teuare ana auti te auti e a kaman ataia b'a n ningai te tai are e na roko iai te tia ira, ao e na bon tantani, ao e na aki angan te tia ira ana tai ni karekea kawaina n urua te auti b'a e na rin iai.

Mataio 24:48

Ma ngkana te toro ae buakaka ngaia, ao ane na kangai i nanona, E waeremwe n roko au toka;

M'akuri 17:29

Ma ngaia aei, b'a ngkai ti riki mairoun te Atua ao e aki riai b'a ti na taku i nanora b'a te koora arona n Atua, ke te tirewa, ke te atibu, are karaoaki b'a katotongana iroun te aomata ae rangi n rabakau ni m'akuri n tabonibaina, man ana iango.

M'akuri 19:26

Ao kam noria, ao kam ongo, b'a tiaki ti i Ebeto ae e kairoroia ma n anai nanoia iai aomata teuare B'auro, ma e kuri ni kabuta aon Atia, n taku b'a tiaki atua baika karaoaki ni baiia aomata.

M'akuri 7:40

Ao a kaangai nakon Aaron, “Ko na karaoia antira aika na ririmoara; b'a teuare Mote, are kairira ni kaotinakoira man te aba are Aikubita, ti aki ataia b'a tera ae e riki nakoina.”

Te Tua-Kaua 31:8

E na kairingkami te UEA nakon te aba. E na memena iroumi n taai nako mani buokingkami, ma ngaia are, tai mamaakuia ami kairiribai nako.

Te Tua-Kaua 9:1

Kam na ongora Iteraera irou. Kam a kaan ri nanon te karaanga are te Ioretan nakon te aba ma ni kakionakoia botannaomata ake a maeka ikekei. A boni korakora riki nakoimi, ao a rietaata nako karawa oon aia kaawa.

Te Tua-Kaua 9:9

E riki naba i nanon 40 te bong ma te ngaina ngke I mena i aon te Maunga ma n aki am'am'arake ao n aki momooi. E tuangai b'a N na tam'arake b'a E na anganai taiani boraraoi ake E a tia ni karaoi ma ngaira. Ao taiani boraraoi aikai bon taian Tua ake 10 ake E a tia ni katanoatai nakoimi ngke E taetae nakoimi man te ai mai aon te maunga. E a tia te UEA ni koroi ni baina i aon 2 atiibu aika raababa. Ma i mwiin anganakiu atiibu akana 2,

Iotua 7:13

Tei rake! tabuia am aomata ao katauraoia i m'aain rokoia i matau. Tuangiia b'a a na katauraoia i m'aain te ingabong, b'a iai au taeka Ngai ae te UEA ae Atuaia Iteraera nakoia ae kaangai, ‘Iai b'aai i buakon ami b'ai Iteraera are I tuangngkami ngkoa b'a kam na kamaunai. Kam na bon aki konaa ni kaaitaraia ami kairiribai ni karokoa kam a tia ni karenakoi baikanne ni kabane.’

2.Betero 3:4

ao ane a na kaangai, “E nga rokona ae taekinaki? B'a man te tai are a mate iai ara bakatibu, ao a teimatoa n tiku b'aai ni kabane n aroia ma ngke a moa ni karikaki aonnaba.”