Te Otinako 31:6 - Te B'aib'ara

⁶ I a tia n rinea Ooriaba are kaain te baronga are Taan b'a e na m'akuri ma ngaia, ao I a tia n anga naba te konab'ai ni karaob'ai nakoia aomata nako aika na buokiia ni karaoi b'aai nako aika I a tia ni mwiokoingkami iai n aron aikai:

Te Otinako 31:6 ပူးပေါင်းရင်းမြစ်များ

1.Uea 3:12

Ma ngaia are, N na karikiko b'a te kabanea ni wanawana i buakoia aomata aika a tia ni maiu, ao aika a na maiu rimwi n te maiu aei.

Te Otinako 28:3

E na riai ni katabuaki Aaron b'a te ibonga ae rietaata, ao a riai ni karaoaki kunnikaina ti irouia aomata aika iai irouia te konab'ai ae I a tia n anganiia.

Te Otinako 31:5

ae bairaoi are na karaoa te b'ai man te koora, te tirewa, te buraonti, te atiibu, ao te kai.

Te Otinako 35:10

Ngkana iai ami konab'ai, ao kam na kamanenai ni i buobuoki nakon te mwioko are I a tia n anga:

Te Otinako 35:34

E kawaekoaa Betarera ma Ooriaba man te baronga are Taan b'a a na reireiniia ake tekorakina.

Te Otinako 35:35

Ao e a tia n anganiia te rabakau ni kabane ae te korobanna, n reitaki ma te rabakau ni korotamnei ao katamaroa n te karai ae e buru, ae e uraro, ao buraen te tiibu ae e uraura ao n rarangaia naba n te riinen ae e tamaroa.

Te Otinako 35:4

Ao e tuangiia Iteraera Moote te b'ai are E a tia n taekinna te UEA:

Te Otinako 36:8

Ao a bootaki taani m'akuri ake a bairaoi ni karaoa te um'antabunrianna ma keetenna taian riinen aika a rarangaaki ma buraen te tiibu aika buru, uraro, ao a uraura ma ni katamaroaaki n te korooti ae tamneia baike a maiu aika iai baiia ni kiba.

Te Otinako 38:23

Ao Moote, e angan natin Aaron te mm'aane are Itamara tauan mwiin taian biti ake a kamanenaaki i bukin Um'antabunrianna.

Te Otinako 6:26

Ao te UEA E tuanga Aaron ma Moote b'a a na kairiia utu ni kabane ao baronga n Iteraera ni kaotinakoia mai Aikubita,

Ruka 10:1

I mwini baikekei, ao te Uea, E rineia riki itingaun, ao E kanakoia ni kakauomaniia, b'a na ri moana nakoni kaawa ma taabo ake E na kawari.

M'akuri 13:2

Ngke a tabe uakai n taromauria te UEA, ma n aki mamatam, ao E taku nakoia te Tamnei are Raoiroi, “Kam na kaokoroa B'arenaba ma Tauro b'a au aomata nakon te m'akuri are I a tia n rineia nako iai b'a a na karaoia.”

Iakobo 1:5

Ngkana akea ana rabakau temanna i buakomi, ao e na butiia te Atua ae tituaraoi, ae kukurei n anganganiia aomata ni kabaneia, ao e na bon anganaki.