Te Otinako 31:18 - Te B'aib'ara

¹⁸ Ngke bane ana taeka te Atua nakon Moote i aon te Maunga are Tinai, ao E anganna taian atiibu aika uoua aika raababa aika E a tia ni korei i aoia ana tua ni kabane, n oin tabonibaina.

Te Otinako 31:18 ပူးပေါင်းရင်းမြစ်များ

2.Uea 11:12

E kairaki Ioati iroun Ieoiata nako tinaniku, ike e a katokaa te baunuea i aon atuuna, ao e anganna katotongan te kaetieti i bukin kairan te botannaomata. E kab'aroaki b'aan te oriwa i aon atuuna ni kaotia b'a ngaia ngkai te uea, ao a uboubo aomata ma n takaarua ni kaangai, “E na teimatoa maiun te uea.”

Te Otinako 24:12

E taku te UEA nakon Moote, Tam'arake nako iu i aon te maunga ao ko na tiku ikai tabeua te tai. N na anganiko atiibu aika uoua ae I a tia ni koroi i aoia taian tua aika a riai n ongotaeka iai au aomata.”

Te Otinako 24:18

Taraan mimitongin te UEA irouia aomata ti te bo taraana ma te ai ae urarake i taubukin te maunga.

Te Otinako 8:19

Ao a tuanga te uea taan tabunea b'a bon te Atua ae E karaoia. Ma n aron are E a tia n taekinna te UEA, e bon teimatoa naba n aki kan ongo te uea.

Ieremia 31:33

Bon aei te boraraoi ae e boou ae I a manga karaoia Ngai ae te UEA ma ngkami Iteraera: “N na korea Au tua i nanoia ma aia iango. N na riki b'a Atuaia, ao a na riki b'a Au aomata.

Mataio 12:28

Ma ngkana ni m'aakan Tamnein te Atua ae I kanakoia iai taimonio, ao nanona ngkanne b'a e a roko Uean te Atua i roumi.

Ruka 11:20

Ma ngkana ni m'aakan te Atua ae I kanakoia iai taimonio, ao nanona ngkanne b'a e a roko Uean te Atua i aomi.

2.I-Korinto 3:3

ao e teretere b'a bon ana reta Kristo ngkami, ae ti uotia, ae koreaki tiaki n te ingke, ma n Tamnein te Atua ae maiu; ae koreaki tiaki i aoni baaba aika atibu, ma i aoni baaba aika iriko aika nanomi.

Te Tua-Kaua 10:4

ike E koroi iai tuua ake 10 te UEA i aoia, n aron are E a tia ni karaoia n te moan tai. Bon ti te bo raoi tuua aikai ma ake E anga man te ai, ngke kam ikotaki n te maunga. Ao ngke a tia te UEA n anganai taian atiibu,

Te Tua-Kaua 4:13

Ao E taetae te UEA nakoimi ni karaoa te boraraoi ma ngkami, ao E tuangngkami b'a kam na kakaonimaki nakon Tuua ake Tebwina. Ao i mwiina, E koroi Tuua aikai te UEA i aon atiibu aika raababa aika uoua.

Te Tua-Kaua 5:22

E taetae te UEA nako ira ngkoa n te b'anaa ae korakora man te nang ae ura ngke ti bootaki i aon te maunga. E anganiira te UEA tuua aikai, ao bon ti aikai ao akea riki. Ao i mwiina, E koroi i aon atiibu aika uoua aika raababa ao E anganai.

Ebera 9:4

are kanoana te baonikarea ae te koora i bukini kabuokani karea aika boiarara, ma atin te berita are e kanim'aki te koora iai ni kabuta, are e mena i nanona te b'aati ae te koora are kanoana te manna, ma te kai are okon Aaron are a bwebwee baa ni kai maiai, ma baban te boraraoi ake atibu.