Te Otinako 30:6 - Te B'aib'ara

⁶ Katuka te baonikarea i matan keetenin te Um'antabunrianna. E na kaawakinaki te Atiniberita ma te tabo n akoi. Ao N na taetae ma ngkoe ikekei.

Te Otinako 30:6 ပူးပေါင်းရင်းမြစ်များ

1.Rongorongo 23:13

Amram bon tamaia Aaron ma Moote. A rineaki Aaron ma ana kariki b'a taani kaawakin b'aai aika a tabu. Aia m'akuri iroun te UEA bon te anga karea nakoina ao kakab'aiakiia aomata n arana.

1.Rongorongo 28:11

Ngke e a bane a na taeka Tawita, ao e a angan Toromon taamnein te Tembora i bukin karaoan ruun te Tembora are moan te buubura, n ikotaki ma te kaman, taian ruunib'ai, ruu ake ieta ao ruu ake inano, ao ai uana naba ma te Tabo are Moan te Tabu.

Te Otinako 30:36

Ikiika tabeua mai iai ni kab'autai ao kabururua nako i matan te Atiniberita, ike N na kaitibo iai ma ngkami. Kakoaua raoi b'a kam na atonga te b'ai ni kaboiarara ae kaakabubuaki aei b'a te b'ai ae tabu,

Te Otinako 30:5

A na riai ni karaoaki naba taian amo aikai man te kai te aketia ao ni kabiraki aoia n te koora.

Te Otinako 30:7

Man te bong aei, ngkana e karaoa tabena Aaron i bukin te taura ni katoa ingabong ke tairiki,

Te Otinako 40:26

E karina te baonikarea are te koora i nanon te Um'antabunrianna i matan te keeten,

Te Otinako 40:3

Karina te Atiniberita i nanona, are a mena iai tuua ake tebwina, ao katinea te keeten i matana.

Te Otinako 40:5

Kaki te baonikarea ae e b'ain kabuokan te b'ai ni kaboiarara i matan te Um'antabunrianna.

Nakoaia Ibonga 16:13

E na kaaki te b'ai ni kaboiarara are e kaakabubuaki i aon te ai i matan te UEA, ao e na waerake bubuna n taona aon matan te Atiniberita b'a e aonga n aki mate.

Warekaia Iteraera 17:4

Katikui taian oko akanne n te Um'antabunrianna i matan te Atiniberita are I kaoti iai nako im.

Mataio 27:51

Ao noria, e raeuaki nakoni m'akoro aika uoua te kunnikai are rokin te ruu are tabu n te um'antabu, mai eta nako nano; ao e m'aeiei aon te aba, ao a tabwenaua taiani b'a;

Ebera 4:16

Ma ngaia ae ti na tai maaku ni kaania ana kaintokanuea te Atua are e akoaki te aba iai, b'a ti aonga n anganaki te nanoangaki, ao ti aonga ni karekea te akoaki ngkana a kai nanora.