Te Otinako 30:36 - Te B'aib'ara

³⁶ Ikiika tabeua mai iai ni kab'autai ao kabururua nako i matan te Atiniberita, ike N na kaitibo iai ma ngkami. Kakoaua raoi b'a kam na atonga te b'ai ni kaboiarara ae kaakabubuaki aei b'a te b'ai ae tabu,

Te Otinako 30:36 ပူးပေါင်းရင်းမြစ်များ

Te Otinako 16:34

Ao Aaron, e katikua i matan te Atiniberita, b'a e aonga ni kaawakinaki n aron Ana mwioko te UEA nakoni Moote.

Te Otinako 25:22

N na kaitibo ma ngkami ikekei i marenaia maan ake uoman ao N na tuangko te b'ai ae a riai ni karaoia au aomata ao te b'ai ae a riai n aki karaoia.

Te Otinako 27:21

i matan te keeten are e kaokoroa te tabo are e tabu ma te tabo are moan te tabu, are kaawakinaki iai te Atiniberita. Tabeia Aaron ma natina mm'aane kaakauraan te taura ni katoa tairiki i nanon te Um'antabunrianna. A riai Iteraera n ongotaeka nakon te mwioko aei.

Te Otinako 30:35

ao i mwiina, renganna ma te taoro ni karaoa te rengarenga b'a e na boou ma n tabu.

Te Otinako 30:6

Katuka te baonikarea i matan keetenin te Um'antabunrianna. E na kaawakinaki te Atiniberita ma te tabo n akoi. Ao N na taetae ma ngkoe ikekei.

Nakoaia Ibonga 16:2

E taku te UEA, “Tuanga tarim are Aaron b'a e na aki rin i nanon te Tabo are Moan te Tabu n te tai n aki akaaka, i bukina b'a anne te tabo are I kaoti iai n te nang i aon matan te Atiniberita. Ngkana e aki ongotaeka ao e na tiringaki.