Te Otinako 30:12 - Te B'aib'ara

¹² Ko na kakaea b'a m'aitira mm'aane aika bon matoa i aon Iteraera b'a a na kab'aka nako Iu boon maiuia, b'a a aonga n aki reke n te kangaanga i nanon tain te koroara.

Te Otinako 30:12 ပူးပေါင်းရင်းမြစ်များ

1.Rongorongo 21:1

Ao e iangoia Taatan b'a e na karekea te kangaanga nako ia Iteraera ngke e karika Tawita b'a e na iangoia b'a te iango ae e raoiroi kakaean m'aitiia aomatan Iteraera ma Iuta.

1.Rongorongo 21:12

E na roko tenua te ririki ae e na akea iai te am'arake i bukiia ana aomata? Ke e na kookonaaki Iteraera irouia ana kairiribai i nanon tenua te nam'akaina? Ke E na karokoa te aoraki ae moan te kamaamate te UEA n orea iai te aba i nanon tenua te bong? Ko na iangoi baikai ao baairea, b'a n na manga angan te UEA are e kanakomaiai i bukin am kaeka.

1.Rongorongo 21:14

Ma ngaia are, E kanakoa te aoraki ae moan te kakamaaku te UEA nako aon Iteraera, ike a mate iai itibwi tengaa Iteraera aika a mate iai.

1.Rongorongo 21:3

Ao e kaeka Ioaba, “Teuae ko karineaki, e ngae ngkana E karaoa abanueam tebubua te tai buuburana te UEA, ma ko bon tautaekaniia naba kaaina ni kabane. E aera ngkai ko tangiria n ataia b'a m'aitira am tautia? Ko aki ataia ae e na un iai te botannaomata ae e b'anin?”

1.Rongorongo 27:24

E a wakina ana wareaomata Ioaba are natin Teruia te m'aane ma e a ti toki naba ngke e a moana katuaeaia Iteraera te UEA. Ma ngaia are, e aki roko n te rin bootaia aomatan Iteraera n te boki are a tauaki iai mwiin b'aai ni kabane n ana tai ni uea Tawita.

2.Rongorongo 24:6

Ma ngaia are, e a manga kawaekoa Ieoiata are te ibonga are e rietaata ao e titirakinna ni kaangai, “E aera ngkai ko aki kanakoia kanoan Rewi b'a a na rikoi taian ronrab'ata? E kariaia ngkoa ana toro te UEA are Moote ao aomata b'a e na rikoaki taian ronrab'ata ma ni kamanenaaki i bukin kateimatoan te Um'antabunrianna.

2.Rongorongo 24:9

Ao i mwiina, e kanakoa ana reta ni kabuta aon Iuta ma Ierutarem, ni buubutiia aomata ni kabane b'a a na uoti aia ronrab'ata nakon te Tembora, n aron are e tangiria naba ngkoa Moote b'a a na karaoia aia bakatibu.

Iobi 33:24

E na nanoangaia te anera, ao e na kaangai, “Kainaomata! A aki riai b'a a na nako abaia maate. A na bon kainaomataaki.”

Iobi 36:18

Taratara raoi b'a ko na aki m'ane n te babaka ni kawai, ke ni kairakinako n taiani kaub'ai.

Taian Areru 49:7

Akea ae e kona ni kaboa maiuna, Ke n angan te Atua booni maiuna:

Te Otinako 30:11

E taku te UEA nakon Moote:

Warekaia Iteraera 31:49

ao e taku, “Teuae ko karineaki, ti a tia ni warekia ara taanga, ao bon akea temanna te tautia ae bua.

Warekaia Iteraera 31:50

Ma ngaia are, ti kan angan te UEA b'aai ni katamaroa te rab'ata ni kabane ake ti anai mairouia kaain Miria. Bon ara b'ai n tangira nako Ina i bukin tararuaakira ma ara taanga ni buaka.”

Mataio 20:28

B'a aron Natin te Aomata ngkae E aki roko b'a E na tautoronaki te aba i Rouna, ma E roko b'a E na toro irouia aomata, ao b'a E na anga maiuna b'a b'aini kainaomataia aomata aika bati.

Mareko 10:45

B'a E roko naba Natin te Aomata, tiaki b'a e na toronaki te aba i Rouna, ma E na toro irouia aomata, ao E na anga maiuna b'a booni kamaiuaia aomata aika bati.”

1.Timoteo 2:6

are anga Ngaia i bukini kainaomataiia aomata ni kabaneia. E a kaotia n arona anne b'a te b'ai ni kakoaua n taina ae riai i bukin nanon te Atua n tangiriia aomata ni kabaneia b'a a na kamaiuaki;