Te Otinako 30:10 - Te B'aib'ara

¹⁰ E na katoa ririki Aaron ni kaitiaka te baonikarea n taauria aon koonana ake aua raraan te man are e kareanaki i bukin te bure, ao e riai n ira te m'akuri aei n taai nako. E a tabu te baonikarea b'a e a tia ni katabuaki b'a au b'ai.

Te Otinako 30:10 ပူးပေါင်းရင်းမြစ်များ

1.Uea 1:50

Ao e maaku Atoniia b'a tera ngkai ae na karaoia Toromon nakoina, ma ngaia are, e biri nakon te Um'antabunrianna ao e taui ni kamatoa baina i aon koonan te baonikarea.

1.Rongorongo 6:49

Bon ti Aaron man ana kariki aika a kariaiakaki n angakarea ao b'ai ni kaboiarara i aon te baonikarea ake uoua ake n te Um'antabunrianna. Bon tabeia te m'akuri n te Tabo are Moan te Tabu ao bootaki ni kab'arabure, n aron are e a tia n anga iai ana mwioko ana toro te UEA are Moote.

Te Otinako 30:11

E taku te UEA nakon Moote:

Te Otinako 30:9

Kabuoka te b'ai ni kaboiarara are kaakabubuaki are e bon riai ni kabuokaki i aon te baonikarea ao ko na aki kakamanenaa i bukin te karea are te uita ke te karea are te man ke te angab'ai are te mooi.

Nakoaia Ibonga 16:16

Ao e na waakinaki te bootaki n aron anne i bukin kaitiakan te Tabo are Moan te Tabu man kam'araia Iteraera ao man aia bure ni kabane. E riai ni karaoa aei nakon te Um'antabunrianna naba kioina b'a e tei i nuukan te maeka, are e bon aki itiaki.

Nakoaia Ibonga 16:18

ao e na manga otinako nakon te baonikarea are b'aini kabuokan taiani karea, ao e na kaitiakia. E na riai ni uota teutana raraan te kaom'aane, ao teutana raraan te kooti, ao e na kaaki teutana i aon koron koonan te baonikarea.

Nakoaia Ibonga 16:2

E taku te UEA, “Tuanga tarim are Aaron b'a e na aki rin i nanon te Tabo are Moan te Tabu n te tai n aki akaaka, i bukina b'a anne te tabo are I kaoti iai n te nang i aon matan te Atiniberita. Ngkana e aki ongotaeka ao e na tiringaki.

Nakoaia Ibonga 23:27

N te Katebwina ni bongin te kaitiua n nam'akaina bon te Bong ae Kakannato i bukin te Kab'arabure: Boni bongin te taromauri; a riai aomata ni kabane n aki am'arake ni kaota nanokawakiia i bukin aia bure, ao a riai ni kabuokaki karea.

Nakoaia Ibonga 4:18

E na kararaaea koron te baonikarea n te b'ai ni kaboiarara are e kaakabubuaki, are e mena i nanon te Um'antabunrianna, ao e na kabanea ni kab'aroa nikiran te raraa i oin te baonikarea are i bukin kabuokan te karea, are e mena i mataroan te Um'antabunrianna.

Nakoaia Ibonga 4:7

Ao i mwiina, e na kararaaea koron koonan te baonikarea are i bukin karea aika boiarara, are i nanon te Um'antabunrianna. E na kabanea ni kab'aroa nikiran te raraa i oin te baonikarea are i mataroan te Um'antabunrianna.

Ebera 1:3

Ngaia raneaneani mimitongin te Atua, ao katotongan arona ni koaua; ao E kateimatoai b'aai ni kabane aika karikaki b'a a na waki n aroia n ana taeka ae m'aka. Ngke E a tia ni kaitiaki buure, ao E tekateka i angaatain te Atua are M'aka i eta;

Ebera 9:25

Ao E aki rin iai b'a E na okioki n anganga Ngaia b'a te karea, n ai aron te ibonga ae kakannato are rin n te tabo are moanibaan te tabu n te ririki ae koraki ma uotana ae te raraa ae tiaki raraana.

Ebera 9:7

ma ti te ibonga ae kakannato ae rin nako n te tabo are moanibaan te tabu; ao ti teuana ana tai ni karaoa aei n teuana te ririki, ao uotana ni katoa tai te raraa ae e na anga bon i bukina, ao i bukin naba aia bure aomata.

Te Kaotioti 9:13

Ao te anera are te kaonoman e katanga ana bu, ao I ongo te b'ana teuana mani kooro ake koron te baonikarea are te koora, are i matan te Atua,