Te Otinako 3:9 - Te B'aib'ara

⁹ A tia ni buubuti Au buobuoki Au aomata, ao I a tia n noora te m'akuri ni iowawa mairouia kaain Aikubita nako ia.

Te Otinako 3:9 ပူးပေါင်းရင်းမြစ်များ

Karikani B'aai 16:11

E na riki natim te mm'aane, ao ko na aranna b'a Itimaera, b'a e a tia n ongo tangim te UEA.

Karikani B'aai 31:12

ao E taku, ‘Nooria, a bane ni kakawaaki ma ni kiriroroo, ao ni matamata taiani kooti aine ake a iein. I karaoa aei i bukina b'a I noora te b'ai ae e karaoia Raab'an nako im.

2.Uea 13:4

E tataro Ieoaati nakon te UEA i bukin buokaia, ao e noora kamamaten ana m'akuri Ataera nakoia Iteraera te UEA. Ao e kaeka Ieoaati

2.Uea 20:5

ao E kaokia te UEA nakon Etekia ma te rongorongo ae kaangai: Etekia, bon Au tia tautaeka ngkoe i aoia au Aomata, ao boni Ngai te UEA ae te Atua, are E taromauriaki iroun am bakatibu are Tawita. I ongo am tataro, ao I nooriko ngke ko tang. N na boni kamarurungko, b'a ko aonga ni konaa ni manga taromauriai n au Tembora i mwiin tenibong mangkai.

Neemia 9:9

Ngke a mena ngkoa ara bakatibu i Aikubita, ao Ko noora rawawataia; Ao ngke a nakon Taari are Uraura, Ko ongo tangiia i bukin buokaia.

Taian Areru 12:5

E kaangai te UEA, “N na teirake ngkai, b'a a karawaawataaki kainano ao a maraki taani b'ainikiriinaki. N na anganiia kamanoaia are a kaman tatangitangiria.”

Taian Areru 9:14

b'a I aonga n aneneiko ni mataroan Tion. N na kim'areirei i bukina ngkai Ko kamaiuai.

Te Otinako 1:11

Ma ngaia are, kaain Aikubita a manga riki b'a mataniwiia tooro, ao a kairiia n te kairiiri ae matoatoa. Ao a karaoa te kaawa ae buubura are Bitom ma Rameteti Iteraera aika kaawa i bukin kaawakinan kaub'aina.

Te Otinako 1:22

Ao n tokina ao e kanakoa ana katanoata te uea nakoia ana aomata ni kaangai, “Anaia naati mm'aane ni kabane aika a tib'a bungiaki, aika Ebera, ao karenakoia nako nanon te Naire, ma kam na kamaiuia aine.”

Te Otinako 1:8

Ao akea b'a e a uea i aon Aikubita te aomata ae aki ataa Ioteb'a

Te Otinako 2:23

A bon teimatoa naba Iteraera ni ngurengure i mwiin maten uean Aikubita i bukina ngke a kairoroaki b'a a na riki b'a tooro. Ao a tang ni buubuti buokaia,

Te Otinako 2:25

ao i bukina naba ngke E ataa te b'ai ae e riki nako ia Ana aomata, ao E nanoangaiia.

Te Otinako 3:7

Ao E taku te UEA: I a tia n noora aron rawaawatan tautoronakiia Au aomata i Aikubita, ao I ongo b'anaaia ni buubuti buokaia mai Rou i bukin te aro ae aki riai are e karaoaki nako ia,

Te Minita 4:1

I a manga taratara nako riki, ao I nooriia aomata aika a karaoaki ae a aki riai nakoia ni kabutaa te aonnaba. A tang, ma bon akea temanna i rarikiia ae e kona n anga te karaunano nakoia, ao te koraki ake a karaoa ae e aki raoiroi nakoia bon aomata aika iai te m'aaka irouia.

Te Minita 5:8

Ko na aki kubanako ngkana a kabuakakaaki aomata aika a maiu ni kainano i aon abam, ao e na oneaki mwiin te eti n te kaairua. A na riai ni karaoa te b'ai are a tuangaki mataniwi aika a rinano irouia ake a rietaata.

Amota 4:1

Kam na kakauongo nakon aei, ngkami aika ainen Tamaria aika kam marikarika n ai aroia kaon Batian aika kamarikaaki aika kam karaoa ae e buakaka nakoia aika a mamara, kam karawawataia aika a kainano ao man tuangiia buumi b'a na uotii nimami taian kamanging!

Te Tua-Kaua 26:7

Ti tang ni kakaea buokara nakoim, te UEA ae Atuaia ara bakatibu. Ko ongo tangira; ao Ko ataia ae ti a reke n te kangaanga ma te b'ainikiriinaki.

1.Tamuera 9:16

“I a tia n noora rawawataia Au aomata, ao I ongo aia wewete ni kani buokaki. Nakon te ingabong, ao N na kanakoa te m'aane man te baronga are Beniamin, ae na kamaiuia aomata mairouia kaain Biritia. I tangiriko b'a ko na kab'aroa b'aan te oriwa i aon atuuna ni kaotia b'a e na riki b'a aia tia kairiiri.”