Te Otinako 3:7 - Te B'aib'ara

⁷ Ao E taku te UEA: I a tia n noora aron rawaawatan tautoronakiia Au aomata i Aikubita, ao I ongo b'anaaia ni buubuti buokaia mai Rou i bukin te aro ae aki riai are e karaoaki nako ia,

Te Otinako 3:7 ပူးပေါင်းရင်းမြစ်များ

Karikani B'aai 16:11

E na riki natim te mm'aane, ao ko na aranna b'a Itimaera, b'a e a tia n ongo tangim te UEA.

Karikani B'aai 18:21

Ma ngaia are, N nang nako n ruo rikaaki n noora koauan taian rongorongo ake I a tia n ongo b'a a koaua ke aki.”

Karikani B'aai 21:17

Ao E ongo te Atua tangin te ataei arei, ao E a taetae te anera mai karawa nakon Nei Aka, ao e taku, “Tera ae aki rau nanom iai Nei Aka? Tai maaku. E ongo tangin te ataei te Atua.

Karikani B'aai 29:32

Ao e bikoukou Nei Reea, ao e bungia te nati te mm'aane. Ao e taku, “E a tia n noori au kaangaanga te UEA, ao ngkai e nang tangirai buu.” Ma ngaia are, e aranna b'a Reuben.

Karikani B'aai 31:12

ao E taku, ‘Nooria, a bane ni kakawaaki ma ni kiriroroo, ao ni matamata taiani kooti aine ake a iein. I karaoa aei i bukina b'a I noora te b'ai ae e karaoia Raab'an nako im.

Karikani B'aai 31:42

Ngke tao arona b'a E aki mena i rou Atuan tamau ake Aberaam ao Itaaka, ao ko na boni kanakoai ma te akea. Ma E bon noori au kangaanga te Atua ma au m'akuri ake I a tia ni karaoi, ao ngke e tairiki, ao E tuangko arom aika a kaairua.”

2.Tamuera 22:28

Ko kamaiuia aika a nimaamannei, ma Ko iaiangoa kab'akaan te aomata ae e kainikatonga.

2.Uea 13:4

E tataro Ieoaati nakon te UEA i bukin buokaia, ao e noora kamamaten ana m'akuri Ataera nakoia Iteraera te UEA. Ao e kaeka Ieoaati

2.Uea 20:5

ao E kaokia te UEA nakon Etekia ma te rongorongo ae kaangai: Etekia, bon Au tia tautaeka ngkoe i aoia au Aomata, ao boni Ngai te UEA ae te Atua, are E taromauriaki iroun am bakatibu are Tawita. I ongo am tataro, ao I nooriko ngke ko tang. N na boni kamarurungko, b'a ko aonga ni konaa ni manga taromauriai n au Tembora i mwiin tenibong mangkai.

Neemia 9:9

Ngke a mena ngkoa ara bakatibu i Aikubita, ao Ko noora rawawataia; Ao ngke a nakon Taari are Uraura, Ko ongo tangiia i bukin buokaia.

Taian Areru 106:44

E ngae n anne, ao E bon ongo naba aia tataro n aia tai n rawaawata.

Taian Areru 12:6

Ana taeka te UEA bon taeka aika a kakoauaaki; ai aron te tirewa are kaburoburoaki itiua te tai m'aitina i nanon te nne ni kanaiai.

Taian Areru 142:3

Ngke e nangi b'ara nanou, ao boni Ngaia ae ataa arou. A tia taan ribaai ni karaba te b'ai ni kam'am'ane i m'aiu i nanon te kawai ae I nakonako iai.

Taian Areru 145:19

E kareke baika a kai nanoia iai akana a karinea; E ongo tangiia ao E kamaiuia.

Taian Areru 22:24

E aki ribaia ke ni kaaki taekaia akana kananoanga n aia tai n rawaawata; E aki tan nako mai rouia, ma E ongo irouia ngkana a tangira buokaia mai Rouna.

Taian Areru 34:4

I tataro nakon te UEA, ao E ongo irou: E kamaiuai mani b'aai ni kabane aika I maaku iai.

Taian Areru 34:6

E weteia te aomata ae kainano, Ao E ongo i rouna; E kamaiua man rawawatana ni bane.

Taian Areru 35:22

Te UEA, Ko noori b'aai nako! Ma ngaia ae tai kainab'aabu. Tai kararoako!

Taian Areru 9:14

b'a I aonga n aneneiko ni mataroan Tion. N na kim'areirei i bukina ngkai Ko kamaiuai.

Te Otinako 1:11

Ma ngaia are, kaain Aikubita a manga riki b'a mataniwiia tooro, ao a kairiia n te kairiiri ae matoatoa. Ao a karaoa te kaawa ae buubura are Bitom ma Rameteti Iteraera aika kaawa i bukin kaawakinan kaub'aina.

Te Otinako 1:8

Ao akea b'a e a uea i aon Aikubita te aomata ae aki ataa Ioteb'a

Te Otinako 22:23

Ngkana kam karaoa anne, ao ane a na buubutiai buokaia, ao N na roko ni kamaiuia.

Te Otinako 33:13

Ngkana arona b'a e koaua aei, ao Ko na kaotia nako iu b'a tera am babaaire, ao N na ongotaeka ma n reitanako arou ni kakukureiko. Ao Ko na aki m'aninga ae Ko a tia n rinea te botannaomata aei b'a am b'ai.”

Te Otinako 5:10

Ao a nako aia mataniwi tooro ao mm'aane ake taan tararuaia ao a tuangiia ni kaangai, “E taku te uea b'a ti na aki manga anganingkami te uteute.

Te Otinako 5:6

Ao n te bong naba anne are e a manga kanakoa ana taeka te uea nako ia aia mataniwi tooro ao mm'aane ake a tararuaia tooro ake Iteraera. Ao e taku:

Itaia 63:9

E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Warekaia Iteraera 20:16

Ao ngke ti bubutiia te UEA buokara, ao E kaeka ara tataro, ao E kaotinakoira man te aba arei. Ngkai ae ti katei auti n rianna n tian abam i rarikin te kaawa are Kateti.

M'akuri 7:34

I noori raoi aroni b'ainikirinaia au botannaomata ake a mena i Aikubita, ao I ongo ngirangiraia, ao I a ruo b'a N na kamaiuia. Ao ngkai, nako mai, b'a N na kanakoko nako Aikubita.”

Ebera 4:15

B'a ara ibonga ae kakannato bon tiaki ae aki kona te nanoangaira i bukini mamarara, ma bon ae kaririaki ni b'aai ni kabane n ai arora, ma E aki bure.

1.Tamuera 9:16

“I a tia n noora rawawataia Au aomata, ao I ongo aia wewete ni kani buokaki. Nakon te ingabong, ao N na kanakoa te m'aane man te baronga are Beniamin, ae na kamaiuia aomata mairouia kaain Biritia. I tangiriko b'a ko na kab'aroa b'aan te oriwa i aon atuuna ni kaotia b'a e na riki b'a aia tia kairiiri.”