Te Otinako 3:4 - Te B'aib'ara

⁴ Ao ngke E nooria te UEA b'a e a roko Moote i rarikin te buakoako n aroka, ao E a wetea arana, ao e kaeka Moote, “Aio ngai.”

Te Otinako 3:4 ပူးပေါင်းရင်းမြစ်များ

Karikani B'aai 22:1

Ao i mwiin te tai ae aki maan, ao E a kataa Aberaam te Atua; ao E weteia ni kaangai, “Aberaam!” Ao e kaeka Aberaam, “Aio ngai!”

Karikani B'aai 22:11

Ma E weewete aneran te UEA mai karawa ao e taku, “Aberaam, Aberaam!” Ao e kaeka Aberaam, “Aio ngai.”

Karikani B'aai 28:16

Ao e uti Iakob'a, ao e taku, “E mena te UEA ikai. E mena n te tabo aei, ao I aki ataia.”

Karikani B'aai 46:2

Ao E taetae te Atua nakoina n te mii ngke e a bong, ao e weteia, “Iakob'a! Iakob'a!” Ao e taku Iakob'a, “Oo! aio ngai.”

Taian Areru 62:11

E raka i aon teuana au tai n ongo ana taeka te Atua, ngke E taetae ni kaangai, “I m'aaka,”

Te Otinako 19:3

Ao e tam'arakea te maunga Moote b'a e na maroroo ma te Atua. Ao E wetea Moote te Atua man te maunga, ao E tuangnga b'a e na taetae nakoia Iteraera ni kaangai, aika kanoan Iakob'a:

Te Otinako 3:2

Ao E kaoti aneran te UEA nako ina n te buakoako n aroka ae e ura. E noora te buakoako n aroka Moote b'a e ura, ma e aki bue.

Te Otinako 33:12

E taku Moote nakon te UEA, “I ataia b'a ko a tia n tuangai b'a N na kairiia aomata aikai nakon te aba are Ko berita iai nakoia. Ma Ko bon tuai tuangai b'a antai ae e na riki b'a au kauoman. Ko a tia n taekinna b'a raoraou Ngkoe ao Ko kukurei i rou.

Te Otinako 4:5

Ao E taku te UEA, “Ko na karaoa aei, ao ane a na kakoauako iai Iteraera b'a ko a bon tia n noorai, Ngai ae te Atua are I taromauriaki irouia aia bakatibu ake Aberaam, Itaaka, ao Iakob'a.”

Nakoaia Ibonga 1:1

Ao te UEA, e wetea Moote nako matana i nanon ana Um'antabunrianna, ao e anganna tuua aikai

M'akuri 10:13

E roko i rouna te b'ana ae kaangai, “Betero, teirake, tiring, ao kaang!”

M'akuri 10:3

Ngke tao te aoa tenua n te tanimaeaontaai, ao kanga e kamiiaki: e nora raoi ana anera te Atua b'a e rin n te tabo are e mena iai, ao e kaangai nakoina, “Korenerio!”

M'akuri 9:4

E b'aka Tauro i aontano, ao e ongo te b'ana ae kaangai nakoina, “Tauro, Tauro, ko aera ngkai ko b'ainikirinai?”

Te Tua-Kaua 33:16

E kan anganingkami uaan te aba aika rangi n raraoi te UEA are kaoti ngkoa man te kai ae bue, ao a na toka i aon atuun Ioteb'a kaanga ana baunuea te natinuea.

1.Tamuera 3:10

Ao E tei te UEA i rarikin Tamuera ao E manga weteia naba n aron are karaoia mai m'aaina, “Tamuera! Tamuera!” Ao e kaeka Tamuera, “I ongo b'anaam. Tera te b'ai ae Ko tangiria b'a n na karaoia?”

1.Tamuera 3:4

ao E wetea aran Tamuera te UEA. Ao e kaeka Tamuera, “Aio ngai!”

1.Tamuera 3:6

Ao E a manga wetea riki aran Tamuera te UEA. Ao e teirake Tamuera, ao e kawara Eri ao e taku, “Aio ngai, Tera ae ko tangiria?” E kaeka Eri, Natiu, I aki weteiko. Naako oki nakon kiem.”

1.Tamuera 3:8

Ao ngke E a manga wetea naba arana te katenua n tai, ao e teirake Tamuera ni kawara Eri ao e taku, “Aio ngai! Tera ae ko tangiria?” Ao e a ataia Eri b'a bon te UEA ae taetae nakon Tamuera.