Te Otinako 3:20 - Te B'aib'ara

²⁰ Ma ngaia are, N na kamanenaa m'aakau ni karaoi taian kamimii n aroia nako ma n oroia kaain Aikubita ni kab'akaia. Ao ane e na kanakoi ngkami iai te uea.

Te Otinako 3:20 ပူးပေါင်းရင်းမြစ်များ

Karikani B'aai 15:14

Ma N na bon karekei kaia botannaomata ake a tautoroniia, ao ngkana a kiitana te aba are a ianena iai, ao a na uoti kaub'ai aika bati ma ngaiia.

Neemia 9:10

Ko ataia b'a a tia Uean Aikubita ao ana mataniwi ma ana botannaomata n kateibuaka nakoia am aomata. Ma ngaia are, Ko karaoi kakai aika a kakamaaku ni kaaitaraia kaain Aikubita ao Ko a manga karekea kinaakim are e bon teimatoa.

Taian Areru 105:27

A kaoti ana kanikina te Atua i Aikubita, ao a karaoi kakai naba ikekei.

Taian Areru 105:38

A kukurei I-Aikubita irouia ngke a nako, B'a a makuia.

Taian Areru 106:22

Ake m'akuri aika kamimii; ao E karaoi naba m'akuri aika kakamaaku i Taari are Uraura!

Te Otinako 11:1

Ao e a manga taku te UEA nakon Moote, “Ai ti teuana riki te rekenikai ae N nang karokoa i aon uean Aikubita ma ana aomata. Ao i mwiin anne, e na kanakoi ngkami. Ni koauana, e na kanakoi ngkami ni kabane mai ikai.

Te Otinako 12:39

Ao a kam'aa te kariki ae e aki karikaki man te buraawa are e a tia ni kabooboaki are a uotia mai Aikubita, i bukina ngke a kataweaki ni kanakoaki n aki reke aia tai ni katauraoi kanaia ke ni katauraoi aia buraawa are e a tia ni kabooaki ae e aki itiinaki.

Te Otinako 13:3

Ao E taku Moote nakoia aomata, “Kam na ururinga te bong aei, te bong are kam kiitana iai Aikubita, are te tabo are kam toronaki iai. Bon aio te bong are E kaotinakoingkami iai te UEA ni m'aakana. Bon akea te kariki ae karikaki ae na kanaki.

Te Otinako 13:9

E na riki te botaki aei b'a te b'ai ni kauring, kaanga te kanikina ae kabaeaki i aoni baimi, ke i aon toan ram'ami, e na bon kauring ngkami b'a kam na teimatoa n taetaekinna ma ni kamateb'aia ana tua te UEA, i bukina b'a E kaotinakoi ngkami te UEA mai Aikubita ni m'aakana ae korakora.

Te Otinako 15:11

“Te UEA, antai ae ai arom i buakoia atua? Antai ae katotongko n arom ae Ko tabu ma ni mimitong? Antai ae kona ni karaoi kakai ma m'akuri aika ab'ab'aki n aron am m'akuri?

Te Otinako 15:6

“E kakamaaku m'aakan baim are te atai te UEA, e urua te kairiribai ni kamaerikirikia.

Te Otinako 4:21

Ao E taku te UEA nakon Moote ngke e tabe ni m'ananga i aoni kawaina: Ngkana ko roko i Aikubita, ko na nakon te uea ao ko na karaoi am kakai ake I a tia ni kaoti nako im. Ma N na karaoia b'a e na rangi ni taningamatoa n te aro are e na rawa ni kanakoia au aomata.

Te Otinako 6:1

Ao E taku te UEA ae te Atua nakon Moote: Ko na noora te b'ai ae N na karaoia nakon te uea n te tai ae aki maan. E na kanakoia Au aomata i bukin korakoran m'aakau, ao e na manga bon kakioia nako mai abana.

Te Otinako 6:6

Bon aei au rongorongo i bukin Iteraera: “Bon te UEA Ngai! Ao I katuaaea Aikubita ni m'aakau ae e korakora ao I kainaomatai ngkami man te tautoronaki.

Te Otinako 9:15

Ma ngkana I tia n tabeka baiu n oroiko ma am aomata n te aoraki, ao ko na kaman mauna nako.

Itaia 19:22

Ane a na rairaki aomata nakoina, ngkana e a tia te UEA ni katuaaea Aikubita. Ao i mwiina, e na kaekaa aia tataro, ao a na kamaiuaki kaain Aikubita.

Itaia 26:11

E mwemwe baim ao e tauraoi ni katuaaia, ma a aki nooria. Kamamaaia! Kaota korakoran nanom ni kaawakiniira ao karenakoia nako nanon te ai are a na kabuokaki iai am kairiribai nako.

Etekiera 20:33

Ngkai I bon maiu Ngai ae te UEA ae te Atua, ao N na bon tautaekaningkami ni baiu ae e korakora. Kam na namakina korakoran uniu

Mika 7:15

Karaoi kakai nakoira te UEA, n ai aron are Ko kakaraoi ni boong ake Ko kaotinakoira iai mai Aikubita.

M'akuri 7:36

E kairiia Mote ni kaotinakoia, ngke e tia ni karaoi m'akuri aika kamimii ma kanikina n te aba are Aikubita, ao n te Nama are Uraura, ao n te rereua angaun te ririki.

Te Tua-Kaua 6:22

Ti bon nooria ngke E karaoi taiani kakai, ao b'aai aika kakamaaku nakon te uea ma ana aobitia, ao raona ni kabane.

Tani Motiki-taeka 6:8

Ao E kanakoa te burabeti nakoia ma te rongorongo aikai: Bon te UEA Ngai ae Atuaia Iteraera, ma ngaia are, kam na ongora nakon te b'ai ae N na taekinna. Bon taian toro ngkoa ngkami i Aikubita, ao I kainaomataingkami ni kaotinakoingkami mai Aikubita nakon te aba aei. Ao ngke a manga karawawataingkami kaain botannaomata ake ikai, ao I kamaiungkami ni katokanikaingkami i aoia ma n taua abaia.

Tani Motiki-taeka 8:16

Ao e a karaoa te kai ni kataere Kiteon man kaai aika kateketeke, ao e kataereia iai taian aobitia.