Te Otinako 3:18 - Te B'aib'ara

¹⁸ Ane a na kakauongo i roum taani kairiiri i bukiia Iteraera. Ao i mwiina, ko na kairiia nakon uean Aikubita ao ko na kaangai, “E a tia ni kaoti te UEA ae Atuaia Ebera. Ko na kariaia b'a ti na nako n nakonako i nanon tenua te bong n te rereua, ike ti na konaa n anga iai ara karea nako Ina.”

Te Otinako 3:18 ပူးပေါင်းရင်းမြစ်များ

Karikani B'aai 12:1

Ao E taku te Atua nakon Aberam, “Kitana abam, ma am koraki, ao ana auti tamam, ao naako nakon te aba ae N nang kaotia nakoim.

Karikani B'aai 14:13

Ma e birinako temanna, ao e taekin rongorongo aikai ni kabane nakon Aberam are I-Ebera are maeka i rarikin te Oke are atoatongaki, are ana Oke Mamre are kaain Amora. Ana itoman Aberam boni Mamre ma tarina ake, Etikora, ao Anera.

Karikani B'aai 15:1

Ao i mwiin aei, ao e roko te kaotioti iroun Aberam, ao e ongo Ana taeka te UEA ngke E kaangai, “Ko na aki maaku, Aberam. N na kamanoko man taiani kaangaanga ao N na anganiko kaniwangam ae moan te buubura.”

Karikani B'aai 17:1

Ao ngke ai ruabwi ma ruaiwa ana ririki ni maiu Aberam, ao E kaoti te UEA nakoina ao E taku, “Boni Ngai te Atua ae Moan te M'aaka. Ongotaeka i Rou, ao kakaraoa te raoiroi n taai nako.

Karikani B'aai 48:3

Ao e taku Iakob'a nakon Ioteb'a, “E kaoti te Atua ae m'aaka nako iu i Ruti n te aba are Kanaan, ao E kakab'aiaai,

2.Rongorongo 30:12

Ao te Atua e karaoia aomata ni kabane i Iuta b'a a na rangi ni kan karaoi b'aai ake a tuangaki irouia Etekia ma ana mataniwi.

Taian Areru 110:3

E na nooraki n te bong arei, mimitongin m'akam ngkana ko tautaeka ni korakoram ni kabanea. Ko na kunnikai taian kunnikai aika tabu ae kanga ai aron te aoi i m'ain otin taai

Te Otinako 10:3

Ma ngaia are, a nako Moote ma Aaron nakon te uea ao a taku, “E kaangai ana taeka te UEA ae Atuaia Ebera, “Maan ra riki ngkoe n rawa ni konaaki i rou? Ko na kanakoia au aomata, b'a aonga n taromauriai.

Te Otinako 17:5

Ao E taku te UEA nakoni Moote, “Kairiia tabeman taani kairiri irouia Iteraera, ao naako ri moaia aomata. Ao uota naba te oko are ko orea ngkoa te karaanga are te Naire iai.

Te Otinako 19:1

Ao a kiitana Rebirim Iteraera, ao a roko n rereuan Tinai ni moanibongin te katenua n nam'akaina i mwiin kitanakin Aikubita.

Te Otinako 25:22

N na kaitibo ma ngkami ikekei i marenaia maan ake uoman ao N na tuangko te b'ai ae a riai ni karaoia au aomata ao te b'ai ae a riai n aki karaoia.

Te Otinako 3:12

Ao E kaeka te Atua ni kaangai, “N na memena i roum. Ao ane ko na ataia b'a boni Ngai ae I kanakoko, ngkana ko taromauriai i aon te maunga aei ngkana ko tia ni kaotinakoia Au aomata mai Aikubita.”

Te Otinako 3:16

Weteia ni kabane taani kairiiri i aon Iteraera ao tuangiia b'a E a tia ni kaoti nako im te Atua are E taromauriaki irouia Aberaam, Itaaka, ao Iakob'a. Tuangiia b'a I a tia n noora buakakan kairaia i Aikubita,

Te Otinako 30:36

Ikiika tabeua mai iai ni kab'autai ao kabururua nako i matan te Atiniberita, ike N na kaitibo iai ma ngkami. Kakoaua raoi b'a kam na atonga te b'ai ni kaboiarara ae kaakabubuaki aei b'a te b'ai ae tabu,

Te Otinako 30:6

Katuka te baonikarea i matan keetenin te Um'antabunrianna. E na kaawakinaki te Atiniberita ma te tabo n akoi. Ao N na taetae ma ngkoe ikekei.

Te Otinako 4:1

Ao e titiraki Moote nakon te UEA ni kaangai, “Ngkana tao a bane aomata n rawa n ongo nakon au rongorongo, n akea temanna ae e kakoaua b'a ko kaoti nako iu?

Te Otinako 4:23

ao I tuangko b'a ko na kainaomataia, b'a aonga ni konaa n taromauriai. Ma ko rawa, ao ngkai N na tiringa natim te mm'aane are am karimoa.”

Te Otinako 4:24

N te tairiki teuana ngke e katei auti n rianna Moote, ao E kuri n tiringaki iroun te UEA.

Te Otinako 4:31

ao a bane aomata ni kakoaua. Ao a bobaraaki ao a taromauria te UEA b'a ataia b'a E a tia n noora rawawataia ao E nang buokiia.

Te Otinako 5:1

Ao a m'ananga Moote ma Aaron nakon uean Aikubita ao a tuangnga ni kaangai, “E taku te UEA ae te Atua, “Ko na kariaia Au aomata b'a a na nakon te rereua, b'a a aonga ni konaa ni karineai ni karaoa aia bootaki ni kukurei ikekei.”

Te Otinako 5:3

Ao a taku, “E a tia ni kaoti te UEA ae Atuaia Ebera nako ira. Ti butiiko b'a ko na kariaia b'a ti na nakonako i nanon tenibong nakon te rereua ike ti konaa n anga iai ara karea nako ina. Ngkana ko aki, ao e na oroira n te kangaanga ae e kakamaaku ke n te buaka.”

Te Otinako 7:16

Ko na tuangnga ni kaangai, “E kanakoai te UEA ae Atuaia Ebera b'a N na tuangko b'a ko na kanakoia Ana aomata, b'a aonga ni konaa n taromauriia n te rereua. Ma ko tuai man ongo ni karokoa te tai aei.”

Te Otinako 8:1

E taku nakon Moote: Ko na nakon te bareti ao tuanga uean Aikubita au taeka b'a e na kanakoia au aomata, b'a aonga ni konaa n taromauriai.

Te Otinako 8:20

E taku te UEA nakon Moote: N te moaningabong n ningabong, ngkana e tabe ni m'ananga te uea nakon te karaanga, ko na nako ni kaangai nako ina, ‘E taku te UEA b'a ko na kanakoia Ana aomata, b'a a aonga ni konaa n taromauriia.

Te Otinako 8:23

N na karaoa te kaokoro i marenaia au aomata ma am aomata. E na koro bukin te kakai aei nakon te ingabong.’ ”

Te Otinako 9:1

E kanakoa Moote te UEA ma te rongorongo ae e kaangai nakon uean Aikubita: Te UEA ae Atuaia Ebera e tuangko ma te matoa b'a ko na kanakoia ana aomata, b'a aonga ni kona n taromauriia.

Te Otinako 9:13

Ao E taku te UEA nakon Moote, “N te moa n ingabong ningabong kam na kawara te uea ao tuangnga ana taeka te UEA ae Atuaia Ebera, ae kaangai, “Ko na kanakoia au aomata, b'a a aonga n taromauriai.

Itaia 64:5

Ko buokiia ni kabane akana a kukurei n ongotaeka ao ni karaoi b'aai akana ko tangiri, ma e karika marakin nanon te bure. Bon ti am buobuoki ae ti na kamaiuaki iai.

Ieremia 2:2

n na nako Ierutarem ma n tuangiia aomata nako te b'ai are E a tia n taekinna: Kam tangirai ngkoa ngke kam moan riki b'a au kabae ao kam irai i nanon te rereua ae akea kaina.

Ieremia 2:6

A rawa ami bakatibu ni buubutiai buokaia, e ngae ngke I a tia i kamaiuia mai Aikubita ma ni kairiia i nanon te rereua ae e kamaamate ae akea kain aona, ike akea ae maeka iai ke ni kataia ni m'ananga i nanona.

Ieremia 26:5

I aki toki ni kaakanakoia Au burabeti b'a a na kab'arab'ara nako imi, ma kam bon aki kubariia naba. Ao ngkai I a kauringkami b'a ngkana kam aki moana ongotaekami i Rou,

Warekaia Iteraera 17:4

Katikui taian oko akanne n te Um'antabunrianna i matan te Atiniberita are I kaoti iai nako im.

Iotua 1:17

Ti na ongotaeka raoi i roum n ai arora ngkoa ngke ti ongotaeka raoi naba i roun Moote, ao ke E mena i roum te UEA ae te Atua n ai arona naba ngkoa ngke E mena iroun Moote!