Te Otinako 3:15 - Te B'aib'ara

¹⁵ Ko na tuangiia b'a bon te UEA Ngai ae Atuaia aia bakatibu, Atuan Aberaam, Itaaka, ao Iakob'a, ae I kanakoko nako ia. Bon aei arau n aki toki, Aio arau ae a na aranai iai rooro aika rimwi.

Te Otinako 3:15 ပူးပေါင်းရင်းမြစ်များ

Karikani B'aai 24:12

Ao e tataro nakon te Atua ao e taku, “Te UEA, ae Atuan au toka are Aberaam, Ko na kakoroa bukin au waaki n te bong aei, ao kawakina am Berita nakon au toka.

1.Rongorongo 16:16

E a tia ni karaoa ana berita ae akea tokina te Atua

1.Rongorongo 29:18

Karaoira b'a ti na kan angaanga, ao buokiira b'a ti na kakaonimaki nakoim, n ai aroia ara bakatibu ake Aberaam, Itaaka, ao Iakob'a ake a kakaonimaki n taromauriiko.

2.Rongorongo 28:9

E maeka Oteta i Tamaria ao temanna ngaia ana burabeti te UEA. E kaaitibo ma ana taanga ni buaka Iteraera ngke e oki rikaaki mai Iuta ao e taku nakoia: E katokanikaingkami te UEA i aoia kaain Iuta ti i bukina ngke e un irouia. Ma kam na aki karaoa ae e rangi ni buakaka nakoia!

Taian Areru 102:12

Ma Ngkoe, te UEA, Ko uea n aki toki; Ko na ururingaki irouia rooro nako.

Taian Areru 102:13

Ko na teirake ni kaota nanoangaan Tion: B'a e a bo ana tai n akoaki; aio raoi taina.

Taian Areru 135:13

Te UEA, e na tai toki tataekinam b'a te Atua Ngkoe; A na bane rooro nako n ururingko.

Taian Areru 30:4

Kam na anene nakon te UEA, ngkami aika ana Aomata aika kakaonimaki; Uring baika E a tia ni karaoi, ao katituaraoia.

Taian Areru 30:5

E rangi ni kimototo tain unna, ma e tei maan ana akoi i aoni maiun te aomata. A waanako rannimata ni kangainaa, ma e oneaki mwina n te kakatonga n te ingabong.

Taian Areru 68:5

Te Atua, are maeka n ana Tembora are tabu, boni Ngaia ae tabeakiniia akana aki tabeakinaki irouia aia karo. Ngaia naba ae tei i bukiia aine akana mate buia.

Taian Areru 72:17

E bia ururingaki arana n aki toki; E bia teimatoa ataakin arona kanga ai aron teimatoan taai. A bia butia te Atua botannaomata nako b'a E na kakab'aiaia, n ai arona ngke E a tia kakab'aia te uea.

Taian Areru 72:19

Kamoamoa n aki toki arana ae mimitong! E bia buta aonnaba ni mimitongina. Amen! Amen!

Te Otinako 15:2

Bon otangau ae matoatoa te UEA; boni Ngaia ae E a tia ni kamaiuai. Bon Atuau, ao N na neboia, Bon Tamau te Atua, ao N na anenea korakorana.

Te Otinako 15:3

Bon te tia buaka te UEA, ao bon te UEA arana.

Te Otinako 3:13

Ao E kaeka Moote ni kaangai, “N na tuangiia Iteraera b'a E kanakoai te Atua are a taataromauriia ara bakatibu. Ma tera ae N na taekinna, ngkana a titirakinai aram?”

Te Otinako 3:6

Bon te Atua Ngai are I taataromauriaki irouia am bakatibu ake Aberaam, Itaaka, ao Iakob'a.” Ao e maaku Moote n taraa te Atua, ma ngaia are, e karabaa matana.

Te Otinako 4:1

Ao e titiraki Moote nakon te UEA ni kaangai, “Ngkana tao a bane aomata n rawa n ongo nakon au rongorongo, n akea temanna ae e kakoaua b'a ko kaoti nako iu?

Te Otinako 4:5

Ao E taku te UEA, “Ko na karaoa aei, ao ane a na kakoauako iai Iteraera b'a ko a bon tia n noorai, Ngai ae te Atua are I taromauriaki irouia aia bakatibu ake Aberaam, Itaaka, ao Iakob'a.”

Te Otinako 6:2

Arau bon te UEA.

Taeka n Rabakau 18:10

Bon te taua ae e korakora te UEA ike a konaa ni biri nako iai ana aomata ni kamanoia

Itaia 26:8

Bon temanna ae e onimakinaki b'a e na uota te eti; ao ti tangira riki neboan aram nakoni b'aai ni kabane.

Itaia 42:8

Arau bon te UEA! N na bon aki kariaia taian bouannanti ke aomata b'a a na ono ni mimitongiu ao neboau.

Itaia 63:12

E M'aati m'aakan te UEA i rarikin Moote. E na neboaki te UEA n aki toki i bukin bwenauaakin taari.

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Ieremia 33:2

E taetae nako iu te UEA are e karaoa te aonnaba, are e karaoia ma ni katikua ni nnena. Boni Ngai are I aranaki b'a te UEA ao I kaangai,

Taniera 2:23

I neboiko ao I karineko, Ngkoe ae Atuaia au bakatibu. Ko a tia n anganai te rabakau ma te korakora; Ko a tia ni kaekaa au tataro, ao n tuangai nanoni miin te uea.”

Otea 12:5

Aran te Atua bon te UEA, te UEA ae te Atua ae Moan te M'aaka.

Otea 12:6

Ma ngaia are, ko na okira Atuam. Onimakinna ma te taotaonaki n nano, ao kaota nakoina te tangira ma te eti.

Nakoaia Ibonga 24:11

N te bong teuana ao e un natiia aei ma temanna te m'aane ae te I-Iteraera, ao e taetaebuaka aran te UEA. Ma ngaia are, e a katikitikaki nakoni Moote,

Mika 4:5

A taromauri oin atuaia botannaomata n tatabeua nako, ma ti na taromauriia te UEA ae Atuara ma n ongotaeka i rouna n aki toki.

Maraki 3:6

Kanoan Iakob'a, bon te UEA Ngai ae Moan te M'aaka, ao I aki konaa ni bitaki. Bon anne bukina ngkai kam tuai man uotaki nako,

Mataio 22:32

Bon Atuan Aberaam Ngai, ao Atuan Itaaka, ao Atuan Iakob'a? Tiaki Atuaia akana mate te Atua, ma bon Atuaia akana maiu.

M'akuri 3:13

Atuan Aberaam, ma Itaaka, ma Iakob'a, are Atuaia ara bakatibu, E neboa Natina are Iesu, are kam anga ao kam kakeaa i matani Birato, ngke e a tia n reke ana baire b'a e na kainaomata.

M'akuri 7:32

“Atuaia am bakatibu Ngai, ae Atuan Aberaam, ma Itaaka, ma Iakob'a.” Ao e ruru ni maaku Mote, ao e aki kan taraia.

Te Tua-Kaua 1:11

Ao E a manga tia riki ni berita te Atua b'a E na kakab'aiaira teuana riki tengaa rakan m'aitira nakon are mai m'aaina, ao I tataro b'a E na boni kakoroa bukina.

Te Tua-Kaua 1:35

“Kam rangi ni buakaka ngkami kaain te roro aei, ao I bon aki kariaia b'a kam na rin n te aba ae e raoiroi are I berita iai nakoia ami bakatibu.

Te Tua-Kaua 4:1

Iteraera, kam na ongora n taian tua, ao taian reirei aikai. Ngkana kam ongotaeka nako iai, ao kam na maiu, ao ane kam na rin n te aba are e anganingkami te UEA b'a abami. Bon te Atua Ngaia are a taromauriia ami bakatibu,

Ebera 11:16

Ma a bon tangira te tabo ae raoiroi riki, are i karawa. Ma ngaia are E aki mamaa te Atua n atongaki i rouia b'a Atuaia, b'a E a tia ni katauraoa aia kawa i bukiia.

Ebera 13:8

Ai uana nako naba Iesu Kristo ngkoananoa, ao n te bong aei, ao n aki toki.