Te Otinako 3:12 - Te B'aib'ara

¹² Ao E kaeka te Atua ni kaangai, “N na memena i roum. Ao ane ko na ataia b'a boni Ngai ae I kanakoko, ngkana ko taromauriai i aon te maunga aei ngkana ko tia ni kaotinakoia Au aomata mai Aikubita.”

Te Otinako 3:12 ပူးပေါင်းရင်းမြစ်များ

Karikani B'aai 15:1

Ao i mwiin aei, ao e roko te kaotioti iroun Aberam, ao e ongo Ana taeka te UEA ngke E kaangai, “Ko na aki maaku, Aberam. N na kamanoko man taiani kaangaanga ao N na anganiko kaniwangam ae moan te buubura.”

Karikani B'aai 15:8

Ma e kaeka Aberam, “Te UEA ae Moan te M'aaka, N na kanga n ataia b'a ai bon abau?”

Karikani B'aai 26:3

Maeka ikai, ao N na memena iroum ma ni kakab'aiako. N na anganiko te aba aei ni kabutaa, ao nakoia naba am kariki. N na bon kakoroa bukin te berita are I karaoia ngkoa ma tamam are Aberaam.

Karikani B'aai 31:3

Ao E taku te UEA nako ina, “Naako okira aban tamam ma am koraki. N na bon memena i roum.”

2.Uea 19:29

Etekia, N na tuangko te b'ai ae e nang riki. N te ririki aei ko na kang taian uita aika a riki bon irouia, ao n te ririki ae e na roko ko na manga kang b'aai aika a na bwebwerake mai mwiin uita aikai. Ma n te katenua n ririki, ko na uniki taiani uita ao taian kureebe, ao ko na kana ae ko bon taia.

1.Rongorongo 9:20

E a tia n tararua te m'akuri Bineati are natin Ereata te m'aane i bukina ngke E memena te UEA i rouna.

Taian Areru 86:17

te UEA, Ko na kaota nako iu kakoauan am Raoiroi; Ane a na mamaa akana ribaai ngkana a nora ae Ko anganai kabebeteau ma buokau.

Te Otinako 18:5

Ao e kawara Moote Ietero n te rereua are e maeka iai Moote n te maunga are tabu, ao e airi ma buun Moote, ao natina mm'aane ake uoman.

Te Otinako 3:1

N te bong teuana, ao Moote e tararuaia ana tiibu ma ana kooti taman buuna are Ietero are ibongan Mirian. Ao e iangoia Moote b'a e na kairiia maan ri nanon te rereua nako Tinai, te maunga are e tabu.

Te Otinako 3:13

Ao E kaeka Moote ni kaangai, “N na tuangiia Iteraera b'a E kanakoai te Atua are a taataromauriia ara bakatibu. Ma tera ae N na taekinna, ngkana a titirakinai aram?”

Te Otinako 33:14

E taku te UEA, “N na iringkami ma n anganingkami te rau.”

Te Otinako 4:12

Ko na nako ngkai! N na raoniko ngkana ko taetae ma n anganiko taeka aika ko na taekin.”

Te Otinako 4:15

Ko konaa n taetae nako ina ma n tuangnga te b'ai ae I taekinna. N na buokingkami ni kauoman n taetae, ao N na kaai n tuangkami te b'ai ae kam na karaoia.

Te Otinako 8:27

Ti na bon aki konaa ni karaoa anne! E a tia n tuangiira te UEA b'a ti na nakonako i nanon tenua te bong i nanon te rereua i m'aain ae ti anganna ara karea, ao bon anne bukina ngkai ti riai ni karaoa aei.”

Itaia 37:30

Etekia, N na tuangko te b'ai ae e nang riki. N te ririki aei ko na am'arake man taian uita aika a maiu i bon irouia, ao n te ririki ae e na roko ko nang kang taian uita aika a maiu i mwiin taiani uita aikai. Ma n te katenua n ririki, ao ane ko nang unika te kureebe ao ane ko nang kana ae ko taia.

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 43:2

Ngkana ko ri nanon te iabuti, ao I memena iroum, ao ko na aki b'ab'a. Ngkana ko ri buakon te ai, ko na aki bue ke ni maraki ni kabuebuena.

Itaia 7:14

Ma e na bon teimatoa naba te UEA n anganingkami te b'ai ni kakoaua. E na bikoukou te ataeinaine E na bungiia natina te m'aane ao e na aranna b'a Emmanuera.

Ieremia 1:8

I berita b'a N na mena iroum ao ni kaawakiniko, ma ngaia are, ko na aki maaku.”

Warekaia Iteraera 16:28

Ao e taku Moote nako ia aomata, “E a tia n rineai te UEA, ao E tuangai b'a N na karaoi baikai, bon tiaki au iango. Ao kam na noora koauana n te tai aei:

Warekaia Iteraera 23:21

Bon te UEA ae te Atua aia Uea Iteraera. E maeka ma ngaiia ikekei, ao E aki kona ni karaoa te b'ai teuana ae buakaka nakoia.

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

Mareko 16:20

Ao a nako uakekei ni kab'arab'ara n taabo nako, ao E buokiia te Uea, ao E karaoi kanikina ake a na kakoauaki iai b'a e boni koaua te rongorongo are a taekinna.

M'akuri 11:21

A buokaki ni m'aakan te UEA, ao a onimaki aomata aika bati, ao a rairaki nakon te UEA.

M'akuri 7:7

Ao E taku te Atua, “N na karekea kain te botannaomata are a toro i rouia; ao i mwina, a na oti nako n taromauriai n te tabo aei.”

I-Rom 8:31

Ao tera ngkanne ae ti na taekinna i bukini baikai? Ngkana raora te Atua, ao antai ae kona n ekira nako?

Te Tua-Kaua 31:23

Ao E taku te UEA nakon Iotua, Ko na ninikoria, ao ko na korakora. N na buokiko ni kairiia Iteraera nakon te aba are I a tia ni berita iai nakoia.

Ebera 13:5

A na akea ni maiumi te baki tianti, ma a na rauaki nanomi ni baika iai i roumi. B'a E a tia ni kangai te Atua, “N na bon aki kakiko, Ao N na bon aki kitaniko.”

Iotua 1:5

Bon akea ae na kona n eekikonako ni karokoa matem. N na mena i roum n ai arou ngke I mena naba iroun Moote. N na memena i roum n taai nako. N na bon aki kiitaniko.

Tani Motiki-taeka 6:12

Ao e kaoti te anera nakon Kiteon ao e taku nakoina, “E na buokiko te anera, ao ko na riki b'a te tia buaka ae korakora.”

Tani Motiki-taeka 6:16

Ao E taku te UEA, “Kiteon, ko kona ni kamaiuia Iteraera i bukina b'a N na buokiko. E na bon rangi ni beebete kataenikaiaia kaain Miiria b'a kaanga ai aron kataenikaian te aomata ae ti temanna.”

Tani Motiki-taeka 6:17

Ao e taku Kiteon, “I bon aki konaa ni kakoauaa b'a I a taetae ma te UEA. Taiaoka, karaoa te b'ai teuana ae N na kakoauaa iai b'a te UEA ngkoe.

Tani Motiki-taeka 6:21

Ao e taua te oko te anera i nanoni baina, ao e korea iai te iriko ao te kariki n tabon okona. Ao e kiba te ai man te b'a ao e kabuoka te iriko ma te kariki. Ao ngke e taratara nako Kiteon, ao e a akea te anera arei.

Tani Motiki-taeka 7:11

Ao ngkana kam ongo aia taeka kaain Miiria, ao ane kam na aki maaku.” Ao a nako Kiteon ma Bura nakon aia maeka kaain Miiria, nakon te tabo ike a tei iai tautia.

1.Tamuera 14:10

Ma ti na tam'arakea te tabuki ni buakaniia ngkana a tuangiira. B'a nanon anne, E buokiira te UEA ni katokanikaira i aoia.