Te Otinako 3:11 - Te B'aib'ara

¹¹ Ma e taku Moote, “B'a antai ngai ngkai N na kawara te uea ma ni kaotinakoia am aomata mai Aikubita?”

Te Otinako 3:11 ပူးပေါင်းရင်းမြစ်များ

2.Tamuera 7:18

Ao e nako Tawita n rin n te autinrianna are e a tia ni kateia i bukin te Atiniberita. Ao i mwiina, e tekateka ikekei n tataro ni kaangai: Te UEA ae Moan te M'aaka, e bon riai n aki reke nako iu ma au utu te b'ai ae Ko a tia ni karaoia nakoira,

1.Uea 3:7

Te UEA ae te Atua, bon am Toro ngai, ao Ko karikai b'a te uea i mwiin tamau. Ma I bon rangi ni uarereke ma ni karako au atatai n te m'akuri ni kairiiri.

1.Uea 3:9

I butiiko, kawanawanaai ao reireiai b'a N na ataa te kaokoro i marenan te raoiroi ma te buakaka, b'a I aonga n ataa arou n tautaekaniia am Aomata ae e korakora aei.

1.Rongorongo 29:14

Ma e aera ngkai ti na kukurei ngkai ti a tia n anganiko b'aintangira aikai? Bon am b'ai baikai, ao ti a manga kaoki nakoim ngke bon am b'ai.

Te Otinako 6:12

Ao e kaeka Moote ni kaangai, “Bon tiaki te tia taetae ae rabakau ngai. Ngkana a aki ongo Iteraera irou, ao e nang kangaa riki n ongo uean Aikubita?”

Ieremia 1:6

Ao I kaeka ni kaangai, “I babanga n taetae, te UEA ao I rangi ni uarereke.”

2.I-Korinto 2:16

bon te boi ae kamamate ae tiritiri nakoia aika nangi mate, ao te boi ae kamaiu ae uota te maiu nakoia aika nang kamaiuaki. Ao ai antai ae tau i bukini baikai?

2.I-Korinto 3:5

Akea i roura te bae ti na taku iai b'a ti kona ni karaoa te b'ai teuana i bon i roura; ara kona ni karaoia boni mairoun te Atua,

Tani Motiki-taeka 6:15

Ao e taku Kiteon, “Ma N na kanga ni kamaiuia Iteraera? Bon te kaainga are rangi ni mangori mai buakon kaaingan Manate au kaainga, ao boni ngai naba te kabanea ni mangori man au utu.”

1.Tamuera 18:18

Ao e taku Tawita, “N na kanga ni iein ma natim te aine? Kai bon te aomata ngai ae akea arou, ao akea naba aron au utu.”