Te Otinako 3:10 - Te B'aib'ara

¹⁰ Ko na nakon te uea ngkai! I kanakoko b'a ko na kairiia Au aomata ni kaotinakoia man abana.

Te Otinako 3:10 ပူးပေါင်းရင်းမြစ်များ

Karikani B'aai 15:13

Ao E taku te UEA nako ina, “A na riki kanoam b'a ianena n te aba teuana; a na riki b'a tooro ikekei, ao a na kairaki n te aro ae aki raoiroi i nanon abubua te ririki.

Karikani B'aai 15:14

Ma N na bon karekei kaia botannaomata ake a tautoroniia, ao ngkana a kiitana te aba are a ianena iai, ao a na uoti kaub'ai aika bati ma ngaiia.

Taian Areru 105:26

E kanakoa ana tabonibai are Moote, ma Aaron are E a tia n rineia.

Taian Areru 77:20

Ko kairiia am Botannaomata irouni Moote ma Aaron, kanga ai aron te tia kawakin-tiibu ngkana e kaira te nanai n tiibu.

Te Otinako 12:40

A tia ni maeka Iteraera i aon Aikubita n te maan ae abubua tenibwi te ririki.

Te Otinako 12:41

N tokin te ririki ae abubua tenibwi, a bane n nako iai barongan nako ana aomata te UEA ni kiitana Aikubita.

Te Otinako 33:12

E taku Moote nakon te UEA, “I ataia b'a ko a tia n tuangai b'a N na kairiia aomata aikai nakon te aba are Ko berita iai nakoia. Ma Ko bon tuai tuangai b'a antai ae e na riki b'a au kauoman. Ko a tia n taekinna b'a raoraou Ngkoe ao Ko kukurei i rou.

Te Otinako 33:13

Ngkana arona b'a e koaua aei, ao Ko na kaotia nako iu b'a tera am babaaire, ao N na ongotaeka ma n reitanako arou ni kakukureiko. Ao Ko na aki m'aninga ae Ko a tia n rinea te botannaomata aei b'a am b'ai.”

Te Otinako 6:26

Ao te UEA E tuanga Aaron ma Moote b'a a na kairiia utu ni kabane ao baronga n Iteraera ni kaotinakoia mai Aikubita,

Otea 12:13

I kanakoa te burabeti are Moote b'a e na kairiia Iteraera mai Aikubita ma ni kaawakiniia raoi.

Mika 6:4

I kaotinakoingkami mai Aikubita; I kamaiungkami man te tautoronaki; I kanakoa Moote, Aaron, ao Miriam b'a a na kairingkami.

M'akuri 7:34

I noori raoi aroni b'ainikirinaia au botannaomata ake a mena i Aikubita, ao I ongo ngirangiraia, ao I a ruo b'a N na kamaiuia. Ao ngkai, nako mai, b'a N na kanakoko nako Aikubita.”

M'akuri 7:36

E kairiia Mote ni kaotinakoia, ngke e tia ni karaoi m'akuri aika kamimii ma kanikina n te aba are Aikubita, ao n te Nama are Uraura, ao n te rereua angaun te ririki.

M'akuri 7:6

Ao E taetae naba te Atua ni kaangai: b'a a na maeka n iruwa ana kariki Aberaam n te aba teuana ae tiaki abaia; ao a na toronaki ma ni b'ainikirinaki iai abubua te ririki.

M'akuri 7:7

Ao E taku te Atua, “N na karekea kain te botannaomata are a toro i rouia; ao i mwina, a na oti nako n taromauriai n te tabo aei.”

Tani Motiki-taeka 6:14

Ao E taku te UEA, “Ko na korakora Kiteon, b'a I anganiko te m'aaka ni kamaiuia Iteraera mai rouia kaain Miiria.”

1.Tamuera 12:6

Ao e taku Tamuera nakoia: E kaotinakoia ami bakatibu te UEA mai Aikubita ao E rinea Moote ma Aaron b'a taani kairiiri.

1.Tamuera 12:8

I mwiin nakon Iakob'a nako Aikubita, ao a tang ami bakatibu nakon te UEA i bukin buokaia, ao E kanakoa Moote ma Aaron te UEA. Ao a kairiia ami bakatibu mai Aikubita ao E katekatekaia n te aba aei.