Te Otinako 29:9 - Te B'aib'ara

⁹ ao b'araia ao aia kabae n nuuka, ao i mwiina, kam na katabuia, i bukina b'a ana teimatoa n riki aia kariki b'a ibonga.

Te Otinako 29:9 ပူးပေါင်းရင်းမြစ်များ

Te Otinako 27:21

i matan te keeten are e kaokoroa te tabo are e tabu ma te tabo are moan te tabu, are kaawakinaki iai te Atiniberita. Tabeia Aaron ma natina mm'aane kaakauraan te taura ni katoa tairiki i nanon te Um'antabunrianna. A riai Iteraera n ongotaeka nakon te mwioko aei.

Te Otinako 28:1

Wetea tarim are Aaron ma natina mm'aane are Nataba, Abiu, Ereata, ao Itamara. Bon ngaiia aika I a tia n rineia mai buakoia Iteraera b'a a na riki b'a au ibonga.

Te Otinako 32:29

Ao e taku Moote nakoia, “Ongotaeka iroun te UEA ao karaoa ae raoiroi, ao kam na m'akuri b'a ibonga ngkami i bukiia Iteraera. E bon matoatoa i roumi b'a kam na tiringiia oin natimi mm'aane ao tarimi, ma E a tia te UEA ni kakab'aiaingkami ma ni karikingkami b'a ana ibonga n te bong aei.”

Te Otinako 40:15

Ao i mwiina, katabuia n ai aron naba katabuan tamaia, b'a Au ibonga n aki toki mai mwiin te katabutabu aei.

Nakoaia Ibonga 8:1

E taku te UEA nakon Moote,

Nakoaia Ibonga 8:13

Ao i mwiina, e a manga kairiia natin Aaron m'aane nako mooa, ao e karin aia kabaraaki, e katokai aia roo i aon babatiia, ao e katokai b'araia i aon atuuia n ai aron ana mwioko te UEA.

Nakoaia Ibonga 8:33

Ko na aki otioti nako mai nanon ana Um'antabunrianna te UEA ni uaa banen raoi bongin katabuakim ake itibong.

Warekaia Iteraera 16:10

E a tia te Atua n anganingkami tib'angami ae okoro, ao ngkai, kam a manga kan riki naba b'a Ana ibonga.

Warekaia Iteraera 16:35

Ao n te aro ae a aki kantaningaia, ao E kab'aka te ai te UEA ni kabuokiia 250 te mm'aane ake a tia n anga te b'ai ni kaboiarara nako Ina.

Warekaia Iteraera 16:40

n aron are E a tia te UEA n tuanga Moote. Ao a riki taiani baan akekei b'a b'aai n reirei nako ia Iteraera b'a bon ti Aaron ma kanoana aika kariaiakaki n anga te b'ai ni kaboiarara nakon te UEA. Ao ngkana iai ane kataia riki, e na manga katuaaeaki naba n aron Kora ma raona.

Warekaia Iteraera 18:7

Ma bon ti ngkoe ma natim mm'aane ae kam kona ni karaoa te m'akuri n ibonga n te baonikarea i nanon te Tabo are Moan te Tabu. Bon au b'aintangira nako imi te m'akuri n ibonga. Ao ake a kataia ni karaoa te m'akuri n ibonga, a na bon tiringaki.

Warekaia Iteraera 25:13

I berita b'a e teimatoa n riki b'a Au ibonga Bineati ma kanoana i bukina ngke e kaota te kakaonimaki nako Iu Bineati.”

Warekaia Iteraera 3:10

aomata ake a tia n rineaki b'a ibonga. Ngkana iai ane kataia ni karaoa aia m'akuri ibonga, ao e na tiringaki.

Te Tua-Kaua 18:5

Kam na anga taiani b'aintangira aikai nakoia ibonga, i bukina b'a a tia n rineaki ma kanoaia iroun te UEA mai buakoia barongan Iteraera b'a a na karaoi m'akuri aika raka n te tabo n taromauri.

Ebera 5:10

ao E atongaki iroun te Atua b'a te Ibonga ae Kakannato, ae te karinan ae Merekitereka.

Tani Motiki-taeka 17:5

E a reke ana baangota ni mwengana ike e na taromauria iai te Atua, ao e karaoi taian bouananti tabeua ao te ebota. Ao e rinea temanna natina te m'aane Mika b'a te ibonga i bukin ana baangota.

1.Tamuera 2:30

Bon te UEA Ngai ae Atuaia Iteraera. I berita b'a n na teimatoa ni kariaia ami utu b'a a na m'akuri b'a ibonga, ma I tuangkami ngkai b'a bon akea riki te b'ai teuana ae I kona ni manga karaoia! I karineia aomata aika a karineai, ma I kamaraiaia akana a ribaai.