Te Otinako 28:40 - Te B'aib'ara

⁴⁰ Ngkai bon taian ibonga naba natin Aaron mm'aane, ao a bon riai naba n nooraki b'a a bane nanoia iai. Ma ngaia are, e riai naba ni karaoaki niiniiraia, kabaean nuukaia, ao b'araia ae e kaokoro bon i bukiia.

Te Otinako 28:40 ပူးပေါင်းရင်းမြစ်များ

Te Otinako 28:2

Ao e karaoa te kunnikai Aaron ae tamaroa ae kakannato i bukiia ibonga aika rietaata.

Te Otinako 28:4

Aikai b'aai aika kainanoaki b'a a na karaoaki: te ub'a, te raburabu i bukin te ibonga, te niiniira, ae te kabaraaki ae katamaroaaki n te karai, te m'aita, ao te kabae n nuuka. E riai ni karaoaki te kunnikai ae e tabu aei i bukin Aaron ma natina mm'aane ake a na riki b'a taian ibonga.

Te Otinako 29:8

I mwiin anne, kam na karina kunnikaiia n ibonga aika kaokoro natin Aaron mm'aane

Te Otinako 29:9

ao b'araia ao aia kabae n nuuka, ao i mwiina, kam na katabuia, i bukina b'a ana teimatoa n riki aia kariki b'a ibonga.

Te Otinako 39:41

ao te kunnikai ae e tamaroa are a na kamanena i nanon te Tabo are e Tabu, kunnikai aika a tabu i bukin Aaron are te ibonga, ao natina mm'aane.

Itaia 52:1

Ierutarem, Uti! Teirake ao korakora. Tion te kaawa ae e Tabu karina kunnikaim ae moan te tamaroa. A na aki manga urua am kaawa ae e tabu taian ianena.

Nakoaia Ibonga 16:24

E na tebokia i nanon te Tabo are e tabu ao e na karina are boni kunnikaina. Ao i mwiin anne, e na otinako n anga te karea ni kabuokaki i bukin kanakoan oin ana bure ao aia bure aomata.

Nakoaia Ibonga 8:13

Ao i mwiina, e a manga kairiia natin Aaron m'aane nako mooa, ao e karin aia kabaraaki, e katokai aia roo i aon babatiia, ao e katokai b'araia i aon atuuia n ai aron ana mwioko te UEA.

Tito 2:10

ke n iraei aia b'ai; ma a na kaotiia b'a iai onimakinaia ni koaua, ao n te aro aei a katamaroa te reirei i bukin taekan te Atua are ara Tia Kamaiu n aroia nako.

Tito 2:7

Ko na kaotiko ni b'aai ni kabane b'a te banna ni kakairi n arom ni m'akuri aika raoiroi; ko na b'aina te eti ma te nano ni koaua ngkana ko anga reirei,

1.Betero 5:5

Ao i bukimi ngkami aika kam ataei riki: kam na aan-taeka irouia unimm'aane. Ao kam na b'aina te nanorinano n aromi n i torotoro iroumi; b'a e kaangai te B'aib'ara: “B'a E ekianako akana kainikatonga te Atua, ao E akoia akana nanorinano.”