Te Otinako 28:30 - Te B'aib'ara

³⁰ E na riai naba ni b'ain b'ai ake uoua ake a uarereke i aon ana ub'a ake e kamanenai i bukin karekean te kaeka mairoun te Atua.

Te Otinako 28:30 ပူးပေါင်းရင်းမြစ်များ

Etira 2:63

Ni koauana, ao a tuangaki iroun te koowana ni kaangai, Kam aki konaa ni kang taian am'arake ake taian angab'ai nakon te Atua ni karokoa kam boni kakoaua raoi b'a bon taian ibonga ngkami.

Neemia 7:65

Ni koauana, ao e taku te kowana nakoia, “Kam aki konaa ni kang taian am'arake ake a anga aomata nakon te Atua ni karokoa kam konaa n tuangiira b'a bon tenaan ibonga raoi ngkami.”

Te Otinako 28:29

E na uouoti araia barongan Iteraera ake tengaun ma uabaronga Aaron aika a koreaki i nanona ni katoa te tai are e rin iai n te Tabo are e Tabu, ao N na bon aki konaa ni m'aninga iai taekan au botannaomata.

Nakoaia Ibonga 8:8

Ao e katokaa te ub'a i aona ao e karin taian urim ma tummim i nanona.

Tekaria 6:13

E na tei te ibonga i rarikin ana kaintokanuea, ao uoman mai buakoia a na riki b'a raao aika raoiroi.

Warekaia Iteraera 27:21

Ma e na riai Iotua ni mwiokoa Ereata i bukin kakaaean te b'ai ae I tangiria b'a e na karaoia ngkana e na kairiia Iteraera nakon te buaka.”

2.I-Korinto 12:15

Ma moan te kukurei ngai b'a N na kabane au b'ai, ma n anga boni ngai, i bukini maiumi. E na karako tangirau i roumi i bukina ngkai I rangi n tangiringkami?

2.I-Korinto 7:3

I aki atonga aei b'a N na kabuakakaingkami iai, b'a I a tia n taku rimoa b'a kam memena i nanora, ngkana tao ti mate ke ti maiu.

Te Tua-Kaua 33:8

E kataingkami te UEA n taian koburakenran ake Mata ao Merib'a, te baronga are Rewi. Kam kakaonimaki, ao bon anne bukina ae e anganaki iai kanoan Rewi te m'akuri n ibonga.

Ebera 2:17

Ma ngaia are e riai i Rouna b'a E na riki n ai aroia tarina ni b'aai ni kabane, b'a E aonga n riki b'a aia Ibonga ae Kakannato ae nanoanga ma ni kakaonimaki ni baika reitaki ma te Atua, n anga te karea n raoi i bukin aia bure aomata.

Ebera 4:15

B'a ara ibonga ae kakannato bon tiaki ae aki kona te nanoangaira i bukini mamarara, ma bon ae kaririaki ni b'aai ni kabane n ai arora, ma E aki bure.

Ebera 9:12

ao E rin n te tabo are moanibaan te tabu ti teuana te tai ao akea riki, ao E aki uoti raraaia kooti ma buniia kaao, ma E uota oin raraana ao E karekea kamaiuara ae aki totoki.

Ebera 9:24

B'a Kristo E aki rin nako nanon te tabo are tabu, are e karaoaki ni bain te aomata, ao are katotongan te oi ni b'ai ni koaua; ma E bon rin i karawa, b'a E aonga ni kaoti i matan te Atua i bukira.

Tani Motiki-taeka 1:1

Ao i mwiin maten Iotua, ao a bubuti Iteraera nakon te Atua ni kaangai, “Antai mai buakoia ara baronga ae na buakaniia moa kaain Kanaan?”

Tani Motiki-taeka 20:18

Ma ngaia are, a nakon te tabo n taromauri i Betaera ao a titirakina te Atua ni kaangai, Antai te baronga ae te moan m'ananga ni buakaniia kaain te baronga are Beniamin?

1.Tamuera 28:6

ma ngaia are, e titirakina te UEA b'a tera ae e na karaoia. Ma E aki roko n te kaekaa te UEA, e aki naba anganna te mii ke ni kamanenaan te Urim ma te Tummim ke mairouia burabeti.