Te Otinako 28:3 - Te B'aib'ara

³ E na riai ni katabuaki Aaron b'a te ibonga ae rietaata, ao a riai ni karaoaki kunnikaina ti irouia aomata aika iai irouia te konab'ai ae I a tia n anganiia.

Te Otinako 28:3 ပူးပေါင်းရင်းမြစ်များ

1.Uea 7:14

Ao Toromon e butia Iram b'a e na nako Ierutarem ni karaoi b'aai man te buraonti i bukin b'ai n taromauri n Ana Tembora te UEA, ao e kariaia ni karaoi.

Te Otinako 35:10

Ngkana iai ami konab'ai, ao kam na kamanenai ni i buobuoki nakon te mwioko are I a tia n anga:

Te Otinako 35:25

Ao a uoti aia kunnikai aine aika rangin rabakau n raranga kunnikai ni uoti aia kunnikai aika buraen te tiibu aika a buru, a uraro, ao a uraura ao taian riinen aika a tia ni karaoi.

Te Otinako 35:30

Ao e taku Moote nakoia Iteraera: E a tia te UEA n rinea Betarera man barongan Iuta.

Te Otinako 35:31

E aki ti kaonna te UEA n Tamneina,

Te Otinako 35:35

Ao e a tia n anganiia te rabakau ni kabane ae te korobanna, n reitaki ma te rabakau ni korotamnei ao katamaroa n te karai ae e buru, ae e uraro, ao buraen te tiibu ae e uraura ao n rarangaia naba n te riinen ae e tamaroa.

Te Otinako 36:1

E a tia te UEA n angan Betarera, Ooriaba, ma ake tekorakina taiani konab'ai aika kainanoaki i bukin karaoan te tabo n taromauri, ao a riai n iri ana kaetieti te UEA.

Te Otinako 36:2

Ao e bootia taan m'akuri Moote aika a kukurei nanoia ni karaoa te m'akuri,

Taeka n Rabakau 2:6

A bane n roko taian wanawana mairoun te UEA ao ai uana naba ma te iangoraoi ao te ataib'ai.

Itaia 11:2

E na meemena taamnein te UEA i rouna n anganna te ataib'ai, te rabakau, ao te wanawana. E na korakora, ao e na ataa te UEA ma ni karinea.

I-Ebeto 1:17

b'a te Tama ae mimitong, are Atuan ara UEA are Iesu Kristo, E na anganingkami te Tamnei are E na kawanawanaingkami, ma ni kaota te Atua nakoimi b'a kam aonga n ataia;

Te Tua-Kaua 34:9

Ao i m'aain maten Moote, ao e a tia ni katokaa baina i aon Iotua, ao E a tia te UEA n angan Iotua te wanawana. Ao a kakauongo raoi Iteraera nakon baike e taekin Iotua ma n ongotaeka nakon taian tua ake E a tia te UEA n angan Moote.

Iakobo 1:17

B'aai ni kabane aika raraoi ma ni moanibaan te raoiroi boni b'aai n tituaraoi mai eta, aika ruo mairoun Taman te oota, are akea i rouna te bibitaki are e na reke mai iai te nu ae roo.