Te Otinako 28:2 - Te B'aib'ara

² Ao e karaoa te kunnikai Aaron ae tamaroa ae kakannato i bukiia ibonga aika rietaata.

Te Otinako 28:2 ပူးပေါင်းရင်းမြစ်များ

Iobi 40:10

Ngkana e koaua, ao teirake kaota karineam ma kakannatom, ao kunnikaiko n te neboaki ma te mimitong.

Taian Areru 132:16

N na kakab'aiaia ana ibonga ni b'aai ni kabane akana a karaoi, Ao a na takaakaa n anene ma te kakatonga ana botannaomata.

Taian Areru 132:9

A na b'ab'aina te eti am ibonga n taai nako; a na anene n takaakaa ni kakatonga am botannaomata!

Taian Areru 149:4

E kukurei te UEA iroun ana botannaomata; E karineia aika onimakinna n anganiia te tokanikai.

Taian Areru 96:6

Iai te karineaki ma te mimitong i Rouna, Ao te korakora ma te tamaroa n ana Tembora ae Tabu.

Te Otinako 28:40

Ngkai bon taian ibonga naba natin Aaron mm'aane, ao a bon riai naba n nooraki b'a a bane nanoia iai. Ma ngaia are, e riai naba ni karaoaki niiniiraia, kabaean nuukaia, ao b'araia ae e kaokoro bon i bukiia.

Te Otinako 29:28

ao e na aranaki te irikoniman b'a au b'ai, ma e na riai ni kanaki irouia ibonga. E na aki manga bitaki te tua aei.

Te Otinako 31:10

te b'a ni katabutabu ao te m'akuri ni katabutabu,

Te Otinako 40:13

Karina kunnikain Aaron are te kunnikai n ibonga ao katabua, b'a e boni kaokoroaki iai n te aro anne b'a e aonga ni kona n riki b'a Au ibonga.

Itaia 4:2

E na roko te tai are e na manga karokoa riki te mari ao te mimitong te UEA i aon abana, ao a na kamoamoa Iteraera ake nikira ni maiu ni uaan aon te aba.

Itaia 52:1

Ierutarem, Uti! Teirake ao korakora. Tion te kaawa ae e Tabu karina kunnikaim ae moan te tamaroa. A na aki manga urua am kaawa ae e tabu taian ianena.

Itaia 61:10

N na karaoa au bootaki ni kukurei ao n takaarua i bukin au UEA ae te Atua. I a kunnikaiai ni m'aakan ana m'akuri ni kakamaiu ao ana motikitaeka ae Eti. A rangi n tamaroa riki nakon b'aai ni katamaroa aika a b'aab'ainaki iroun te kabae te aine ke te kabae te m'aane.

Itaia 61:3

mai ai moaraara riki i Ierutarem. E kanakoai b'a N na anganiia taiani uee n onea mwiin nanokawakiia, b'aan te oriwa n onea mwiin taian rannimata, ao te kukurei n onea mwiin te uruakinnano. A na aranaki b'a “Arokan te Motiraoi,” are e unikaki iroun te UEA i bukin neboan arana.

Itaia 64:6

Ti aki tau n taromauriiko; bon taian motinikunnikai aika a buakaka ara m'akuri n tatabeua nako. Ti m'auteretere kaanga taiani baanikaai; bon te ang aika a korakora ara bure ake a kaubara nakoira.

Nakoaia Ibonga 8:30

Ao Moote, e anaa te b'a ni katabutabu teutana ao te raraa teutana ake a mena i aon te baonikarea, ao e katimtim'a i aon Aaron ma natina m'aane, ao i aon naba kunnikaia. Ao aei ngkanne arona ni katabuaia ma kunnikaia nakon te UEA.

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

I-Rom 13:14

Ma kam na anai ana b'ai ni buaka nako te UEA are Iesu Kristo, ao tai karekei aia tai rab'atami aika bubure b'a a na iri nanoia ni kaib'ab'aru.

I-Rom 3:22

E kaeti aroia aomata te Atua n reitaki ma Ngaia n onimakinan Iesu Kristo i rouia; ao E karaoa aei nakoia aomata ni kabaneia aika onimakina Iesu.

I-Karatia 3:27

B'a ngkami ni kabaneingkami akana kam b'abetitoaki nako nanoni Kristo, kam a karina Kristo i aomi b'a kanga ai aron te kunnikai.

Ebera 2:9

Ma ti nora Iesu, are karaoaki ni karinanoaki riki nakoia anera i nanon te tai ae aki maan, b'a E aonga ni mate i bukiia aomata ni kabaneia; ao e riki aei man nanon te Atua n akoi. Ti noria ngkai b'a E a baunaki n te neboaki ma te karineaki i bukin arona ni maraki ma ni mate.

Ebera 7:26

Iesu ngkanne bon te Ibonga ae Kakannato ae tau i bukira; E kukurei te Atua i Rouna, akea kabuakakaana ma baarekana, E kam'awaki mai rarikiia taani bure, ao E karietataki riki i aon taiani karawa.

2.Betero 1:17

B'a E anganaki te karineaki ma te neboaki mairoun te Atua are te Tama, ngke e roko te b'ana nakoina mairoun te Mimitong are Moan te Tamaroa, are kaangai, “Natiu ae tangiraki Teuaei, ae I kakatonga i rouna!”

1.Ioane 3:2

Ngkami aika kam tangiraki, bon natin te Atua ngaira ngkai; ao e tuai ni kaotaki b'a terana arora rimwi. Ti ataia, b'a ngkana E a manga oki Kristo, ao ti na katotonga arona, i bukina b'a ti na nora arona ni koaua.

Te Kaotioti 19:8

E a tia n anganaki neierei kunnikaina ae te rinen ae e raoiroi ae raneanea ae itiaki b'a e na b'ainna. (Te rinen ae e raoiroi, bon aroia ake a itiaki ni kakaraoa nanon te Atua ni maiuia).

Te Kaotioti 5:10

ao Ko karaoia b'a ana ibonga te Atua n ueana; ao a na uea i aonnaba.”