Te Otinako 28:1 - Te B'aib'ara

¹ Wetea tarim are Aaron ma natina mm'aane are Nataba, Abiu, Ereata, ao Itamara. Bon ngaiia aika I a tia n rineia mai buakoia Iteraera b'a a na riki b'a au ibonga.

Te Otinako 28:1 ပူးပေါင်းရင်းမြစ်များ

1.Rongorongo 23:13

Amram bon tamaia Aaron ma Moote. A rineaki Aaron ma ana kariki b'a taani kaawakin b'aai aika a tabu. Aia m'akuri iroun te UEA bon te anga karea nakoina ao kakab'aiakiia aomata n arana.

1.Rongorongo 6:10

Ataria are te ibonga are e m'akuri n te Tembora are e karaoia te uea are Toromon, i Ierutarem,

1.Rongorongo 6:34

Erekana, Ieroam, Eriera, Toa,

2.Rongorongo 11:14

A m'aiti kanoan Rewi ake a kiitan aia kaawa ma aia tabo n uteute i aon Iteraera ma ni m'aing nako Ierutarem ao kaawa tabeua ake i Iuta i bukina ngke a aki kariaia Ieroboam ao uean Iteraera ake imwina b'a a na m'akuri kanoan Rewi b'a taiani ibonga.

Taian Areru 115:10

Ngkami aika ana utu te ibonga are Aron, kam na onimakina te UEA b'a e na buokingkami mani kawakiningkami.

Taian Areru 99:6

Ana ibonga naba Moote ma Aaron, ao Tamuera, boni ngaia naba temanna ae taboa arana; A tataro nakoina, ao E ongo irouia.

Te Otinako 24:1

E taku te UEA nakon Moote, “Nako mai nako iu i aon te maunga aei. Kaira Aaron, ao ai uana naba ma natina mm'aane ake uoman ake Nataba ao Abiu, ao itingaun mai buakoia taani kairiri aika Iteraera. A riai n taua raroaia ngkana a taromauriai,

Te Otinako 24:9

Ao a kaai n tam'arakea te maunga Moote ao Aaron, ao ai uana naba ma Nataba ao Abiu ao taani kairiiri ake itingaun

Te Otinako 28:41

Ao i mwiina, kam na karin kunnikaiia Aaron ma natina mm'aane, ao kab'aroa te b'aa i aon atuuia, ao katabuia b'a au ibonga.

Te Otinako 29:1

Kam na rinea te kaomm'aane ae uarereke ao uoman tiibu mm'aane aika akea toabuakan rab'ataia, ngkana kam na katabuaia natin Aaron b'a a na riki b'a au ibonga.

Te Otinako 29:44

E na riki n tabu te Um'antabunrianna i buku, ao a na nako raoi aia m'akuri n ibonga Aaron ma natina mm'aane.

Te Otinako 29:9

ao b'araia ao aia kabae n nuuka, ao i mwiina, kam na katabuia, i bukina b'a ana teimatoa n riki aia kariki b'a ibonga.

Te Otinako 30:30

Ngkana ko katabua Aaron ma natina mm'aane b'a ibonga, ko na tatauriia teutana n te b'a aei,

Te Otinako 31:10

te b'a ni katabutabu ao te m'akuri ni katabutabu,

Te Otinako 35:19

ao kunnikaia ibonga are a karauaki raoi ni karaoaki i bukin Aaron ao natina mm'aane.

Te Otinako 6:23

E iein Aaron ma Nei Eriteba. Bon natin Amminataba te aine ao m'anen Nation; bon aman natiia mm'aane aika Nataba, Abiu, Ereata, ao Itama.

Nakoaia Ibonga 10:1

A kaai n anaa baanin te ai natin Aaron m'aane ake Nataba ao Abiu, ao a kaaki te kooro i nanona, a ikotia ma te b'ai ni kaboiarara are e kaakabubuaki, ao a kaotia nakon te UEA. Ma e bon aki tabu te ai aei, i bukina ngke E bon aki tuangiia te UEA b'a a na kaotia.

Nakoaia Ibonga 10:12

Ao e taku Moote nakon Aaron ao nako ia natina m'aane ake nikira ake uoman, Ereata ao Itama, “Anaa te karea are te uita are te nikira man te am'arake are e kareanaki nakon te UEA. Karaoa te kariki ae e aki itinaki mai iai ao kanna i rarikin te baonikarea, b'a e rangi n tabu te karea aei.

Nakoaia Ibonga 7:35

Anne m'akoron te am'arake are e anganaki te UEA are e anganaki Aaron ma natina m'aane n te bong are a katabuaki iai b'a ibonga.

Nakoaia Ibonga 8:1

E taku te UEA nakon Moote,

Nakoaia Ibonga 8:2

“Kaira Aaron ma natina m'aane nako mataroan te Um'antabunrianna, ao uoti naba taian kunnikai ni ibonga, ao te b'aa ni katabutabu, ao te kao m'aane te teei i bukin te karea ni kab'arabure, ao uoman naba te tiibu m'aane, ao te b'aene ni kariki are e aki karikaki.

Warekaia Iteraera 18:7

Ma bon ti ngkoe ma natim mm'aane ae kam kona ni karaoa te m'akuri n ibonga n te baonikarea i nanon te Tabo are Moan te Tabu. Bon au b'aintangira nako imi te m'akuri n ibonga. Ao ake a kataia ni karaoa te m'akuri n ibonga, a na bon tiringaki.

Warekaia Iteraera 2:4

A na baaireaki ana taanga ni buaka te baronga are Iuta are 74,000 m'aitiia kaaina nakon m'akoroia, ao a na kairaki iroun Nation are natin Amminataba.

Warekaia Iteraera 26:61

Ma a tia ni mate Nataba ma Abiu ngke a anga te ai ae aki kukurei iai te UEA.

Ruka 1:8

Ngke e tabe Takaaria ni karaoa nakoana n ibonga i matan te Atua ni bongin aia tai n tei ana koraki n ibonga,

Te Tua-Kaua 10:6

Ao e maan i mwiina, ao ti a manga katei maeka i rarikin taiani m'anib'a ake aia b'ai kanoan Iaakan ao i mwiina, ti a manga m'ananga nako ao ti a manga katei maeka i Motera, ike e mate iai Aaron ma n taunaki naba iai, ao e a manga riki ni ibonga natina are te m'aane are Ereata.

Te Tua-Kaua 18:5

Kam na anga taiani b'aintangira aikai nakoia ibonga, i bukina b'a a tia n rineaki ma kanoaia iroun te UEA mai buakoia barongan Iteraera b'a a na karaoi m'akuri aika raka n te tabo n taromauri.

1.Tamuera 2:28

I rineia ami utu b'a Au ibonga mai buakoia barongan Iteraera. I tangiria b'a a na anga karea ma ni kabuoki taiani b'ai ni kaboiarara nako Iu ma ni kakaaea b'a tera ae I tangiria b'a a na karaoia Au aomata.