Te Otinako 26:36 - Te B'aib'ara

³⁶ Kamanenaa te m'akoro ni kunnikai are te riinen ae e rarangaaki man buraen te tiibu ae buru, e uraura ao ni korotinaki n ae tamaroa i bukin te mataroa n rin nakon te auti n rianna.

Te Otinako 26:36 ပူးပေါင်းရင်းမြစ်များ

2.Tamuera 7:6

I bon aki maeka n te tembora ngke I kaotinakoia au aomata mai Aikubita, ao I tuai ni maeka naba i nanon teuana n te tai aei. Bon mwengau te autinrianna n taabo nako ike I iriia nako iai.

Taian Areru 78:60

E kitana ana Tembora are i Tiro, are nena ni maeka i buakora.

Te Otinako 26:31

Karaoa te keeten man te kunnikai ae te rinen ae rarangaaki man buraen te tiibu ae mawaawa, e uraroo ao ae uraura. Korotinna n tamnein baike a maiu ake iai baiia ni kiba.

Te Otinako 27:16

Kamanenai aua riki taian boua mai buakon aikai i bukin mataroan te kawai n rin, ao i mwiina, katinei raoi taian keeten ake a korotinaki ake a karaoaki n te riinen ae tamaroa ae ruaiwa te miita ab'akina ae karaoaki man te burae n tiibu ae buru, uraro, ao ae uraura.

Te Otinako 28:15

Karaoa naba te ub'a i bukiia ibonga aika a rietaata man te b'ai are e bobuaka anne. Anne te ub'a are a na kamanenaa i bukin kakaean nanou b'a tera ae I tangiria are a na karaoia au aomata.

Te Otinako 28:39

Karaoa niiniiran Aaron ma ana m'aita man te riinen ae tamaroa ao ni katamaroaa ana kabae n nuuka n te korooti ae tamaroa.

Te Otinako 35:11

E na riai te Um'antabunrianna n rabun taian uki, ma kaai, kaini kamatoa, ao bouana ma kainteina nako;

Te Otinako 35:15

te baonikarea i bukin te b'ai ni kaboiarara are e kaakabubuaki; te b'aa ni katabutabu; keetenin mataroan te rin nakon te Um'antabunrianna;

Te Otinako 36:37

A kamanena te keeten ae karaoaki man te riinen ae e tamaroa ae e rarangaaki man te burae n tiibu ae e buru, ae uraro, ao e uraura ao e katamaroaaki n te korooti ae e rangi ni tamaroa.

Te Otinako 38:18

E karaoa naba mataroan te katawanang Betarera, e karaoa te keeten ae ruaiwa te miita ab'akina, ao e katinea i aon taian boua aika a aai aika a tei i aon taian kai n tei aika buraonti.

Te Otinako 39:29

ao te kabae ae e karaoaki man te rinen ae e raoiroi, ao te buraentiibu ae e buruu, uraro, ao ae e uraura, ao e katamaroaaki n aron mwiokoan Moote iroun te UEA.

Te Otinako 39:33

Ao a uota te Um'antabunrianna ma b'aina ni kabane, te matau, kaina ake a bangaki, bouana, ao kainteina;

Te Otinako 40:5

Kaki te baonikarea ae e b'ain kabuokan te b'ai ni kaboiarara i matan te Um'antabunrianna.

Etekiera 16:10

I anganiko te kabanea n tamaroa n niiniirau ae te kabanea ni boobuaka, ao ai uana naba ma taiani kauniwae aika a karaoaki man te kabanea n tamaroa ni kun ni man.

Warekaia Iteraera 3:25

Aia m'akuri n te Um'antabunrianna boni kaawakinan te Um'antabunrianna, ma rabunana are mai tinaniku, ma te roki are ni mataroan te Um'antabunrianna,

Warekaia Iteraera 9:15

Ao ngke e a tib'a tei te Um'antabunrianna, ao e a kaoti naba te nang ae matenten n rabuna aon te Um'antabunrianna.

Ioane 10:9

Boni Ngai te mataroa; ngkana e rin te aomata irou, ao e na kamaiuaki: e na rin ao e na oti nako, ao e na karekea kanana.

Ioane 14:6

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.