Te Otinako 26:31 - Te B'aib'ara

³¹ Karaoa te keeten man te kunnikai ae te rinen ae rarangaaki man buraen te tiibu ae mawaawa, e uraroo ao ae uraura. Korotinna n tamnein baike a maiu ake iai baiia ni kiba.

Te Otinako 26:31 ပူးပေါင်းရင်းမြစ်များ

2.Rongorongo 3:14

E karaoaki te roki man te rinen ae e raoiroi are e rarangaaki ma te karai ae e buru, beebo, ao e uraura, ao e katamaroaaki aona n taamnein baika a maiu ake iai baiia ni kiba.

Taian Areru 137:5

N na aki kona ni manga katanga au b'ai ni katangitang ngkana I m'aninga taekam, Ierutarem!

Te Otinako 25:18

Ko na karaoi uoman baika iai baiia ni kiba aika koora ake amanaki.

Te Otinako 25:4

te burae n tiibu ae e buuru, e uraroo, ao e uraura; te rinen ae e tamaroa; buraen te kooti;

Te Otinako 26:1

Karin keetenin te Um'antabunrianna aika a karaoaki man tebwiina m'akorokoro ni kunnikai aika riinen aika tamaroa. A na riai n rarangaaki man buraen te tiibu ae buru, ae uraro, ao ae uraura, ao a na karaoaki taamnein maan aika maiu aika iai baiia ni kiba aika korootinaki.

Te Otinako 26:32

Ao katinetinei i aon boua ake aai aika taian aketia ae rabunaki n taian koora, ao ni kanim'aki raoi ma taian matau, ake a baarongaaki n taian beke aika aua aika tirewa.

Te Otinako 27:16

Kamanenai aua riki taian boua mai buakon aikai i bukin mataroan te kawai n rin, ao i mwiina, katinei raoi taian keeten ake a korotinaki ake a karaoaki n te riinen ae tamaroa ae ruaiwa te miita ab'akina ae karaoaki man te burae n tiibu ae buru, uraro, ao ae uraura.

Te Otinako 27:21

i matan te keeten are e kaokoroa te tabo are e tabu ma te tabo are moan te tabu, are kaawakinaki iai te Atiniberita. Tabeia Aaron ma natina mm'aane kaakauraan te taura ni katoa tairiki i nanon te Um'antabunrianna. A riai Iteraera n ongotaeka nakon te mwioko aei.

Te Otinako 28:15

Karaoa naba te ub'a i bukiia ibonga aika a rietaata man te b'ai are e bobuaka anne. Anne te ub'a are a na kamanenaa i bukin kakaean nanou b'a tera ae I tangiria are a na karaoia au aomata.

Te Otinako 35:12

te Atiniberita ma kainamona, te tabo n akoi, ao te keeten are i matana;

Te Otinako 35:25

Ao a uoti aia kunnikai aine aika rangin rabakau n raranga kunnikai ni uoti aia kunnikai aika buraen te tiibu aika a buru, a uraro, ao a uraura ao taian riinen aika a tia ni karaoi.

Te Otinako 35:35

Ao e a tia n anganiia te rabakau ni kabane ae te korobanna, n reitaki ma te rabakau ni korotamnei ao katamaroa n te karai ae e buru, ae e uraro, ao buraen te tiibu ae e uraura ao n rarangaia naba n te riinen ae e tamaroa.

Te Otinako 35:6

te buraentiibu ae e buru, ae e uraro, ke e uraura; te riinen ae e tamaroa; buraen te kooti;

Te Otinako 36:35

A karaoi keeten man te riinen ae rarangaaki man te burae n tiibu ae e buru, ae e uraro, ao a e uraura, ao korotinaki bannan baike a maiu aika iai baiia ni kiba.

Te Otinako 36:36

A karaoi naba aai amona man te kai te aketia aika a kabiraki n te koora. Ao manga m'am'a aika a kanim'aki ma taian boua ake a kateaki i aon taian kaintei ake taian tirewa.

Te Otinako 36:8

Ao a bootaki taani m'akuri ake a bairaoi ni karaoa te um'antabunrianna ma keetenna taian riinen aika a rarangaaki ma buraen te tiibu aika buru, uraro, ao a uraura ma ni katamaroaaki n te korooti ae tamneia baike a maiu aika iai baiia ni kiba.

Te Otinako 38:23

Ao Moote, e angan natin Aaron te mm'aane are Itamara tauan mwiin taian biti ake a kamanenaaki i bukin Um'antabunrianna.

Te Otinako 40:21

Ao i mwiina, e a karina te Ati i nanon te Um'antabunrianna, ao e katikaarake te keeten ni kainna. Ao anne arona ni kaina te Atiniberita, n aron are E a tia ni baaireia te UEA.

Te Otinako 40:3

Karina te Atiniberita i nanona, are a mena iai tuua ake tebwina, ao katinea te keeten i matana.

Ana Anene Toromon 7:1

Bon te natinuea te aine ngkoe, ao a kakateke waem i nanon am kau. Boton rangam bon ana m'akuri te tia karaob'ai ae e tabonibai, aika te naan tirewa ni kauaai;

Nakoaia Ibonga 16:15

I mwiin anne, e na tiringa te kooti i bukin kab'araan aia bure aomata, ao e na uota raraana nakon te Tabo are Moan te Tabu, ao e na taataauria aon matan te Atiniberita, ao i mwiina, nanoaan te Atiniberita, n aron are e karaoia naba ma raraan te kaom'aane.

Nakoaia Ibonga 16:2

E taku te UEA, “Tuanga tarim are Aaron b'a e na aki rin i nanon te Tabo are Moan te Tabu n te tai n aki akaaka, i bukina b'a anne te tabo are I kaoti iai n te nang i aon matan te Atiniberita. Ngkana e aki ongotaeka ao e na tiringaki.

Warekaia Iteraera 4:5

Ngkana a tauraoi nakon kab'aranakoan aia auti n rianna Iteraera, ao a na rin i nanon te Um'antabunrianna Aaron ma natina mm'aane, ao a na kab'ara te roki are i matan te Ati ni Berita, ao a na rabuna iai te Ati ni Berita,

Mataio 27:51

Ao noria, e raeuaki nakoni m'akoro aika uoua te kunnikai are rokin te ruu are tabu n te um'antabu, mai eta nako nano; ao e m'aeiei aon te aba, ao a tabwenaua taiani b'a;

Mareko 15:38

Ao e raeuaki mai eta nako nano te kunnikai are te roki are tine n te um'antabu.

Ruka 23:45

E a mauna ootana. Ao e raeuaki te kunnikai are rokin te um'antabu nakoni m'akoro aika uoua.

I-Ebeto 2:14

B'a Kristo boni Ngaia ara raoi, b'a E karikiia I-Iutaia ma aomata aika tiaki I-Iutaia b'a te botannaomata ae ti teuana; ao ni matena i aon te kaibangaki E urua te riribai are tei b'a kanga te roki i marenaia.