Te Otinako 26:1 - Te B'aib'ara

¹ Karin keetenin te Um'antabunrianna aika a karaoaki man tebwiina m'akorokoro ni kunnikai aika riinen aika tamaroa. A na riai n rarangaaki man buraen te tiibu ae buru, ae uraro, ao ae uraura, ao a na karaoaki taamnein maan aika maiu aika iai baiia ni kiba aika korootinaki.

Te Otinako 26:1 ပူးပေါင်းရင်းမြစ်များ

2.Tamuera 7:2

N te bong teuana, ngke e tabe n taetae Tawita ma Natan are te burabeti, ao e taku Tawita, “Nooria, I maeka n te bareti ae e karaoaki n te tiira, ma e meemena te Atiniberita i nanon te autinrianna.”

1.Uea 6:29

A katamaroaaki oon ru ake uoua ni katotongan taiani baam, uee, ao maan ake iai baiia ni kiba.

1.Rongorongo 17:1

N te tai ae e aki maan i mwiina ngke e a tia ni m'aing Tawita nakon ana bareti ae e boou, ao e taku nakon Natan are te burabeti, “Taraia! I a maeka n te bareti ae e karaoaki man te tiira, ma te Atiniberita e kaawakinaki n te auti n rianna.”

1.Rongorongo 21:29

i bukina b'a e maaka ana kabaang te anera arei ao e aki tangiria b'a e na nako Kibeon.

Te Otinako 25:18

Ko na karaoi uoman baika iai baiia ni kiba aika koora ake amanaki.

Te Otinako 25:4

te burae n tiibu ae e buuru, e uraroo, ao e uraura; te rinen ae e tamaroa; buraen te kooti;

Te Otinako 25:8

I tangiria naba ni karaoa te tabo ae e onoti are I konaa ni maeka iai i buakoia au aomata.

Te Otinako 26:2

Ab'akin keeten n tatabeua nako bon tebwi ma uoua te miita ao uoua te miita raababana,

Te Otinako 26:31

Karaoa te keeten man te kunnikai ae te rinen ae rarangaaki man buraen te tiibu ae mawaawa, e uraroo ao ae uraura. Korotinna n tamnein baike a maiu ake iai baiia ni kiba.

Te Otinako 26:36

Kamanenaa te m'akoro ni kunnikai are te riinen ae e rarangaaki man buraen te tiibu ae buru, e uraura ao ni korotinaki n ae tamaroa i bukin te mataroa n rin nakon te auti n rianna.

Te Otinako 31:7

te Um'antabunrianna ma b'aina nako, te Atiniberita ma te tabo n akoi, te taibora ma b'ain aona nako,

Te Otinako 35:11

E na riai te Um'antabunrianna n rabun taian uki, ma kaai, kaini kamatoa, ao bouana ma kainteina nako;

Te Otinako 35:35

Ao e a tia n anganiia te rabakau ni kabane ae te korobanna, n reitaki ma te rabakau ni korotamnei ao katamaroa n te karai ae e buru, ae e uraro, ao buraen te tiibu ae e uraura ao n rarangaia naba n te riinen ae e tamaroa.

Te Otinako 35:6

te buraentiibu ae e buru, ae e uraro, ke e uraura; te riinen ae e tamaroa; buraen te kooti;

Te Otinako 36:35

A karaoi keeten man te riinen ae rarangaaki man te burae n tiibu ae e buru, ae e uraro, ao a e uraura, ao korotinaki bannan baike a maiu aika iai baiia ni kiba.

Te Otinako 39:3

A amana te koora ni kammaniia, ao a koroi ni kairariki b'a a na karaoaki ma te riinen ae e raoiroi, ao te burae n tiibu ae e buruu, ao ae e uraro, ao ae e uraura.

Te Otinako 40:2

Ko na katea Au Um'antabunrianna ike N na memena iai ni moanibongin te moan n ririki.

Warekaia Iteraera 3:25

Aia m'akuri n te Um'antabunrianna boni kaawakinan te Um'antabunrianna, ma rabunana are mai tinaniku, ma te roki are ni mataroan te Um'antabunrianna,

Warekaia Iteraera 4:25

kanoan Kerition n reitaki naba ma uoua rabunan tinanikun te Um'antabunrianna, ma rokin mataroan te Um'antabunrianna,

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

Ioane 2:21

Ma te Tembora are E nanonna Iesu bon rab'atana.

Ebera 8:2

Bon te tia m'akuri Ngaia n te tabo are moanibaan te tabu are n te um'anrianna ni koaua, are E kateia te Uea, ma tiaki te aomata.

Ebera 9:2

B'a e kateaki te um'anrianna, ae iai i nanona te moa n ruu ae aranaki b'a te tabo ae tabu, are mena i nanona nen te taura n tei ao te taibora ma kariki aika katabuaki i bukin te Atua.

Ebera 9:9

Ao te ruu aei bon te b'ai ni kabotau i bukin taai aikai. Ao b'aintituaraoi ma karea aika a anga aomata ngkai, a aki kona ni kakororaoa karaoiroani mataniwin nanon te tia taromauri,

Te Kaotioti 19:8

E a tia n anganaki neierei kunnikaina ae te rinen ae e raoiroi ae raneanea ae itiaki b'a e na b'ainna. (Te rinen ae e raoiroi, bon aroia ake a itiaki ni kakaraoa nanon te Atua ni maiuia).

Te Kaotioti 21:3

Ao I ongo te b'ana man te kaintokanuea b'a e kaangai, “Noria, e mena ana um'anrianna te Atua irouia aomata! E na maeka i rouia, ao a na riki b'a ana botannaomata; ao te Atua E na memena i rouia.