Te Otinako 25:8 - Te B'aib'ara

⁸ I tangiria naba ni karaoa te tabo ae e onoti are I konaa ni maeka iai i buakoia au aomata.

Te Otinako 25:8 ပူးပေါင်းရင်းမြစ်များ

1.Uea 6:13

Ao N na maeka i buakoia au Aomata i nanon te Tembora ae ko karaoia aei, ao N na aki manga kitaniia.

1.Rongorongo 22:19

Ongotaeka iroun te UEA ae Atuami ma nanomi ni kabanea ao Tamneimi ni kabanea. Kam na moana karaoan te Tembora ni karineana, b'a a aonga ni konaa ni kaawakinaki ikai te Atiniberita ma b'aai ake a na kabonganaaki i bukin te taromauri ikai.

Te Otinako 15:17

Ko uotiia ni kariniia, ao Ko unikia i aon te maunga, te tabo ike Ko a tia n rineia te UEA i bukin Am auti, te Tembora are Ko boni kateia.

Te Otinako 15:2

Bon otangau ae matoatoa te UEA; boni Ngaia ae E a tia ni kamaiuai. Bon Atuau, ao N na neboia, Bon Tamau te Atua, ao N na anenea korakorana.

Te Otinako 29:45

N na maeka i buakomi b'a Atuami Ngai,

Te Otinako 29:46

ao kam na ataia iai b'a bon te UEA Ngai ae Atuami, are E kamaiungkami mai Aikubita, b'a I aonga ni konaa ni maeka i buakomi.

Itaia 12:6

Anene, ngkami kaain Tion! Bukamarua kakannaton UEAN Iteraera ae e tabu. E mena ikai te Atua b'a e na buokiko.

Etekiera 37:26

I berita raoi b'a N na kakab'aiaia Iteraera n te rau ae akea tokina. N na kakawakiniia ma ni karikiia b'a te botannaomata ae e korakora. E na tei au Tembora i aon Iteraera n taai nako,

Etekiera 37:28

A na bane n ataia botannaomata n te aonnaba ae e mena au Tembora i Iteraera ao I a tia n rineia Iteraera b'a Au aomata.

Etekiera 43:7

Etekiera ae natin te aomata, bon Au kaintokanuea te Tembora i aon te aba. N na maeka i buakoia Iteraera ikai n aki toki. A na aki manga oki ni kamatauningaai ngaiia ma aia uea n taromauri taian bouannanti ni baangotan te aba ke ni katei taian kanuringa i bukiia aia uea aika a tia ni mate.

Nakoaia Ibonga 10:4

Ao Moote, e kanaanako weteaia m'aane ake Mitiaera ma Eritaban, ake natin Utiera ao e taku nako ia, “Nako mai ikai ao anai rab'ataia tarin tamami man te Um'antabunrianna are e tabu, ao uotiia ni kaotinakoia man te maeka.”

Nakoaia Ibonga 21:12

Ngkana ko kitana te tabo ae e tabu nakon n ira te taunimate, ngkoe ma te tabo are e tabu kam na kam'araa, ai moara riki i bukina ngke te ibonga ae e rietaata ngkoe.

Nakoaia Ibonga 26:11

N na maeka i buakomi ao N na aki manga taraingkami ma te riribai.

Nakoaia Ibonga 4:6

E na kateboa baina i nanon te raraa, ao e na tatauriia iai rokin te ruu are e tabu itiua te tai.

Tekaria 2:10

Te Kaawa ae Tion, anene ni kukurei! E a tia ni berita te UEA b'a E na roko ma ni maeka ma ngkoe.

Tekaria 8:3

N na okira Ierutarem ma ni maeka ikekei i aon te Maunga are Tion. Ao ane e na ataaki iai b'a te kaawa ae e kakaonimaki, ao e na ataaki Tion b'a te maunga ae e tabu.

Warekaia Iteraera 5:3

B'a ngkai I maeka i buakoia au aomata, ao a na riai ni kateimatoa itiakin aia maeka.”

M'akuri 7:44

E mena i rouia ara bakatibu um'an te Atua n te rereua. E a tia ni karaoaki: b'a e tuangaki Mote iroun Teuare taetae nakoina, b'a e na karaoia n ira te b'ai ni katoto are e a tia n noria.

2.I-Korinto 6:16

Ao tera reitakin ana um'antabu te Atua ma bouannanti? B'a ngaira bon ana um'antabu te Atua ae maiu, n ai aron ana taeka te Atua are kangai: “N na mamaeka i buakoia ao N na nakonako i buakoia; N na riki b'a Atuaia, ao a na riki b'a au aomata.”

Te Tua-Kaua 12:11

Kam na kang ami b'aintangira ao ami karea

Ebera 3:6

Ma Kristo E kakaonimaki b'a te Nati Ngaia ae iai tabena i bukiia ana aomata te Atua. Bon ana aomata ngaira ngkana ti teimatoa ni karokoa te toki ni b'aina te aki nanokokoraki ma te kakatonga n te baere ti kaantaningaia.

Iotua 22:31

Ao e taku Beniata are natin Ereata are te ibonga nakoia, “N te bong aei ao ti a ataia b'a e bon mena te UEA i roura, ao ngaia kam bon aki rawa nakon te UEA ma kam a tia ni kamaiuia Iteraera man ana karekekai te UEA.”

Te Kaotioti 21:3

Ao I ongo te b'ana man te kaintokanuea b'a e kaangai, “Noria, e mena ana um'anrianna te Atua irouia aomata! E na maeka i rouia, ao a na riki b'a ana botannaomata; ao te Atua E na memena i rouia.