Te Otinako 24:7 - Te B'aib'ara

⁷ Ao i mwiina, e wareka ana Tua te UEA n te b'anaa ae e korakora nakoia aomata, Ao a taku, “Ti na ongotaeka iroun te UEA ma ni karaoi b'aai nako ake E mwiokoira iai!”

Te Otinako 24:7 ပူးပေါင်းရင်းမြစ်များ

1.Uea 8:9

B'aai ake a kakawakinaki i nanon te Atiniberita bon baaba ake atiibu aika uoua ake e katikui Moote ikanne ngke E karaoa ana boraraoi te UEA ma aomatan Iteraera i aon te Maunga are Tinai, i mwiin kaotinakoaia mai Aikubita.

2.Rongorongo 15:14

A kariaia aomata b'a a na kaawakina aia berita nakon te UEA, ao a bukamaruia n takaarua ao ni katangi taian bu ma taiani konete.

Taian Areru 50:5

E kangai, “Kam na botiia au aomata aika kakaonimaki nako iu, ake a karaoa aia boraraoi ma Ngai n aia angakarea.”

Taian Areru 78:36

Ma bon taiani kewe aia taeka nako; Akea te koaua ni baike a taekin.

Te Otinako 19:8

Ao i mwiin arei, ao a bane aomata n taku, “Ti na karaoi b'aai ni kabane akana E taekin te UEA,” ao e kaota arei Moote nakon te UEA.

Ieremia 34:13

Bon Atuaia Iteraera Ngai: I karaoa ngkoa te boraraoi ma ami bakatibu ngke I kaotinako ia mai Aikubita, ike a tia n tautoronaki iai.

Ieremia 42:6

e ngae ngkana te b'ai ae ti aki tangiria ni karaoia. Ti na ongotaeka i roun te UEA b'a a aonga n nakoraoi b'aai ni kabane nakoira.”

Etekiera 16:8

Ngke I a manga nooriko riki, ao ko a bon tau nakon te iein. Ma ngaia are, I a rabuniko n niiniirau. Ao i mwiin anne, I karaoa au berita ae e matoa b'a bon au b'ai ngkoe ao Ngai ae te UEA ae te Atua N na kaawakiniko.

Maraki 2:10

Kam aki ataia b'a ti bane n toa ma Atuara kaanga tamara? Tiaki bon ti temanna te Atua ae e karikiira ni kabane? Ao e aera ngkai ti a manga kam'aneia aomata nako n urua Ana boraraoi te Atua ma ami bakatibu?

M'akuri 13:15

I mwin te wareware man te Tua ma burabeti, ao a kanakoa aia taeka taan taua taekan te m'aneaba nakoia B'auro ma, ae kaangai, “Mm'aane, taari, ngkana iai ami taeka ni kakorakorai naano nakoia aomata, ao kam na taetae.”

I-Korote 4:16

Ao ngkana e a tia ni warekaki te reta aei i buakomi, ao kam na karekea ae e na manga warekaki naba n te ekaretia i Raorikeia; ao kam na wareka naba te reta are e na reke i roumi mai Raorikeia.

1.I-Tetaronike 5:27

I tuangngkami iroun te Uea b'a e na warekaki te reta aei nakoia taari ni kabaneia.

Iotua 24:24

Ao a kaeka aomata nako Iotua, “Ti na taromauriia te UEA ae Atuara, ao ti na ongotaeka i rouna.”