Te Otinako 24:4 - Te B'aib'ara

⁴ Ao i mwiina, e korei b'aai nako Moote ake taekin te UEA. Ao e uti Moote n te ingabong are i mwiina. E karaoa te baonikarea i oin te maunga ao e katea te atiibu ae rangi ni buubura i bukiia barongan nako Iteraera n tatabeua nako.

Te Otinako 24:4 ပူးပေါင်းရင်းမြစ်များ

Karikani B'aai 12:7

Ao E kaoti te UEA nakon Aberam, ao E taku, “Bon aio te aba are N nang anganiia am kariki.” Ao e karaoa te baonikarea Aberam i bukin te UEA are E kaoti ngkoa nakoina.

Karikani B'aai 28:18

Ao e uti m'aaka Iakob'a n te ingabong are i mwiina, ao e anaa te atiibu are e uninganna, ao e kateia b'a te kanuringa. Ao e kab'aroa b'aan te oriwa i aona ma ni katabua nakon te Atua.

Karikani B'aai 28:22

E na riki te atiibu ae I kateia aei b'a te tabo i bukin taromauriakim, ao N na anganiko te katebwina ni m'akoro man au b'ai ni kabane.”

Karikani B'aai 31:45

Ma ngaia are, ngke e reke ana atiibu Iakob'a, ao e a kateia b'a te kanuringa.

1.Uea 11:30

Bon akea temanna te aomata i rarikiia n te tai anne. E buuta ana kunnikai ae e boou Aiia, ao e raeraeia nakon 12 te m'akorokoro.

1.Uea 18:31

Ao i mwiina, e anai tebwi ma uoua te atiibu ni karaoa iai te baonikarea b'a karinean te UEA. E tei teuana te atiibu i bukin barongan Iteraera ake tebwi ma uoua,

Etira 6:17

Tebubua kaao, uabubua tiibu m'aane, abubua tiibu ataei aika a kareanaki i bukin te katabu. Ao ai uana naba ma tengaun ma uoman taian kooti aika a kareanaki i bukin kab'araan aia bure barongan Iteraera ake tengaun ma uabaronga.

Neemia 10:1

Ngkai te koowana ngai, ao ngai ae n na karaoa te boraraoi ma Tetekia ao ibonga aikai:

Te Otinako 17:14

Ao i mwiin arei, E taku te UEA nakon Moote, “Koroi taekan te tokanikai aei ao warekia nakon Iotua. I tangiriia kaain Amareka b'a a na mauna nako taekaia n aki toki.”

Te Otinako 17:15

Ao e katea te baonikarea Moote, ao e aranna ni kaangai, “Bon au man n tokanikai te UEA.”

Te Otinako 21:1

Aikai tuua ake E anga te UEA nakon Moote i bukiia ana aomata:

Te Otinako 24:7

Ao i mwiina, e wareka ana Tua te UEA n te b'anaa ae e korakora nakoia aomata, Ao a taku, “Ti na ongotaeka iroun te UEA ma ni karaoi b'aai nako ake E mwiokoira iai!”

Te Otinako 28:21

ao nib'ai araia barongan Iteraera ake tengaun ma uabaronga n tatabeua nako.

Te Otinako 34:27

E tuanga Moote te UEA b'a e na koroi taian tua n taian koroboki, b'a kanoan te boraraoi ma Iteraera.

Itaia 19:19

E na kateaki te baonikarea i bukin te UEA i nuukan Aikubita; ao e na kateaki te baangota i bukin karineana i aon tian te aba.

Nakoaia Ibonga 24:5

Kamanenaa am buraawa ae e manti raoi ao karaoi tengaun ma uaai kariki aika kaka uoua te kiiro rawawataia

Warekaia Iteraera 17:2

“Bootia baronga n Iteraera ake tengaun ma uabaronga, ao tuangiia taani kairiri n tatabemaniia nako man taiani baronga b'a a na koroi araia i aon te oko ake a uouoti b'a kanikinaean m'aakaia,

Ruka 22:30

b'a kam aonga n am'arake ma ni moi n au taibora n Ueau, ao n tekateka i aoni kaintokanuea b'a kam na motiki taekaia aia baronga Iteraera ake tengauni ma ua baronga.

I-Karatia 2:9

ao Iakobo, ma Keeb'a, ma Ioane, ake a atoatongaki b'a boua, ngke a ata ae E anganai te Atua te mwiokoaki aei, ao a anganai ma B'arenaba angaataia, ao ti iobai ma ngaiia, b'a kaotan aroaro n iraorao ni mwiokoara, ngaira nakoia aomata aika tiaki I-Iutaia, ao ngaiia nakoia I-Iutaia.

Te Tua-Kaua 31:9

Ao e koroi tuua ma reirei aikai ni kabane Moote ao e anganiia ibonga ma taani kairiiri i aoia Iteraera. A nako man te baronga are Rewi aomata aika taiani ibonga, ao a uouota te Atiniberita.

Iotua 4:20

Ao ikanne are e a katei iai atiibu ake tebwi ma uoua Iotua ake a uotaki mai nanon te Ioretan.

Iotua 4:5

ao e kaangai nakoia, “Rimoan Ana Ati ni Berita te UEA ae Atuami ri nanon te Ioretan, ao uota te atiibu i aon angami; tatabeua te atiibu i aon temanna, b'a teuana te atiibu i bukin teuana te baronga.

Te Kaotioti 21:14

E kateaki te nono aei i aon aana aika tebwi ma uoua, aika koreaki i aoia aara aika tebwi ma uoua aika araia taan tuatua ake tengauni ma uoman, ake ana tia tuatua te Tiibuteteei.