Te Otinako 24:3 - Te B'aib'ara

³ Ao e anga taian tua Moote nakoia aomata ao a berita ni kaangai, “Ti na karaoi b'aai nako akana e a tia ni mwiokoira iai te UEA!”

Te Otinako 24:3 ပူးပေါင်းရင်းမြစ်များ

2.Rongorongo 15:14

A kariaia aomata b'a a na kaawakina aia berita nakon te UEA, ao a bukamaruia n takaarua ao ni katangi taian bu ma taiani konete.

2.Rongorongo 15:15

A bane ni kukurei aomata nako i bukina ngke a tia ni karaoa te berita ae e matoa aei, ao ni kabooani mwiin anne, E kakab'aiaia te UEA n anganiia te rau mairouia aia kairiribai.

Taian Areru 50:5

E kangai, “Kam na botiia au aomata aika kakaonimaki nako iu, ake a karaoa aia boraraoi ma Ngai n aia angakarea.”

Te Otinako 19:8

Ao i mwiin arei, ao a bane aomata n taku, “Ti na karaoi b'aai ni kabane akana E taekin te UEA,” ao e kaota arei Moote nakon te UEA.

Te Otinako 24:2

ma bon ti ngkoe ae ko na kaaniai. Akea riki temanna ae ko na kairiia ni waerake.”

Te Otinako 24:7

Ao i mwiina, e wareka ana Tua te UEA n te b'anaa ae e korakora nakoia aomata, Ao a taku, “Ti na ongotaeka iroun te UEA ma ni karaoi b'aai nako ake E mwiokoira iai!”

Ieremia 11:4

E tuai man bitaki au babaaire man te tai are I kaotinako ia iai ami bakatibu mai Aikubita, te botannaomata ae kaanga ai aron te ura ae korakora are e karanaki iai te biti. I tuangiia ami bakatibu b'a ngkana a ongotaeka nakon Au tua, ao N na riki b'a Atuaia, ao ngaiia a na riki b'a Au aomata.

Ieremia 34:13

Bon Atuaia Iteraera Ngai: I karaoa ngkoa te boraraoi ma ami bakatibu ngke I kaotinako ia mai Aikubita, ike a tia n tautoronaki iai.

Akai 2:5

n aron are I a tia berita iai nakoia ami bakatibu ngke I kaotinakoia mai Aikubita. Kam na aki raraoma. E na mena iroumi Tamneiu iroumi ikai.

Maraki 2:10

Kam aki ataia b'a ti bane n toa ma Atuara kaanga tamara? Tiaki bon ti temanna te Atua ae e karikiira ni kabane? Ao e aera ngkai ti a manga kam'aneia aomata nako n urua Ana boraraoi te Atua ma ami bakatibu?

Te Tua-Kaua 11:1

Bon Atuami te UEA, ma ngaia are, kam riai n tangiria n taai nako ma n ongotaeka nakon ana Tua ao Ana reirei.

Te Tua-Kaua 4:1

Iteraera, kam na ongora n taian tua, ao taian reirei aikai. Ngkana kam ongotaeka nako iai, ao kam na maiu, ao ane kam na rin n te aba are e anganingkami te UEA b'a abami. Bon te Atua Ngaia are a taromauriia ami bakatibu,

Te Tua-Kaua 4:5

Bon akea te botannaomata teuana ae raoiroi riki ana tua nakon tuua aika E a tia n tuangai te UEA ae Atuau b'a N na anganingkami. Ngkana kam kakaonimaki nakon tuua aikai ngkana kam rin n te aba, ao kam bon kaotingkami iai nakoia botannaomata tabeua b'a kam wanawana. Ao n te koaua, ao aomata ake a ongo ami tua a na bon kaangai, A bon rangi ni wanawana te botannaomata arei, ao tera te b'ai ae karakai arora nakoia botannaomata tabeua? E raka arora i bukina b'a iai Atuara ae memena i rarikira n taai nako ma ni kaekai ara tataro nako.

Te Tua-Kaua 5:1

Ao e weteia ni kabane Iteraera Moote, ao e taku nakoia: N nang tuangngkami taian tua ma reirei aika kam na iri nanoia, ma ngaia are, kam na kakauongo raoi.

Te Tua-Kaua 5:31

ma ngkoe ko na okirai ikai. Ao ngkana I tia n tuangko Au tua ma Au reirei, ao ko na manga taekin nakoia aomata, b'a a aonga n ongotaeka nakon tuua aikai n te aba are I anganiia.

Te Tua-Kaua 6:1

E tuangai te UEA b'a N na anganingkami tuua ma reirei aikai, ma ngaia are, kam kona n ongotaeka iai n te aba are E anganingkami. Ai ti teutana riki te tai ao kam nang ri nanon te Karaanga are te Ioretan ma n taua te aba.

Iotua 24:21

Ao a taku aomata nakon Iotua, “Tiaki taromauriia anti tabem'aang ma ti na taromauriia te UEA n ti ngaia.”

Iotua 24:22

E taku Iotua nakoia, “Kam bon koaua b'a kam na taromauriia te UEA n ti ngaia?” ao a kaeka aomata, “Eng, ti bon koaua.”

Iotua 24:24

Ao a kaeka aomata nako Iotua, “Ti na taromauriia te UEA ae Atuara, ao ti na ongotaeka i rouna.”