Te Otinako 24:18 - Te B'aib'ara

¹⁸ Taraan mimitongin te UEA irouia aomata ti te bo taraana ma te ai ae urarake i taubukin te maunga.

Te Otinako 24:18 ပူးပေါင်းရင်းမြစ်များ

1.Uea 19:11

Ao E taku te UEA, “Ko na otinako, ao naako tei i aon te maunga. I tangiria b'a ko na noorai ngkana I rirarikim.” Ao e karina n roko te ang ae moan te korakora ni ioioa te maunga, ao ni katabwenabwenai taiani b'a. Ma E bon aki mena naba te UEA i nanon te ang ae moan te korakora. Ao i mwiina, e a manga roko te m'aeiei, ma e aki mena naba i nanon te m'aeiei.

1.Uea 19:8

Ma ngaia are e a manga teirake Eria n am'arake mani mooi. Ao kanana are e a tia ni kanna, e bon anganna te korakora ni m'ananga i nanon 40 te bong, ni karokoa e roko n te Maunga are Tinai, are Ana Maunga te Atua,

Te Otinako 19:20

Ao E ruona taubukin te maunga te UEA, ao E wetea Moote b'a e na tam'arake nako taubukin te maunga. Ao e tam'arake Moote

Te Otinako 24:17

Ao e karaoa arei Moote n tiku ikekei i nanon abwi te ngaina ma te bong.

Te Otinako 25:1

E taku te UEA nakon Moote:

Te Otinako 32:1

Ao ngke a nooria aomata b'a e a rangi ni maan Moote i aon te maunga, ao a nako nakon Aaron ao a taku, “Karaoa taamnein antira are e na kairiira ma ni kaawakiniira. E kaotinakoira Moote mai Aikubita, ma bon akea temanna ae ataia b'a tera ae e a tia n riki nako ina.”

Te Otinako 34:28

E tiku Moote ma te UEA i aon te maunga i nanon abwi te ngaina ao abwi te tairiki, n aki am'aam'arake ke ni mooi. Ao e koroi Tuua ake tebwiina, ake m'akoron te boraraoi aika a rangi ni kakaawaki i marenan te Atua ma ana aomata.

Te Otinako 9:29

E taku Moote nako ina, “N na tabeka baiu ma n tataro nakon te UEA bon n te tai naba are ti otinako man te kaawa aei iai. E na toki te baa ao e na akea riki te karau te aiti, b'a ko aonga n ataia b'a bon ana b'ai te UEA te aonnaba.

Te Otinako 9:33

Ao e kiitana te uea Moote, ao e otinako man te kaawa are e buubura arei, ao e tabeki baina ni kauaai n tataro nakon te UEA. Ao e toki rebwen te baa, te karau te aiti, ao e toki te karau ni kabane.

Taeka n Rabakau 28:1

A biri nako aomata aika a buakaka ngkana bon akea ae e kakioia, ma a ninikoria kaanga te raian aomata akana a eti maiuia.

Mataio 4:2

ao E aki mamatam angaun te ngaina ao angaun te bong, ao rimwi E baki.

Mareko 1:13

ao E tiku ikekei n te maan ae abwi te bong ni kaririaki iai iroun Tatan; ao akea raona b'a ti maan aika aki manana; ao a akoia anera.

Ruka 4:2

Ao E tiku ikekei abwi te bong ni kaririaki iai iroun te riaboro. Akea te bae E kanna i nanoni boong akanne; ao ngke a bane boong akanne, ao E rotaki n te baki.

Te Tua-Kaua 10:10

Ao ngke I a tia ni uoti taiani kauoua n atiibu ni waerakea te maunga, ao I kabanea 40 te bong ma te ngaina ikekei, n aron are I karaoia naba ngkoa. Ao E a manga kaeka naba au tataro te UEA, ao E aki tiringingkami.

Te Tua-Kaua 5:31

ma ngkoe ko na okirai ikai. Ao ngkana I tia n tuangko Au tua ma Au reirei, ao ko na manga taekin nakoia aomata, b'a a aonga n ongotaeka nakon tuua aikai n te aba are I anganiia.

Te Tua-Kaua 9:18

Ao I bobaraaki n te tabo n taromauri, ao I tataro nakon te UEA, ao I aki am'am'arake ma ni mooi i nanon 40 te bong ao te ngaina. Kam a tia ni karaoa te bure ae rangi ni buakaka are karaoan te bouananti, ao E bon rangi n ribaa te b'ai are kam karaoia te UEA. Ao E rangi n maraki nanona n te aro are E na boni kamaunaingkami ni kabane n reitaki naba ma Aaron. Ma ngaia are, I tataro i bukimi, ao i bukin naba Aaron n aron are I karaoia naba ngkoa, ao E kaekai au tataro te UEA n te tai aei.

Te Tua-Kaua 9:25

Ao i mwiin karaoan te bouananti are tamnein te kao teteei, ao E taku te UEA b'a E na tiringingkami. Ma ngaia are, I bobaraaki i matan te Um'antabunrianna i nanon 40 te ngaina ma te tairiki.

Te Tua-Kaua 9:9

E riki naba i nanon 40 te bong ma te ngaina ngke I mena i aon te Maunga ma n aki am'am'arake ao n aki momooi. E tuangai b'a N na tam'arake b'a E na anganai taiani boraraoi ake E a tia ni karaoi ma ngaira. Ao taiani boraraoi aikai bon taian Tua ake 10 ake E a tia ni katanoatai nakoimi ngke E taetae nakoimi man te ai mai aon te maunga. E a tia te UEA ni koroi ni baina i aon 2 atiibu aika raababa. Ma i mwiin anganakiu atiibu akana 2,