Te Otinako 24:12 - Te B'aib'ara

¹² E taku te UEA nakon Moote, Tam'arake nako iu i aon te maunga ao ko na tiku ikai tabeua te tai. N na anganiko atiibu aika uoua ae I a tia ni koroi i aoia taian tua aika a riai n ongotaeka iai au aomata.”

Te Otinako 24:12 ပူးပေါင်းရင်းမြစ်များ

1.Uea 19:11

Ao E taku te UEA, “Ko na otinako, ao naako tei i aon te maunga. I tangiria b'a ko na noorai ngkana I rirarikim.” Ao e karina n roko te ang ae moan te korakora ni ioioa te maunga, ao ni katabwenabwenai taiani b'a. Ma E bon aki mena naba te UEA i nanon te ang ae moan te korakora. Ao i mwiina, e a manga roko te m'aeiei, ma e aki mena naba i nanon te m'aeiei.

Etira 7:10

E a tia Etira ni kabanea maiuna ni kamateb'aia, ao n ongotaeka n ana Tua te UEA ma n reireiniia tabem'aang iai.

Neemia 9:13

Ko ruorikaaki i Tinai mai karawa, ao Ko anganiia am aomata tuua ma reirei aika a raoiroi aika a boraoi ma n eti.

Neemia 9:14

Ko mwiokoia b'a a na karinea te Taabati ae e tabu, Ko reireina am toro are Moote b'a e na reireiniia am tua.

Taian Areru 19:12

Antai ae kona n nora oin ana kairua? Kamaiuai mani karaoani baika I aki atai b'a a buakaka!

Te Otinako 19:3

Ao e tam'arakea te maunga Moote b'a e na maroroo ma te Atua. Ao E wetea Moote te Atua man te maunga, ao E tuangnga b'a e na taetae nakoia Iteraera ni kaangai, aika kanoan Iakob'a:

Te Otinako 24:15

Ao ngke a tam'arakea te maunga are Tinai Moote, ao e rabunaki te maunga n te nang,

Te Otinako 24:18

Taraan mimitongin te UEA irouia aomata ti te bo taraana ma te ai ae urarake i taubukin te maunga.

Te Otinako 24:2

ma bon ti ngkoe ae ko na kaaniai. Akea riki temanna ae ko na kairiia ni waerake.”

Te Otinako 31:18

Ngke bane ana taeka te Atua nakon Moote i aon te Maunga are Tinai, ao E anganna taian atiibu aika uoua aika raababa aika E a tia ni korei i aoia ana tua ni kabane, n oin tabonibaina.

Te Otinako 32:1

Ao ngke a nooria aomata b'a e a rangi ni maan Moote i aon te maunga, ao a nako nakon Aaron ao a taku, “Karaoa taamnein antira are e na kairiira ma ni kaawakiniira. E kaotinakoira Moote mai Aikubita, ma bon akea temanna ae ataia b'a tera ae e a tia n riki nako ina.”

Te Otinako 34:1

E taku te UEA nakon Moote n te bong teuana, “Korei atiibu aika uoua aika a rabaaba n aron are te moan are I a tia ni karaoia, ao N na korei i aona taian tua aika ti te bo ma ake n te moan atibu, ake a tia n uruaki.

Ieremia 31:33

Bon aei te boraraoi ae e boou ae I a manga karaoia Ngai ae te UEA ma ngkami Iteraera: “N na korea Au tua i nanoia ma aia iango. N na riki b'a Atuaia, ao a na riki b'a Au aomata.

Mataio 5:19

Ma ngaia aei, b'a ane kamamaraaea m'aakan te Tua teuana ae maraurau riki i buakon tuua aikai, ao e reireiia aomata b'a e a toki manenana, ao e na atongaki b'a moan te mangori n Uean te Atua; ma ane tou mwin tuua aikai n reireiia aomata iai, ao e na atongaki b'a e kakannato n Uean te Atua.

2.I-Korinto 3:3

ao e teretere b'a bon ana reta Kristo ngkami, ae ti uotia, ae koreaki tiaki n te ingke, ma n Tamnein te Atua ae maiu; ae koreaki tiaki i aoni baaba aika atibu, ma i aoni baaba aika iriko aika nanomi.

2.I-Korinto 3:7

Ngkae e roko ma arona ni mimitong te Tua are uota te mate, ao a koreaki taekana i aoni baaba aika atibu n te aro are a aki kona iai tibun Iteraera n taraa ubuni Moote i bukin raneaneana, e boni ngae ngke e a tabe ni mauna raneaneana,

Te Tua-Kaua 4:14

E anganai te tua ma reirei aikai te UEA b'a kam na ongotaeka nako iai n te aba are kam na taua i maeaon te Karaanga are te Ioretan.

Te Tua-Kaua 5:22

E taetae te UEA nako ira ngkoa n te b'anaa ae korakora man te nang ae ura ngke ti bootaki i aon te maunga. E anganiira te UEA tuua aikai, ao bon ti aikai ao akea riki. Ao i mwiina, E koroi i aon atiibu aika uoua aika raababa ao E anganai.

Te Tua-Kaua 5:31

ma ngkoe ko na okirai ikai. Ao ngkana I tia n tuangko Au tua ma Au reirei, ao ko na manga taekin nakoia aomata, b'a a aonga n ongotaeka nakon tuua aikai n te aba are I anganiia.

Ebera 9:4

are kanoana te baonikarea ae te koora i bukini kabuokani karea aika boiarara, ma atin te berita are e kanim'aki te koora iai ni kabuta, are e mena i nanona te b'aati ae te koora are kanoana te manna, ma te kai are okon Aaron are a bwebwee baa ni kai maiai, ma baban te boraraoi ake atibu.