Te Otinako 24:10 - Te B'aib'ara

¹⁰ ao a noora Atuan Iteraera b'a a mena i aani waena te b'ai ae kaanga taraan te tabo ae kamatoaaki ae karaoaki n te tabeiro ao e raneanea kaanga karawa.

Te Otinako 24:10 ပူးပေါင်းရင်းမြစ်များ

Karikani B'aai 32:30

Ao e taku Iakob'a, “I a bon tia n noora te Atua n itaramata raoi ma Ngaia, ao I boni maiu naba.” Ma ngaia are, e arana te tabo arei b'a Beniera.

Karikani B'aai 32:31

Ao e a oti taai ngke e kiitana Beniera Iakob'a, ao e turatura i bukin tibanakon riin bebeena.

1.Uea 22:19

Ao e taku Mikaia: Ongora n te b'ai aei. Ao I noora naba te UEA b'a E tekateka i aon ana kaintokanuea ma b'aai ni kabane aika a maiu i karawa b'a a bootaki ni katobibia.

2.Rongorongo 6:17

I butiiko b'a ko na kaawakina am berita ae ko karaoia ngkoa nakon am toro are Tawita.

Te Otinako 24:11

E bon aki katuaaia taani kairiiri aikai te Atua e ngae ngke a nooria. Ma ngaia are, a am'arake ma ni mooi.

Te Otinako 3:6

Bon te Atua Ngai are I taataromauriaki irouia am bakatibu ake Aberaam, Itaaka, ao Iakob'a.” Ao e maaku Moote n taraa te Atua, ma ngaia are, e karabaa matana.

Te Otinako 33:20

ma N na bon aki kariaia b'a ko na noora matau, i bukina b'a e na bon mate ane e noora matau,

Te Otinako 33:23

Ao i mwiina, N na kanakoa baiu, ao ko na ti noora nuukau. Ko na aki noora matau.

Ana Anene Toromon 5:14

Anganibaina bon taiani m'aanga aika koora aika a rabunaki n taiani b'ai ni katamaroa; rab'atana bon koron te ereb'anti ae katamaroaaki n taian tabeiro.

Ana Anene Toromon 6:10

“Ko karineaki kaanga tanimainikun karawa n te ingabong ko mimitong kaanga nam'akaina are e katekei matara kaanga taai! A m'aaka riki am tabunea nakon taian itoi ni kabane aika i eta.”

B'aeb'aeti 4:7

A itiaki riki ara uea n aine nakon te tinoo. A ura ribaia n ai aron te ane, ao a takiakia ni maiureirei n ai aron te tabeiro.

Etekiera 1:1

Ni kanimauani bongin te kaaua n nam'akaina n te katenibwi n ririki, I maeka Ngai ae Etekiera ae te ibonga are natin Buti te m'aane, ma Iutaia ake taenikai i rarikin te Karaanga are Keeb'ara i B'aburon. E uki karawa, ao I noora ana kaotioti te Atua.

Etekiera 10:1

Ao I noora te b'ai are ai aron annang are e mena i aon maan ake iai baiia ni kiba, ao e mena i aona te kaintokanuea ae te tabeiro.

Taniera 10:17

Kaanga ai aron te toro ngai ae e tei i matan ana toka. N nang kanga n taetae nakoim? Bon akea nikiran korakorau ke ikeikeu i nanou.”

Warekaia Iteraera 12:8

E norai, ao n i taramata ma ngai, ao b'aai ni kabane ake I tuangnga a teretere raoi. Ao bon akea riaimi ni ngureakina Au tia m'akuri ae Moote.”

Mataio 17:2

A nora Iesu b'a e bitaki taraana, ao e oota moana n ai aron taai, ao a taraa ni mainaina n raneanea kunnikaina n ai aron te oota.

Ioane 1:18

Bon akea temanna ae e a tia n nora te Atua; te Nati are te rikitemanna, are memena i rarikin te Tama, boni Ngaia ae kaota raoi te Atua nakoia aomata.

Ioane 14:9

E taku Iesu nakoina, “Ai maanraa Ngai ni mena i rarikimi, ao ko tuai man ataai, Biribo? Ane e a tia n norai, ao e a tia naba n nora Tamau; e aera ngkai ko kaangai, ‘Kaota Tamam nako ira’?

Ioane 6:46

Tiaki nanona b'a iai ae e a tia n nora te Tama; ti Teuare mairoun te Atua ae E a tia n nora te Tama.

1.Timoteo 6:16

ae ti Ngaia ae aki mamate, ae maeka n te oota are aki konaaki ni kawaraki; akea te aomata ae e a tia n noria, ao akea ae kona n noria. Ana b'ai te karineaki ma te m'aaka ae aki totoki. Amen.

1.Ioane 4:12

Akea te aomata ae a tia n nora te Atua; ngkana ti i tangitangiri, ao E nim ma ngaira te Atua, ao e kakoroaki raoi tangirana i nanora.

Te Kaotioti 1:16

ao e tau itoi aika itiua i nanoni baina are ataina, ao e oti nako mai wina te kabaang ae kakang ae uaitera wina; ao taraan ubuna ai aron taai ae korakora riringana.

Te Kaotioti 21:11

ao raneaneana ai aron raneanean te atibu ae rangi ni kakawaki; kaanga ai aron te atibu are te iatebi, ae tara ni kiraati n ai aron te kirutitaro.

Te Kaotioti 4:3

Ao Teuare tekateka iai e kiakia nako mai Rouna te raneanea ae ai aron raneaneani matan atibu aika kakawaki are te iatebi ma te tarerio; ao e katobibia te kaintokanuea arei Nei Wirara, ae ai aroni matan te atibu ae te timaraketo taraana.