Te Otinako 24:1 - Te B'aib'ara

¹ E taku te UEA nakon Moote, “Nako mai nako iu i aon te maunga aei. Kaira Aaron, ao ai uana naba ma natina mm'aane ake uoman ake Nataba ao Abiu, ao itingaun mai buakoia taani kairiri aika Iteraera. A riai n taua raroaia ngkana a taromauriai,

Te Otinako 24:1 ပူးပေါင်းရင်းမြစ်များ

1.Rongorongo 6:3

Amram bon tamaia Aaron, Moote, ao Miriam. Iai natin Aaron m'aane aika aman: Nataba, Abiu, Ereata, ao Itama.

Te Otinako 1:5

Bootan te botannaomata aei ake a nako mairoun Iakob'a bon itingaun. E a kaman roko natina are Ioteb'a i Aikubita.

Te Otinako 19:20

Ao E ruona taubukin te maunga te UEA, ao E wetea Moote b'a e na tam'arake nako taubukin te maunga. Ao e tam'arake Moote

Te Otinako 19:24

Ao E taku te UEA, “Naako ruuo ni kairamai Aaron. Ma ibonga ma aomata a na aki ri aon te tia are e a tia ni koreaki nako Iu, b'a N na katuaaia ngkana a ri aona.”

Te Otinako 19:9

Ao E taku te UEA nakoni Moote, “N na kawariko n te nang ae matenten, b'a a aonga n ongo b'anaau aomata ngkana I taetae ma ngkoe, ao a na kakoauako man te tai aei, ao n taai nako.” Ao Moote e tuanga te UEA aia kaeka aomata,

Te Otinako 20:21

Ma a bon kararoaia nako aomata, ao bon ti Moote are nako ni kaaniia te nang are rotongitong are E mena iai te Atua.

Te Otinako 24:15

Ao ngke a tam'arakea te maunga are Tinai Moote, ao e rabunaki te maunga n te nang,

Te Otinako 24:2

ma bon ti ngkoe ae ko na kaaniai. Akea riki temanna ae ko na kairiia ni waerake.”

Te Otinako 24:9

Ao a kaai n tam'arakea te maunga Moote ao Aaron, ao ai uana naba ma Nataba ao Abiu ao taani kairiiri ake itingaun

Te Otinako 28:1

Wetea tarim are Aaron ma natina mm'aane are Nataba, Abiu, Ereata, ao Itamara. Bon ngaiia aika I a tia n rineia mai buakoia Iteraera b'a a na riki b'a au ibonga.

Te Otinako 3:5

Ao E kaeka te Atua, “Ko na aki rangi ni kaaniiko. Buuta am kauniwae mai waem b'a e tabu te tano ane ko tei i aona.

Te Otinako 34:2

Katauraoiko nakon te ingabong n te moaningabong b'a ko na tam'arakea te Maunga are Tinai ni kawarai i taubukina.

Te Otinako 6:23

E iein Aaron ma Nei Eriteba. Bon natin Amminataba te aine ao m'anen Nation; bon aman natiia mm'aane aika Nataba, Abiu, Ereata, ao Itama.

Etekiera 8:11

A tei ikekei itingaun taani kairiiri mai Iteraera, n reitaki ma Iaatania are natin Tiaban te m'aane. A bane taani kairiiri n taui b'ain kabuokan taiani b'ai ni kaboiarara n tatabemaniia nako, ao e onrake nanon te ruu arei n te boiarara.

Warekaia Iteraera 11:16

Ao E taku te UEA nakoni Moote: “Rineia 70 taani kairiri mai buakoia Iteraera, ao kairiia nakon te Um'antabunrianna

Ruka 10:1

I mwini baikekei, ao te Uea, E rineia riki itingaun, ao E kanakoia ni kakauomaniia, b'a na ri moana nakoni kaawa ma taabo ake E na kawari.

Ruka 10:17

A oki uake itingaun ma te kim'areirei, ao a taku, “Te Uea, a aantaeka naba i roura taimonio n aram!”

Te Tua-Kaua 1:15

Ao i mwiina, I anaia m'aane akanne, ao I rineia b'a ami tia kairiiri. Tabeman mai buakoia a riki b'a mataniwi n tautia i bukiia teuana tengaa te tautia, tabeman, i bukiia tebubua te tautia, tabeman, i bukiia nimangaun te tautia, ao tabeman, i bukiia tengaun te tautia.