Te Otinako 23:7 - Te B'aib'ara

⁷ Kam na aki anga te tuua ae e kairua nakoia aomata nako ke n anga motikan te aomata ae akea ana bure b'a e na tiringaki. N na bon aki kab'araa ami bure ngkana kam karaoa aei.

Te Otinako 23:7 ပူးပေါင်းရင်းမြစ်များ

Karikani B'aai 18:23

Ao Aberaam, e kawara te UEA ao e titirakinna ni kaangai, “E koaua b'a Ko nang bon kamaunaia aika raoiroi ma aika taani bure?

Iobi 22:23

Okira te Atua ma te nanorinano, ao katoki b'aai ni kabane aika buakaka ake a kakaraoaki i nanon am auti.

Taian Areru 119:29

Kawakinai mani b'ainan te maiu ni kewe, Ao nanoangaai n reireiai am Tua.

Taian Areru 94:21

Akana bootaki ni kario iango b'a a na kam'aruaia akana raoiroi, Ao a motiki taekaia akana aki bure b'a a na kamateaki.

Te Otinako 20:13

“Ko na aki tiriaomata.

Te Otinako 20:16

Ko na aki bukina temanna n te aro ni kewe.

Te Otinako 23:1

Kam na aki kabutanakoa te uarao ke ni buoka te aomata ae buakaka ni kaotioti i bukin ana kewe.

Te Otinako 34:7

I kakaawakina au berita nakoia au aomata n aki toki, ma I katuaaia aomata nako aika a bure. Ngkana a bure aomata, I katuaaia ma natiia, ao tibuia naba ma tibutoruia, ao tibutarataraia.”

Taeka n Rabakau 11:21

Kam boni konaa ni kakoauaa aei: A bane ni katuaaeaki aomata aika kewetaia, ma a aki katuaaeaki ana aomata te Atua.

Taeka n Rabakau 17:15

E aki tangiria aika a kamaiuia taani bure te UEA ke ni kabuakakaia aika akea aia bure.

Itaia 33:15

Ma e na iai kaniwangaia aika a eti maiuia ma n tataekina te koaua, i bukiia aomata ake a rawa n anaa te m'ane n te matoa ke a rawa ni butim'aea te baabakanikawai, ao nakoia ni kabane ake a ribaa te tiriaomata ao taian m'akuri ni kakeru.

Itaia 5:20

Kam kakaaea te kangaanga! Kam taekina te bure b'a te eti, te roo b'a te oota, ao te maai b'a te karewerewe.

Nakoaia Ibonga 19:11

Tai iraa, tai kewe, ao tai kam'aneia raomi.

Nakoaia Ibonga 19:16

Tai riki b'a te tia wiwinanti, ao tai tatab'ara n taetae n te kabowi, ti ngkana e na boni maiu temanna n am kaotioti.

Naum 1:3

E aki kakaiun te UEA, ao E m'aaka ao E aki toki ni katuaaia taani bure. E tei te angibuaka n te tabo are E nakonako iai te UEA; bubun waena taian nang!

Ruka 3:14

A titirakinna naba tautia ni kangai, “Ao ngaira, tera ae ti na karaoia?” Ao e taku Ioane nako ia, “Kam na aki anaa ana m'ane te aomata n te aro n iowawa ke n te aro ni bukibuki ni kewe, ma a na rau nanomi ni boomi n ami m'akuri.”

I-Rom 1:18

B'a e kaotaki unin te Atua mai karawa nakoia aomata ake a tia ni kakaraoa te bure, ma te aro n iowawa; ao i bukin aroia aika bubuaka n tukiia aomata man atan te koaua.

I-Ebeto 4:25

Ma ngaia ae kam na kaaki te kewekewe, ao kam na atoatonga te koaua n tatabemaningkami nako nakoia raomi n onimaki, ngkai b'ain rab'atani Kristo ngaira n tatabemaniira nako.

Te Tua-Kaua 25:1

Ngkana ko i bukibuki ma te aomata temanna n te bowi, ao ko kuneaki irouia taani moti b'a ko reke n te bure, ao ngkana tuuam te kataereaki n te kainikataere, ao e na tuangko temanna te tia moti b'a ko na wene, ao ko na anganaki kaim n aron are e bon riai n reke iroum.

1.I-Tetaronike 5:22

ao kam na rawa nakoni karaoan te buakaka ni kabane.