Te Otinako 23:31 - Te B'aib'ara

³¹ N na nooria raoi b'a e roko tian abami n Taari are Uraura nakon te Karaanga are Iuberetiti nakon Taari are te Mereterenian n toki n te rereua. N na karaoiko b'a ko na konaiia aomata ake a maekana ikekei, ao ko na kakioia nako.

Te Otinako 23:31 ပူးပေါင်းရင်းမြစ်များ

Karikani B'aai 15:18

Ao E a karaoa ana berita te UEA n te tabo aei ma Aberam, ao E taku, “I berita b'a N na anganiia kanoam te aba aei ni kabane ni moa man tian Aikubita nakon te karaanga are Iuberetiti,

1.Uea 11:2

Ma ngaia are, E a tia ni kauringiia b'a a na aki iein ma aine aika tiaki Iteraera. Ao e tangira buuna Toromon are natin uean Aikubita. Ma e tangiriia naba aine tabem'aang mai Moaaba, Ammon, ao Etom, ao tabeman mai Titon ao man abaia kaain Eta.

1.Uea 20:13

Ao ni bon te tai naba arei ao e biri rake te burabeti nakon Aaba ao e taku, “I nooria b'a e rangi ni korakora ana taanga ni buaka Benatata. Ma E a tia te UEA ni berita b'a E na buokiko ni kataenikaiia n te bong aei. Ao ko na ataia ikanne b'a E bon baairei b'aai ni kabane te UEA.”

1.Uea 4:21

E bane n tautaekan aaba nako Toromon ake a mena i marenan te karaanga are Iuberetiti ao abaia kaain Biritia rikaaki ni karokoa Aikubita. A bane abanuea aikai ni kaakab'aka te taekiti ni kabane i nanon ana bongi ni maiu Toromon.

1.Uea 4:24

E tautaekana te aono are i maeaon te karaanga are te Iuberetiti te uea are Toromon, ni moa mai Tibeta nako Kaata, ao e raoi ma aaba ni kabane.

1.Uea 8:65

Ao e karaoa aia bootaki ae e buubura Toromon ma aomata ni bukamarua te Toa ae M'anganikaai i nanon te Tembora itiua te bong. Ao a roko aomata man taabo aika a raroa; mani karaangan Aikubita ae uarereke i maiaki ao mai Rebo Amata i meang.

2.Rongorongo 9:26

E tautaekaniia botannaomata nako man te Karaanga are Iuberetiti i meang nakon abaia kaain Biritia i maiaki, ni karokoa tian aban Aikubita.

Taian Areru 72:8

E na raababa nako ueana nakon tokin tiani marawa, ao man te karaanga are te Iuberetiti nakon tokin tabon aonnaba.

Warekaia Iteraera 21:34

Ao E taku te UEA nakoni Moote, “Ko na aki maaka Oka, N na buokiko b'a ko na konaa ma ana taanga ni buaka, n ai aron naba are ko karaoia nako te uea are Taion, are e tautaeka i Etibon. Ko na b'aina aban Oka.”

Warekaia Iteraera 34:2

b'a e na tuangiia Iteraera aron abaia:

Te Tua-Kaua 1:7

Kam na kiitana ikai nako abaia kaain Amora ma kaain rarikiia ake kaain Kanaan. A reke i nanon te aba aei aaba aika M'aruan te Karaanga are te Ioretan, te aba are e tabukibuki, aaba ake a rinano ake i maeao, Rereuan Maiaki, mataniwiin Taari are te Mereterenian, Maungan Reb'anon, ao aaba ni kabane ni karokoa te Karaanga are te Iuberetiti.

Te Tua-Kaua 1:8

I anganingkami ngkai te aba aei n aron are I a tia ni berita iai nakoia ami bakatibu ake Aberaam, Itaaka, ao Iakob'a. Kam na nako ngkai n taua te aba.’ ”

Te Tua-Kaua 11:24

Kam na taui aaba n taabo nako ike kam nako iai, ni moa man Rereuan Maiaki, ni karokoa Maungan Reb'anon, ao man te Karaanga are Iuberetiti ni karokoa Taari are te Mereterenian.

Te Tua-Kaua 2:33

ao E buokiira te UEA ae Atuara ni kataenikaiia. Ti tiringa Taion, ma natina m'aane, ao kaain ana taanga ni buaka ni kabane.

Te Tua-Kaua 2:36

Ao E buokiira naba te UEA n taui kaawa ni kabane ni moa man te M'arua are te Arenon nako iaang nakon tian Kireata, n reitaki naba ma te kaawa are Aroera are i mataniwiin te m'arua, ao te kaawa are i nuukan te m'arua.

Te Tua-Kaua 20:16

Ngkana kam taua naba taiani kaawa ake E anganingkami te UEA ae Atuami, ao kam na riai ni kakoauaa b'a kam na tiringiia aomata ma man aika kawakawa ni kabane.

Te Tua-Kaua 3:2

Ma E taku te UEA nako iu, “Moote, ko na aki maaka te uea are Oka. N na buokiko ni kataenikaia ma ana taanga ni buaka ma n taua abana. Tiringiia ma ana aomata, n aron are ko karaoia ngkoa nakon uean Amora are Taion are maeka i Etibon.”

Te Tua-Kaua 9:3

Ma E a tia ni berita te UEA ae Atuami b'a E na ririmoami, kaanga ai aron te ai ae kabuebue ae kabueki b'aai ni kabane mai m'aaini kawaimi. Ma ngaia are, ngkana kam buakaniia ami kairiribai, ao e na bon rangi ni bebete iroumi ngkana kam tiringiia man taua te aba.

Iotua 1:4

Tian abami mai maiaki, te rereua, ao mai meang, maungan Reb'anon, ao mai mainiku, te karaanga are Iuberetiti, ao mai maeao, e biri ni wairio man te karaanga are Iuberetiti ri nanon abaia kaain Eta n toki n taari are te Mereterenian.

Iotua 10:19

Ao nikirami kam na nako n reitanako kakioaia taian Amoraite b'a a na aki manga reke aia tai n okira aia kaawa. E a tia n anganingkami te UEA ae Atuami te tokanikai i aoia.”

Iotua 10:8

E taku te UEA nakon Iotua, “Tai maakuia I a tia n anganingkami te tokanikai i aoia. Bon akea temanna mai i buakoia ae e na konaa ni kaaitarai ngkami.”

Iotua 13:6

Ni ikotaki naba ma abaia I-Titon ake a tuai reke naba i roumi ake a maeka n aaba ake tabukibuki, i marenan maungan Reb'anon ma Metirebotamaim. N na bane ni kakioia nako aomata aikai mai i m'aaia aomatan Iteraera ngkana a roko ni buakaniia. Ko na tib'aa te aba i aoia aomatan Iteraera, n ai aron Au mwioko ngkoa nakoim.

Iotua 2:24

ao a kaangai, “Ti kakoauaa b'a E a tia n anganiira te aba arei te UEA ni kabane, b'a a bane ni makuira kain te tabo arei.”

Iotua 21:44

E anga te rau te UEA nakoia ni kabutaa aonteaba n ai aron are e a tia ni berita iai nakoia aia bakatibu. Bon akea riki ana kairiribai Iteraera ae kona ni manga eekaanako Iteraera b'a E angaanga te tokanikai te UEA nakoia Iteraera i aoia aia kairiribai ni kabane.

Iotua 23:14

Ao ngkai e a bon roko au tai ni mate. Ao kam bon bane n ataia i nanomi ao n tamneimi b'a E a tia te UEA ae Atuami n anganingkami ni kabane baika E berita b'a E na anganingkami aika a raraoi. A bane n tia ni koro bukin Ana berita, ao bon akea teuana ae aki kakoroa bukina.

Iotua 24:11

Kam ri aon te Ioretan ao kam roko i Ieriko ao a buakani ngkami aomatan Ieriko ma taian Amoraite, ma Beritaite ma aomatan Kanaan ma aomatan Eta ma taian Kirekataite, ma Iwaite ma aomatan Iebuti, ma kam konaia ni kabane i bukina b'a I anganingkami te tokanikai i aoia.

Iotua 24:12

Ngke kam roko b'a kam na buakaniia uean Amoraite ake uoman, ao bon akea bonganan ami kainikatebe ma ami kabaang i bukina ngke I a kaman karina te maaku i nanoia ao I kakioia nako mai m'aaimi.

Iotua 24:18

Ao ngke ti niniia te aba, ao E kakioia nako taian Amoraite mai m'aaira ake a maeka ngkoa ikai. Ma ngaia are ti bon riai ni beku i bukin te UEA b'a bon ti Ngaia Atuara.”

Iotua 24:8

ao i mwiina I a manga uotingkami nako abaia aomatan Amoraite ake a maeka i mainikun te Ioretan. A buakani ngkami ma I anganingkami te tokanikai i aoia. Kam taua abaia ao I kamaunaia mai m'aaimi.

Iotua 8:18

Ao e taku te UEA nakon Iotua, “Kotea Ai n tabon am kainiwai; b'a I a anga nako nanon baim.” Ao e karaoa are e tuangaki Iotua.

Iotua 8:7

Ao kam na kawaekoai ngkami n otinako man te tabo are kam karabai ngkami iai ao kam na niniia te kaawa ma n taua. E na anga te kaawa te UEA ae Atuara nako nanoni baimi.

Iotua 9:7

Ao a kaangai aomatan Iteraera nakoia, “E aera ngkai ti na boraraoakina te raoi ma ngkami, e na mena ngkoa ao ngaia kam bon maeka ni kaan ma ngaira!”

Tani Motiki-taeka 1:4

Ao a uaia ni buakaniia tautian Kanaan, ao kaain Beriti i Beteka aika 10,000 m'aitiia. Ao E buokiia kaain Iuta te UEA ni kataenikaiia ao a kunea te tabo ike e mena iai uean Beteka tautian Iuta, ao a buakaniia ikekei.

Tani Motiki-taeka 11:21

Ma E buokiia Iteraera te UEA ni kataenikaia Taion ma ana taanga ni buaka. Ao a bane n reke abaia kaain Amora ake a maeka iai ana aomata Taion irouia Iteraera,

1.Tamuera 23:4

Ma ngaia are, e a manga titirakina riki te UEA, ao E taku te UEA nakoina, “Ko na nako ni buakaniia kaain Biritia i Keira, b'a N na anganingkami te tokanikai i aoia kaain Biritia.”