Te Otinako 23:26 - Te B'aib'ara

²⁶ A na kariki buumi ni bungiia natiia aika a marurung, ao a na bane n anaanau maiuia aomata ni kabane.

Te Otinako 23:26 ပူးပေါင်းရင်းမြစ်များ

Karikani B'aai 25:8

b'a ai 175 ana ririki ni maiu.

Karikani B'aai 35:29

ao e a mate ngke e a bon rangi ni kara, ao a taunna natina ake Etau ma Iakob'a.

1.Rongorongo 23:1

E a bon kara Tawita ngke e rinea natina te m'aane are Toromon b'a e na uea i aon Iteraera.

Iobi 21:10

A bung aia nanai ni man, ao akea te kabuanib'ai nako ia natiia.

Iobi 42:17

ao i mwiina, e a mate ngke e a bon rangi ni kara.

Iobi 5:26

Kaanga ai aron te uita ae tai raoi n tain te tai, ao ai arom naba b'a ane ko na maiu ni karokoa rokom raoi n am bong ni kara.

Taian Areru 107:38

E kakab'aiaia ana Aomata ni kabatiai natiia; Ao E kawakinia aia kao b'a a na aki kerikaki m'aitiia.

Taian Areru 144:13

A bia onrake ara ookai n uaanikai n aekaia nako. A bia bungiia natiia aika ngaa ma ngaa ara tiibu aika mena i aon abara.

Taian Areru 55:23

Ma Ngkoe, te Atua, Ko na kariniia taan tiritiri ma taani b'anga ni kewe ruanimateia i m'ain banen iteran aia bongi ni maiu. Ao ngai N na onimakiniko.

Taian Areru 90:10

Ti itibwi ana ririki ni maiu te aomata, ke tao wanibwi i bukin te matoa ni mauri; Ma iriaia ti te rawaawata ma te aki rau; a kai toki maiura, ti kai nako.

Itaia 65:20

Akea ae e na mate i nanon uarerekena, ao aomata ni kabane a na ab'ab'aki maiuia. Akana tebubua aia ririki a na atongaki b'a merimeri. Ngkana iai aika a mate i m'ain karaiia a na atongaki b'a I katuaaia.

Otea 9:14

Ara UEA, karaoa te b'ai teuana i bukiia am aomata karaoia aia aine b'a a na aki konaa ni karikiia natiia ke ni kaawakiniia natiia.

Te Tua-Kaua 28:4

A na reke natimi aika bati. A na m'aiti uaan arokami n tain te tai, ao a na m'aiti naba buniia ami nanai n tiibu, nanai ni kao, ao ami nanai ni kooti.

Te Tua-Kaua 4:40

I kab'arab'arai ana Tua ma ana Reirei. Ao ngkana kam ongotaeka nako iai, ao a na ab'ab'aki maiuia kanoami, ao a na teimatoa ni maekana te aba are anganingkami te UEA.

Te Tua-Kaua 7:14

E na kakab'aiaingkami riki te Atua nakoia botannaomata tabeua--a na rikirake ami utu, ao a na rikirake ni m'aiti ami nanai ni man.