Te Otinako 23:25 - Te B'aib'ara

²⁵ Kam na ti taromauriai, Ngai ae te UEA ae Atuami! N na kakab'aiai ngkami n taian am'arake ao te ran ao N na kakorakorai ngkami.

Te Otinako 23:25 ပူးပေါင်းရင်းမြစ်များ

Taian Areru 103:3

E kab'arai am bure ni kabane; ao E kamaiuko man aorakim ni kabane.

Te Otinako 15:26

Ao E taku, “Ngkana kam na ongotaeka i Rou ni karaoi b'aai ni kabane ake I taku b'a a raoiroi, ao ni kaawakin au babaire, ao N na bon aki katuaaingkami n taian aoraki ake I karokoi ngkoa i aoia kaain Aikubita. Bon te UEA Ngai ae I kamaiungkami.”

Te Minita 5:20

E na kateimatoa kukureim ae moan te bati te Atua, n te aro are ko na m'aninga iai raraoman nanom ni boong nako.

Itaia 33:16

A na maeka n taian nono aika a mena i aoni b'aa aika a rietaata, ao a na kang am'arake ao nimaia te ran.

Itaia 33:24

Ane e na kab'arai ami bure te UEA ao ane a na akea mai buakomi ae e na kaangai, “Kaanga I aoraki.”

Ieremia 8:2

ake a tangiria n taromauria taai, nam'akaina, ao taian itoi. Ane a na maenako taian rii aikai ao a na tiku n raea i aontano kaanga te mwi, ike e konaa n oota taai ma nam'akaina ao taian itoi i aoia.

Taniera 1:15

Ao ngke e a roko te bong arei, ao a taraa ni marurung riki nakoia ake a am'am'arake n am'araken te bareti.

Nakoaia Ibonga 11:44

I tabu Ngai ae te UEA ae Atuami. Ma ngaia are, kam riai n tabuingkami naba.

Nakoaia Ibonga 26:3

Kakaonimaki ongotaeka nakon au tua nako,

Maraki 3:10

Bon te UEA Ngai ae Moan te M'aaka, ae I kaewenakoingkami b'a kam na kataai. Uoti mai ni kabane taiani kabwianib'ai nakon te auti n am'arake, b'a e aonga n reke te am'arake n au auti. Ao i mwiina, N na kauki wintoon karawa ma ni kaonrakeingkami n te kab'aia teuana ma teuana.

Mataio 4:10

E taku ngkanne Iesu nako ina, “Naako akuu, Tatan! B'a e koreaki ae kangai, ‘Ko na taromauria te UEA ae Atuam, ao ko na toro i Rouna n ti Ngaia!’ ”

Te Tua-Kaua 10:12

Kaain Iteraera, tera te b'ai ae tangiria te UEA mairoumi? E tangiria te UEA b'a kam na karinea ma n iria, ao n tangiria ma ni m'akuri i bukina ma nanomi ao tamneimi ni kabane,

Te Tua-Kaua 10:20

Karinea te UEA ae Atuami, m'akuri i bukina, ao kam na berita n arana n ti Ngaia.

Te Tua-Kaua 13:4

Kam na riai n ongotaeka raoi nakon te UEA. Taromauria te UEA n ti Ngaia, ao karaoa aei ma te maaku ao te ruru,

Te Tua-Kaua 6:13

Taromauriia, ao ongotaeka iroun te UEA ae Atuami ma te maaku ao te ruru, ao berita b'a kam na kakaonimaki nakoina.

Te Tua-Kaua 7:13

E na tangiringkami te UEA ma ni kakab'aiaingkami n anganingkami natimi, kanami, ami wain, ao b'aan te oriwa aika m'aiti. A na kariki buniia aika bati ami kao, ao ami nanai n tiibu ana karikiia tiibu teteei aikai bati naba.

Te Tua-Kaua 7:15

E na aki manga ituaki n taian aoraki ake kam taonaki iai ngkoa n tabetai i Aikubita. Kam na marurung raoi, ao E na kaorakiia ami kairiribai te UEA n taian aoraki.

Iotua 22:5

Kam na riai ni kaawakin ana tua Moote ake e anganingkami are kaangai, Tangira te UEA ae Atuam, karaoa nanona, ongotaeka nakon ana mwioko, kakaonimaki nakoina, ao m'akuri i rouna ma nanom ao tamneim ni kabane.”

Iotua 24:21

Ao a taku aomata nakon Iotua, “Tiaki taromauriia anti tabem'aang ma ti na taromauriia te UEA n ti ngaia.”

Iotua 24:24

Ao a kaeka aomata nako Iotua, “Ti na taromauriia te UEA ae Atuara, ao ti na ongotaeka i rouna.”

1.Tamuera 12:20

Ao e taku Tamuera: E ngae ngke kam a tia ni karaoa te bure ma kam na aki maaku. Ma kam na ti iriira nanon te UEA n taai nako ao kam na taromauriia ma nanomi ni kabane.

1.Tamuera 12:24

Kam na riai n ongotaeka iroun te UEA Kam na riai n taromauriia ma nanomi ni kabane, ao uringi b'aai ni kabane aika ab'ab'aki ake E a tia ni karaoi i bukimi.

1.Tamuera 7:3

Ao n te bong teuana, ao e tuangiia Iteraera Tamuera ni kaangai, “Ngkana kam bon kan rairaki nakon te UEA, ao kam na anganai kakoauaana, b'a kam na kanakoi atuaia ianena, ni ikotaki naba ma te atua te aine are Nei Atiterota. Rairaki nakon te UEA ma nanomi ni kabane ao taromauriia n ti Ngaia. Ao ane na kamaiungkami mairouia kaain Biritia.”