Te Otinako 23:24 - Te B'aib'ara

²⁴ Kam na aki taromauri antiia ke ni kakairi n aia katei. Ma, kam na kamaunai aia bouannanti ma ni kamaenikuni aia atiibu ake taian banna.

Te Otinako 23:24 ပူးပေါင်းရင်းမြစ်များ

2.Uea 17:11

A anga taiani karea n taiani baangota n aron are a kakaraoia ngkoa botannaomata ake ianena i m'aain kakionakoaia mai Iteraera iroun te UEA. A karaoi buure aika a rangi ni buakaka n te aro are E a rangi n un iai te UEA.

2.Uea 17:8

ma ni katotoonga kateia botannaomata ake E kanakoia ngkoa te UEA mai Iteraera, ao kaanga ai aron aia bure uean Iteraera.

2.Uea 18:4

E urui taiani baangota, ao i mwiina, e kamaaei bannaia anti ianena, ao e korouaa te boua ae tabu are b'ain taromaurian Nei Aatera. E urubekea naba te naeta te buraati are e karaoia ngkoa Moote. A aranna aomata b'a Neutitan ao a tia n angaanga karea nako ina.

2.Uea 3:2

ao e aki ongotaeka iroun te UEA ni karaoi m'akuri aika a bure. E uruaka te atiibu are te bouananti are e karaoia tamana ngkoa i bukin karineani B'aara, ma ngaia are, e aki rangi ni bure n aroia ana karo.

2.Rongorongo 14:2

E ongotaeka Ata iroun te UEA are Atuana ao e kakaraoa ae e eti.

2.Rongorongo 25:14

I mwiin konaakiia kaain ana taanga ni buaka Etom iroun Amatia, ao e a okirikaaki nako Ierutarem. E uoti rikaaki bouanantin antiia kaain Etom ao e a manga katei. Ao i mwiina, e bobaraaki ao e anga ana karea nakoia.

2.Rongorongo 33:2

E aki ongotaeka Manate iroun te UEA ngke e katotoongi kateia botannaomata ake e kakioia nako te UEA mai aon Iteraera.

2.Rongorongo 33:9

Ma a ongo kaain Iuta ma Ierutarem iroun Manate ao a karaoi riki taian bure aika a rangi ni buakaka nakon are a karaoia taiani botannaomata ake e kakioia nako ngkoa te UEA.

Taian Areru 101:3

Akea te bae buakaka ae N na noria; I ribaai aia m'akuri aomata akana rairaki nako mairoun te Atua; N na aki reitaki ma ngaiia.

Te Otinako 20:3

Tai manga taromauria te atua riki temanna b'a ti Ngai.

Te Otinako 20:5

Kam na aki bobaraaki nakoia bouannanti; ke n taromauriia, b'a bon te UEA ae Atuami Ngai, ae I taua ni nne i roumi. I katuaaia naba te koraki ake a ribaai ni karokoa naba kanoaia rikaaki, nakon te katenroro ao te kaaroro.

Te Otinako 23:13

Ma kakoauaa raoi b'a kam ongotaeka nakoni b'aai nako aika I a tia n taekin. Kam na aki tataro nakoia anti tabem'aang ke n atong araia.

Te Otinako 23:32

Ma kam na aki karaoa te boraraoi teuana ma ngaiia ke ma antiia.

Te Otinako 23:33

Kam na aki katikuia i abami. B'a ane ana kam'aneingkami iai ni karaoi buure aika a kaitaraai ao kam na taromauriia antiia iai.

Te Otinako 32:20

E karikia b'a te ran te bouannanti are a tia ni karaoia aomata, ao e kamantia ni kab'auta. E kaaki i nanon nimaia b'a a na nimma, ao a nimma.

Etekiera 16:47

Ko katotoongi maiuia ao kateia aika a buakaka, ao n te tai ae e waekoa ko a manga rangi n ribaaki riki nakoia.

Otea 10:2

Ko kam'am'ane ao ko aki kakaonimaki. Ma ngaia are, ko na anganaki boon am bure nako, i bukina b'a E na urua am baonikarea ao am banna te UEA.

Nakoaia Ibonga 18:3

Kam na aki karaoi baika kakaraoaki irouia kaain Aikubita, are kam mena i rarikiia ngkoa, ke kaain te aba ae Kanaan, ae I a uotingkami ngkai nako iai.

Nakoaia Ibonga 26:1

E taku te UEA, “Boni Ngai te UEA ae Atuami. Ma ngaia are, tai karaoa ke n taromauria te bouannanti teuana ke katotoongan b'aai tabeua.

Warekaia Iteraera 25:2

Ao a kaoiia mm'aanen Iteraera aine aikai nakon taian botaki ike e anga te aba iai taiani karea nakon antiia. Ao a kang taian iriko mm'aane ake a reke man taiani karea, ao a taromauri antin Moaba.

Warekaia Iteraera 33:52

ao kam na kakioia nako aomata ake a maeka ikekei. Kamaunai aia bouananti, ao urui aia baonikarea.

Te Tua-Kaua 12:3

Kam na urui aia baonikarea, aia nikawewe, ao kabuoki aia baangota ake a kabonganaaki i bukin taromaurian te anti te aine are Nei Aatera, ao urui aia bouananti. Urui aia tabo n taromauri ni kamaunanakoi b'a a aonga ni m'anuokinaki taekaia.

Te Tua-Kaua 7:5

Ma ngaia are, ngkana kam kataenikaiia botannaomata aikai, kam na urui aia baonikarea are a taromauriia iai atuaia. Urui aia baangota, ao kab'akai taiani atiibu ake a tataromauri atuaia te aine are Nei Aatera, ao karenakoi aia bouananti nako nanon te ai.