Te Otinako 23:2 - Te B'aib'ara

² Tataekina te koaua n taai nako i nanon tain te kabowi, e ngae ngkana a bane aomata n karaoa te raoiroi ao n tei ni kawain te motikitaeka ae eti.

Te Otinako 23:2 ပူးပေါင်းရင်းမြစ်များ

Karikani B'aai 19:4

Ao i m'ain matuia ana iruwa akekei, ao e a katobibiaki aia auti irouia m'anen Tootom, a bane n roko aika ikawai ma te roronrikirake,

Karikani B'aai 6:12

Ao E tarataraa te aonnaba te Atua, ao E nooria b'a e a rangi ni buakaka, b'a a bane ni maiuakina te maiu ae buakaka aomata ni kabane.

Karikani B'aai 7:1

Ao E taku te UEA nakon Nooa, “Riin i nanon te kaibuke ma am utu ni kabane; bon ti ngkoe ae ko kaakaraoa te raoiroi n te aonnaba aei.

1.Uea 19:10

Ao e taku Eria, “Te UEA ae Moan te M'aaka, I aki toki ni kakabanea korakorau n ongongotaeka iroum. Ma a tia am Aomata n urui aia berita nakoim. A tia n urui am Baonikarea ao a tiringiia am Buraabeti, ao bon ti nikiraia ngai. Ao ngkai ae a boni kataia naba ni kan tiringai.”

Iobi 31:34

I aki tabe ni baika a na taekin aomata; I tuai naba mani kaina wiiu n taetaekinan te koaua, ao I aki naba titiku n te auti i bukin maakakin aia b'ab'ainingare.

Taian Areru 72:2

B'a e aonga n tautaekaniia am Botannaomata n te eti, Ao n tau aroia am Aomata akana b'ainikirinaki n te babaire ae raoiroi.

Taeka n Rabakau 1:15

Ko na aki iririia aekaki n aomata akanne ke ni karaoi baika a karaoi.

Taeka n Rabakau 18:5

Bon te kaairua ngkana kam nanona te tia bure ao n totokoa te motikitaeka ae e eti nakon te aomata ae akea ana bure.

Taeka n Rabakau 4:14

Ko na aki katotoong maiu aika a buakaka mairouia aomata aika a iowawa.

Ieremia 37:15

Ao a bononnanoai ao a anga ngai b'a N na oreaki ao a kainai i nanon ana auti Ionatan, are te tia koroboki n te bowi ni kaburebure, are e a tia ni karaoaki ana auti b'a te karabuuti.

Ieremia 37:21

Ao e anga ngai te uea are Tetekia b'a N na kainaki n te karabuuti n aia katawanang taan tei n te bareti. E tuangiia tautia b'a a na angaanganai te kariki mai buakon ake a kam'aaki ni katoa bong ni karokoa banen te uita man te kaawa.

Ieremia 38:9

Te uea ae ko karineaki, bon te burabeti Ieremia, ao a karaoa ae e aki raoiroi mm'aane aikai nakoina ngkai a karenakoa nakon te m'anib'a. Ao e na bon mate i nanona ikekei Ieremia ngkana e a bane te am'arake mai Ierutarem.”

Etekiera 9:9

Ao E kaeka te UEA ni kaangai, “A tia Iteraera ma Iuta ni karaoi b'aai aika a rangi ni kakamaaku. E a onrake abaia irouia taan tiriaomata, ao e a onrake Ierutarem n te tiritiri. A taku b'a I a tia ni kiitaniia, ao I aki konaa n noori b'aai ake a tia ni karaoi.”

Nakoaia Ibonga 19:15

Karaoa te eti n taai nako, e aki akaaka b'a antai ane e motikaki taekana tai i nanonano i bukina b'a tao te aki kaub'ai ke tao te kaub'ai.

Akai 1:4

Ma e bon eti b'a ko na maeka n te auti ae e boobuaka,

Mareko 15:15

E kani kakukurei nanoia aomata Birato, ma ngaia are e kab'ara B'arab'a i bukiia; ao ngke E a tia ni kataereaki Iesu, ao e anga b'a E na kamateaki i aon te kaibangaki.

Ruka 23:51

ao e aki bobonnano ma kaain te Tanirim n aia babaire ao n aia m'akuri, ao e kakantaninga rokon Uean te Atua.

M'akuri 24:27

Ngke a bane uoua te ririki ao e oneaki mwini Berika irouni Borekio Beteto. E kani karekea taekana ae e raoiroi Berika irouia I-Iutaia, ma ngaia are e katuka B'auro i nanon te karabuuti.

M'akuri 25:9

E kan tangiraki Beteto irouia I-Iutaia, ma ngaia are e taku nakoni B'auro, “Ko kan nako Ierutarem b'a N na motika taekam iai i bukini bukinam aikai?”

I-Rom 1:32

A bon ata ana taeka te Atua ae kaangai, A riai mateia akana karaoi baikai. A aki ti kakaraoi baikai, ma a boni kaoti naba nanoia aika kukurei ngkana a karaoaki baikai irouia tem'angina.

Te Tua-Kaua 1:17

Kam na katitebooi naba ami babaaire nakoia aomata aika mangori ma aika korakora. Kam na aki maaka te aomata temanna. E aoria ngkana iai ae kakannato ae e kaoti n te bowi. E na buokingkami n anganingkami mooti aika raoiroi te Atua. Ngkana e rangi ni matoatoa te tangitang nakoimi, ao kam na uotia nako iu b'a N na baaireia.”

Te Tua-Kaua 24:17

Kam na riai ni kakoauaa b'a kam bon kakaraoa ae raoiroi nakoia ataei aika akea aia karo, ao iruwa. Ngkana kam anga te m'ane nakon te aine ae mate buuna, man taua ana b'ai teuana b'a kakoauaan ana taarau are riai ni kab'ara, ao kam na aki ana teuana man ana kunnikai.

Iotua 24:15

Ngkana kam aki kan toro i rouna, ao kam na motika nanomi n te bong aei b'a antai ae kam na toro i rouna, antiia ami bakatibu ake i Metobotamia, ke antiia taian Amoraite ae kam maeka i abaia ngkai. B'a ngai ma au utu ti na toro iroun te UEA.”

1.Tamuera 15:24

Ao e kariaia burena Tauro, ao e taku, “I a tia ni bure. I aki ongotaeka i roum ao i roun te UEA b'a I maaka te taanga ni buaka, ao I ira nanoia.

1.Tamuera 15:9

Ao Tauro ma ana taanga ni buaka a kamaiua Akaaka, ao kamaiuia naba taian tiibu ma taiani kao aika rangi n raoiroi. A bon aki kan kamaunai b'aai aika manena, ma ngaia are, a tiringi naba maan aika akea bonganaia, ao aika mamaara.