Te Otinako 23:18 - Te B'aib'ara

¹⁸ Kam na aki anga te kariki ae itinaki ngkana kam kareana te man nako iu. Ao kam na kakoaua raoi b'a e na bue raoi nenean te man n te bong naba anne.

Te Otinako 23:18 ပူးပေါင်းရင်းမြစ်များ

Te Otinako 12:10

Akea teutana ae kam na kanikiranaa nakon te moaningabong; ngkana iai nikirana, ao e na riai ni kabuokaki.

Te Otinako 12:15

E taku te UEA, “Kam na aki kana te kariki ae karikaki i nanon itiua te bong—Kam na tii kana are aki karikaki. Ao n te moani bong kam na kanakoi taian iti man ami auti nako, b'a ngkana iai ane e kana te kariki ae karikaki i nanon boong akana itibong akanne, ao e na aki atongaki b'a au aomata.

Te Otinako 12:8

E na riai n umunaki te iriko ni man, ao e na kanaki ikekei n tannaaki ma aroka aika mao ao kariki aika aki renganaki ma te iti.

Te Otinako 16:19

Ao e taku Moote nako ia, “Akea ae na katuka teutana nakon te ingabong.”

Te Otinako 29:34

Ngkana arona b'a iai nikiran te am'arake are e tabu ae e tiku nakon te moaningabong are i mwiina, e na riai ni kabuokaki.

Te Otinako 34:25

Kam na aki anga te kariki ae e itinaki ngkana kam kareana te man i aon te baonikarea. Ao kam na aki katuka nikiran te man anne n te Riao nakon te bong are i mwiina.

Nakoaia Ibonga 2:11

Bon akea temanna ae na anga nakon te UEA ana karea are te uita ae e itinaki. Kam na bon aki kamanenaa te iti ke ana karewe te manibeeru n te am'arake are te karea nakon te UEA.

Nakoaia Ibonga 7:12

Ngkana arona b'a iai te m'aane ae e karaoa te karea aei b'a te karea ni kaaitau nakon te Atua, ao e na riai ni kaotia, n reitaki ma te man are e na kareanaki, te angab'ai are te kariki are e aki itinaki: e konaa n ae te kariki are e mmani ae e karaoaki man te buraawa ae e renganaki ma te oera, ke te berena ae e bururuaki aona n te oera, ke te keeke ae e karaoaki n te buraawa ae e renganaki ma b'aan te oriwa.

Nakoaia Ibonga 7:15

E na riai ni kanaki irikon te man n te bong n angakarea; bon akea nikirana teuana ae e na katukaki nakon te bong are i mwiina.