Te Otinako 23:14 - Te B'aib'ara

¹⁴ Kam na karaoi taian Toa aika tenua ni katoa ririki b'a karineau.

Te Otinako 23:14 ပူးပေါင်းရင်းမြစ်များ

1.Uea 9:25

Ao e katoa tenua te tai n te ririki Toromon ni kakabuoki ana karea are te boiarara nakon te UEA i aon te baonikarea are e karaoia. E a bane raoi ngkai karaoan Ana Tembora te UEA iroun Toromon.

2.Rongorongo 8:13

E iri taian babaaire i aon te angakarea are e anga Moote i bukin taiani karea n te Taabati, te Toa ae Moan Otin Nam'akaina, ma Toan te Kariki ae Aki Karikaki, ao te Toa ae M'anganikaai.

Te Otinako 23:17

A na riai n roko ami mm'aane n te Toa aei ni katoa ririki n taromauriai.

Te Otinako 34:17

Kam na aki karaoi bannan antiia man taian biti.

Te Otinako 34:18

Kam na aki m'am'aninga ni karaoa te Toa are te Kariki are Aki Karikaki n te nam'akaina are Abibi.

Etekiera 46:9

Ngkana a roko n taromauriai Au aomata i nanon taian toa nako, a na riai n otinako n taai nako n te mataroa are e kaaitaraa ma are a rin mai iai: akana a rin mai meaang, a na otinako man te mataroa are i maiaki, ao akana a rin man te mataroa are maiaki, a na otinako man te mataroa are i meaang.

Nakoaia Ibonga 23:16

Karaoa raoi aei i mwin nimabwi te bong, ae bon te bong are i mwiin te kaitiua n Taabati.

Nakoaia Ibonga 23:34

b'a e na kaangai nakoia Iteraera: Ni moanaki mani katebwi ma nimauani bongin te kaitiua n nam'akaina n reiti nako ni karokoa itiua te bong, ni kabane te koraki a na kauringa te Toa ae M'anganikaai i bukin karineau.

Nakoaia Ibonga 23:4

Tataekin tooa aikai n taia.

Nakoaia Ibonga 23:5

Te Riao bon ami tai naba ni bootaki n taromauriai, ao e riai n rungaaki n tairikin katebwi ma aua ni bongin te moan nam'akaina

Te Tua-Kaua 16:1

Kaain Iteraera, kam na riai kauringa te Riao n te nam'akaina are Abibi, i bukina b'a E kamaiungkami te UEA ae Atuami mai Aikubita n ririki aika nako n te tairiki teuana n te nam'akaina anne.

Te Tua-Kaua 16:16

Iai tenua taian Toa i nanon teuana te ririki ike a na bane ni m'ananga iai m'anen Iteraera nakon te tabo are a tia n rineia te UEA b'a E na taromauriaki iai. Taian Toa aikai bon: Te Toa are te Kariki ae e aki karikaki, te Toa ae M'angani Kaai, ao te Toa ae M'anganikaai. Ao tai m'am'aninga ni uota te b'aintangira nakon te UEA.

1.Tamuera 1:3

Ni katoa ririki Erekana e m'ananga man ana kaawa nako Tiro, ike e taromauriia iai te UEA ae Moan te M'aaka ma n anga karea. Eri bon ana ibonga te UEA ikekei ao natina m'aane ake uoman aika Obeni ao Bineati ake a m'akuri naba b'a ibonga.